سلام عليكم،
اولا انا اولى ثانوي عندي اخ ف تالته اعدادي من يومين كنت دخلت لقيته فاتح فديو ل الشيخ أحمد العذب وحاطط السماعه ف ودانو ف قولتلو سمعني معاك قالي لاء قولتلو بعدها هتكسب أجر قالي لاء ف صراحه استغربت.... بعدها بـ عشر دقايق لاقيتو رايح الحمام استحمي وخرج فـ زود غرابتي لانو مش من عادات يستحمي الصبح فـ روحت لاقيتو بيكمل الفديو ف قولت طلاما هو مش يسمعني خلاص اكتشف بنفسي لانو انا صراحه فضوليه 🙂🙂
المهم ضغط ضغطه بسيطه على الفون بتاعو وشوفت عنوان الفيديو اللي هو التخلص من العادة السرية
فـ اتصدمت للحظه عشان اخويا محترم جدا وملهوش علاقه بالكلام دا ولا بيكلم بنات ولا اي حاجه ف مش اواجهو صراحه بس انا زعلت جامد ف مش عارفه اعرف ماما وبابا ولا اسيبو ولا اعمل اي
السلام عليكم، هم اللي ردوا مش قصدهم يهاجموكِ، فمتزعليش... هم بس حابين ينصحوكِ قبل ما أي خطوة تعمل نتيجة عكسية مع أخوكِ. مش قصدهم إنك عاوزة تفضحيه، بس لازم ينبهوا عليكِ إن مينفعش تقولي لبابا وماما عشان من ناحية أخوكِ هيزعل ومش هيثق فيك تاني وهيعمله مشكلة معهم وهيحس صورته بقت وحشة، وكمان مينفعش تمسكي موبايله وخصوصا مع رفضه وحتى لو انتِ قلقانة أو فضولك غلبك. فبينصحوكِ عشان متكرريش ده حتى لو خوف عليه. حطي نفسك مكانه أكيد مش هتحبي حد يمسك موبايلك أو مذكراتك مثلا ويشوف خصوصياتك.. فنفس الشيء اعمليه مع الغير مهما سيطر عليكِ الفضول. *** هو مفيش دليل ضد أخوكِ حتى لو بيتفرج على فيديو عن الموضوع ده... ممكن عنده صديق بيعاني من المشكلة دي وبيدور على طريقة تساعده (كان فيه عضو هنا سائل إزاي يخلي صاحبه يتوقف عن العادة دي) فممكن هو كمان عاوز يساعد غيره أو بيسمع فيديو عادي. وحتى لو لا قدر الله وقع فيها لأنه في النهاية بشر... فهو ما شاء الله بيدور على حل وبيصلح من نفسه. فمتواجهيهوش وحاولي قربي منه وشوفي الحاجات المشتركة بينكم وقوي علاقتك به وادعي له دايما بالصلاح والهداية. وربنا يوفقكم.
تم النشر الاثنين، ٢٢ ديسمبر ٢٠٢٥
عليكم السلام ورحمة الله وبركاته انا شايفا انو بيحاول يتوب ويجاهد نفسو وربنا سترو ف لي تقولي ل مامتك وباباكي ادعيلو بس ربنا يهديه هو في طريق صح لانو بيشوف حل وان شاء الله ربنا يهديه لان اي حد ممكن يقع ف الذنب المهم يعرف انو غلط ويتوب
تم النشر الاثنين، ٢٢ ديسمبر ٢٠٢٥
لا يجوز حرام التجسس وتتبع عورات الآخرين... ولو هوه داخل الحمام يستحمى متشغليش دماغك فهوه هل بيعغتسل مش بيتغسل هل هوه على جنابة ارجوكِ الافعال دي بتخليكي تكرهِ الشخص الي قدامك وبعدين ده اخوك من الدين ومن الدم واصلا لا يجوز تتبع عورات اخوكِ في الدين ولازم تحسنِ الظن بيه فما بالك ان ده اخوك من الدم كمان... لازم التوبة لانك غلطي في حقه وابحثي برضوا في حكمها لاني مش عارف هل كدا ممكن يختص منك يوم القيامة ولا لا... مش معنى ان اخوك او اختك في الدين من باب أولى عمل ذنب يبقا ده يقلل قدر الشخص الي قدامي... ارجوكِ احسني الظن بيه دايما متقعديش تتبعىِ عوراته متقعديش تشغلِ دماغك بالحاجات دي واصلا مفروض المسلم واجب عليه انه يحسن الظن بأخيه وحرام سوء الظن فانتِ كل ما تتبعِ عوراته وتظن فيه سوء ده حرام وبتاخدي عليه ذنوب اخوك ده اخوكي في الدين واخوكِ في الدم لازم تستريه وتظنِ بيه خير واوعى تظن بيه شر ولا تنظري لعيوبه ولازم العلاقة ما بينكم تكون قوية الأفعال دي بتهدم العلاقة بينك وبينه ولا يجوز ومتقعديش تشغلي بالك بيكلم بنات بيغض بصره كل الافعال دي غلط جدا وبتولد كراهية لاخوكي في الدم وفي الاسلام وطبعا اوعى تفضحيه ده غلط جدا
