عايزه اسأل سؤال هو يبان غريب شويه بس بجد حاسه ان حياتي بايظه بسبب كدا ازاي اعرف أصحى
يعني جربت كل الطرق ومفيش اي حاجه نافعه بظبط منبهات كتير اوي والصوت بيبقى عالي بس ببقي نايمه لدرجه اني مش بسمعهم خالص كل اللي ف البيت بيصحو وانا لا بقيت اخلي مامتي تصحيني
المشكله بقوم واول ما افتح كتاب بلاقيني نمت عليه تقريبا كل حاجه متوقفه اني اقوم بدري واخلص كل اللي ورايا ومش بعرف بجد بيبقي نفسي اقوم الفجر واصلي بس برضو مش بعرف جربت انام بدري ل درجه اني ساعات بنام م الساعه 8 بلاقيني قمت ع بعد الضهر مثلا
طيب انام متأخر مبصحاش برضو طيب اغير مكان نومي وانام ف مكان مش مريح بحيث ابقي نايمه نوم قلق واول ما اسمع المنبه اقوم برضو مش بقوم كأني ف غيبوبه
السلام عليكم ورحمه الله وبركاته النوم كثير ده ممكن يكون سببه مشكله عضويه فاحنا مش هينفع نتجاهل الموضوع ده الموضوع مش لازم يكون إن نومك ثقيل او انك مش بتسمعي المنبه يعني ممكن يكون عناصر معينه ناقصه في الجسم وهي اللي بتسبب النوم الثقيل ده وانك مش قادره تقومي واول كمان ما بتقومي بتنامي على الكتاب فاحنا هنا في عندنا مشكله حقيقيه محتاجين ان احنا نروح للدكتور ويعمل لنا بعض التحاليل علشان نتأكد احنا في عندنا عنصر في جسمنا ناقص او محتاجين ان احنا ناخده كفيتامينات من بره او غيره والموضوع يتحل معانا ده ممكن يكون حاجه بسيطه جدا يعني في عناصر هي بتسبب كده في فيتامينات بتسبب كده في هرمونات في الجسم بتكون زي هرمونات الغدة لو هرمونات الغده فيها شكل من اشكال الخلل ممكن تلاقي نفسك بتنامي كثير ومش قادره تقومي فعلا فالموضوع. ما فيهوش انك تظبطي نومك لانك مشكوره جربتي اكتر من طريقه لكن مساله العناصر الخاصه بالجسم قبل الاجتهادات بتاعتنا فتابعي برده أكلك يعني انت بتاكلي كويس ولا لا بتاكلي بشكل صحي ولا لا لانك لو بتاكلي ما بتاكليش خضار خالص فهنا في الفيتامينات بتنقص لو بتاكلي بس في انواع من الاكل هي اساسيه ما بتاكليهاش خالص فبرضه ده بينقص عناصر مهمه من الجسم وبتكون دي الاضرار اللي بتظهر عليكي من غير ما تحسي مش كل حاجه لازم تظهر في شكل مرض.
تم النشر السبت، ٢٠ سبتمبر ٢٠٢٥
السلام عليكم، المشكلة إن أحيانًا بيكون النوم بالوصف بتاعك ده نوع من الهرب النفسي، يعني ممكن عندك التزامات وضغوط مذاكرة عقلك لاشعوريًا بيدفعك للهرب منها، ممكن تكوني بتحاولي فعلا ونفسك تظبطي نومك لكن أساس المشكلة موجودة وعقلك الباطن بيتحكم فيكِ وبيخليكِ تهربي طول اليوم وحتى لما بتصحي بتكوني مش فايقة. لو كده ممكن مقدور عليها لو عرفتِ تتعاملي مع الضغوط دي وتعرفي إزاي تتعاملي مع عقلك وميله للتسويف وتظبطي مذاكرتك ومشاعرك ناحيتها. *** ساعات النوم الثقيل بيكون لأسباب صحية، زي مثلا فقر دم شديد يخليكِ عندك حالة مستمرة من الخمول والإرهاق، ممكن تعب ذهني وبدني والجسم محتاج يعوض، ممكن اضطرابات في النوم محتاجة تتابعي مع مختص عشانها. بعض الأمراض زي مشاكل بالغدة الدرقية ممكن تكون مسؤولة عن الخمول ده ورغبتك في النوم طول الوقت. ** طبعًا لو بتستخدمي الموبايل وقت طويل وخاصة قبل النوم فده سبب كبير يخليكِ متحصليش على جودة نوم كويسة فبالتالي تنامي أكتر عشان جسمك بيحاول يعوض وده كمان اللي بيخليكِ مش فايقة طول اليوم لأنك أصلا مش نايمة كويس حتى لو نايمة عدد ساعات كبير. الفكرة في الكيف مش الكم ببساطة. ** قللي من القهوة والشاي لو بتشربيهم، او ممكن تشربي القهوة مرة واحدة بس بعد كم ساعة من استيقاظك مش أول ما تصحي، ده الأفضل. خلي السرير للنوم فقط. متذاكريش على السرير أبدًا... سستمي عقلك إن السرير ده مش هدخله إلا عشان النوم وبس. *** جربي كده وتأكدي من الناحية الطبية كمان وإن شاء الله خير. بالتوفيق إن شاء الله.
تم النشر الجمعة، ١٩ سبتمبر ٢٠٢٥
مرحباً بكِ، شعورك بالفعل مزعج وممكن يفقدك الإحساس بالسيطرة على يومك، وأنا هنا عشان أساعدكِ بالتفهم والدعم. خليني ألخص معاكِ المشكلة عشان نقدر نشتغل عليها بعقلانية: أنتِ بتحاولي تعودي نفسك على لاستيقاظ لكن مش بتصحى من النوم رغم طرق كتير. حتى المنبهات العالية ما بتأثرش وبتصحى في غيبوبة. الما تبدأي حاجة زي قراءة الكتاب بتنامي عليها. كمية النوم مش مظبوطة لكل محاولاتك سواء تعتبرينها بدري أو متأخر. حتى النوم القلق أو النوم في مكان غير مريح مش نافع. نصيحتي لكِ بطريقة منظمة وعملية: تنظيم موعد نوم واستيقاظ ثابت مهما حصل، حاولي تثبتي موعد نومك واستيقاظك يومياً حتى في الإجازات. هذا بيساعد جسمك يعتاد روتين محدد. تهيئة بيئة النوم تأكدي إن غرفتك هادية، مظلمة، ومعتدلة الحرارة. تجنبي الضوضاء المزعجة والأضواء القوية. لو المضايقات كثيرة، جربي سماعات أذن للنوم. تجنب الأجهزة الإلكترونية قبل النوم الضوء الأزرق من الموبايل أو الكمبيوتر يعرقل هرمون الميلاتونين المسؤول عن النوم. حاولي تبعدي عنهم على الأقل ساعة قبل النوم. تمرين النفس والإثبات الذهني قبل النوم، فكري في نية الاستيقاظ مبكراً للصلاة أو هدف مهم. رددتيها كنية صادقة في بالك، فهذا يساعد دماغك يشتغل معاك. الاستيقاظ في نفس المكان من السرير لما الصوت عالي والمنبه ما بيصحكش، حاولي تحطي المنبه بعيد شوي عن السرير بحيث تضطري تقوم علشان تطفيه. الحركة تسهل الاستيقاظ. الدايت والنشاط أكل صح ونشاط خفيف خلال اليوم مهم جداً لتحفيز الجسم على النوم الجيد. تجنبي الكافيين بعد العصر. استشيري طبيب إذا استمرت المشكلة حتى بعد المحاولات، ممكن تكونين بتعانين من حالة طبية زي النوم العميق أو اضطرابات في النوم، فلازم تراجعي طبيب متخصص. الدعم الروحي اجعلي القليل من الوقت قبل النوم للاستغفار أو قراءة آيات الهدوء، وادعي ربك بقلبك ان يرزقك النوم الهنيء والاستيقاظ المبكر لأداء الفرض. تذكري، صحتك النفسية وجسمك بحاجة لصبر وتدريج. ممكن تحتاجي بعض الوقت للتكيف مع النظام، فلا تضيعي الأمل. لو حبيتي، ممكن تشوفي في قسم الخبراء على فدني أساتذة متخصصين في علم النفس والتنظيم الذاتي للدعم والتوجيه بشكل شخصي. وأي سؤال أو حاجة حابة توضحيها أو تشاركيني فيها، أنا هنا عشان أساعدك. كيف حاسة بالكلام ده؟ هل فيه جزء يهمك أركز عليه أكتر؟ <3
تم النشر الخميس، ١٨ سبتمبر ٢٠٢٥
حاولي متناميش في النهار وتنام عند الساعة 10او 10.30في الليل ولو امك بتقوم للصلاة الفجر تصحيكي وتصلي الفجر وكمان وضع منبهات عارفة أن الموضوع صعب بس منبه كل عشر دقايق او انك تفكري نفسك أن عندك أشياء مهمة وتضعي ليه هدف وتحاول تقدمي نص ساعة قبل الحاجة المهمة
تم النشر الاثنين، ٢٢ سبتمبر ٢٠٢٥
اخيرا لقيت حد شبهي
تم النشر الجمعة، ١٩ سبتمبر ٢٠٢٥
اظن الامر يرجع لمشكله طبيه ربما هناك نقص فى فيتامينات الجسد يحبذ مراجعة طبيب اولا
تم النشر الاثنين، ٢٢ سبتمبر ٢٠٢٥
حددي موعد مهم الصبح بدري شغل دراسة كورس تدريب ... ولازم و مضطرة تصحيله بدري حتي لو اضطريتي تسهري طول الليل هتصحي بدري و اشغلي نفسك طول اليوم ده حاولي تكوني برا البيت عشان متناميش ولما ترجعي نامي بالليل هتلاقي نفسك نمتي بدري شبعتي نوم و تصحي علي المنبه ( السر ان حاجة تجبرك علي الاستيقاظ)
تم النشر الأحد، ٢١ سبتمبر ٢٠٢٥
لازم تستشيري طبيب فورا
تم النشر السبت، ٢٠ سبتمبر ٢٠٢٥
واذكار النوم قبلها اكيد وادعي ربنا يعينك
تم النشر الجمعة، ١٩ سبتمبر ٢٠٢٥
جربي vitamen d
تم النشر الجمعة، ١٩ سبتمبر ٢٠٢٥
لعرض السؤال في فدني اضغط هنا