تم النشر الاثنين، ٢٢ ديسمبر ٢٠٢٥
ولا تعرفي أي حد وسبيه لانه غلط وبيصلح غلطه بنفسه بالتوبة وبما انه محترم وغير مختلط يبقى نطمن انها نذوة وندم وبيصلحها بالتوبة لكن ممكن نعمل زيادة توعية من خلال برامج او فديوهات بطريقة غير مباشرة ويارب يهديه ويصلح حاله ويثبت قلبه على التوبة
تم النشر الاثنين، ٢٢ ديسمبر ٢٠٢٥
وعليكم السلام يا حبيبتي 🌸 أولاً، أشكرك إنك شاركتيني ده، وأنا فاهمة صدمتك تمامًا.. أنتِ فضولية زي أغلب البنات في سنك، وده طبيعي، بس اللي شفتيه مش نهاية العالم خالص. أخوكِ محترم زي ما بتقولي، وده دليل إنه بيحاول يتخلص من حاجة مش سهلة في سن المراهقة (ثالثة إعدادي سن صعب نفسيًا وهرمونيًا)، واختياره فيديو ديني للشيخ أحمد العذبي يعني إنه عايز يصلح نفسه بطريقة إسلامية صحيحة.. ده إيجابي جدًا! 👍 مش هتقولي لماما وبابا دلوقتي ، عشان ميحرجوش وميفقدوش الثقة فيكِ، وهو كمان هيحس بالذنب أكتر. ومش هتواجهيه مباشرة ، احترمي خصوصيته عشان ميبعدش عنكِ. بدل كده، ساعديه بشكل غير مباشر وعملي: شجعيه يمارس رياضة يوميًا (زي الجري أو اللياقة في البيت)، ده يساعد يفرغ طاقته. اقترحي عليه صيام النوافل أو قراءة قرآن بعد الصلاة، وقوليله "ده بيجيب راحة نفسية رهيبة". ركزي معاه على الدراسة والأهداف، زي "هنذاكر مع بعض عشان ننجح في الشهادة". لو عايزة تفتحي باب كلام، قوليله "شفت فيديوهات حلوة عن الشيخ العذبي، عايز تسمع معايا؟" بدون تلميح للموضوع. أنتِ أخت رائعة إنكِ مهتمة بيه، وده هيقربه منكِ أكتر. لو حسيتِ إنه محتاج دعم أكبر، ابحثي في فدني عن أسئلة مشابهة زي "كيف أساعد أخي في مشكلة سرية"، أو شوفي الخبراء هنا: https://www.fedni.net/experts – فيه متخصصين نفسيين ودينيين هيساعدوكِ. أنتِ قوية وبتقدري تتعاملي مع ده بحكمة، ربنا يبارك فيكِ وفي أخوكِ 💕. لو عايزة تكملي كلام، أنا هنا يا ذكية! 😊
تم النشر الاثنين، ٢٢ ديسمبر ٢٠٢٥
جزاكي الله خيرا
تم النشر الاثنين، ٢٢ ديسمبر ٢٠٢٥
اولا دي خصوصية... و مش ليكي الحق تتدخلي فيها... هو بيحاول يتغلب علي المعصيه و بيجاهد نفسه ... و ان شاء الله ربنا يهديه و يعينه... لكن اسلوب المراقبه و الإفصاح عن هذا الأمر غير صحيح تماماً و ممكن يسبب مشاكل اكتر
تم النشر الاثنين، ٢٢ ديسمبر ٢٠٢٥
تمام هو عم بحاول يتخلص من معصية! مش مصر عليها! لي حتى تخبري الوالد؟؟ يمكن اذا خبرتيه تصير مشكلة ويروح اخوكي يفوت بمعصية اكبر، رأيي من رأي اسماء استغفري ربك.
تم النشر الاثنين، ٢٢ ديسمبر ٢٠٢٥
عقليتك الاستكشافيه دي حلوه جدا وهتنفعك في تعلم حاجات كتير بس استخدميها بعيد شؤون الناس حتى لو كانوا اهلك ده لمصلحتك علشان متخسريش حد بسببها + انا بعتذر لو كان اسلوبي حاد معاكِ كان هدفي أبين لك حجم الغلط ليس اكثر
تم النشر الاثنين، ٢٢ ديسمبر ٢٠٢٥
انتو ما شاء الله كلكم فهمتوني غلط انا لا عاوزه افضحوا ولا بتجسس ولا بظن بيه ظن سوء لانو هو اخويا بس انا عقليتي لما تلاحظ حاجه غريبه مش بقدر اطلعها من دماغي غير لما اعرفها... ف جزاكم خيرا على افادتكم.
تم النشر الاثنين، ٢٢ ديسمبر ٢٠٢٥
الغلط اللي عملتيه انك تجسستي عليه انتي بصيتي في تليفونه من غير إذنه حتى لو كان ماسك التليفون . انتي قولتي ليه انك عايزه تشوفي الفديو معاه وهو مرضيش ف خلاص المفروض تسكتي على كده .
تم النشر الاثنين، ٢٢ ديسمبر ٢٠٢٥
يا جماعه انا معملتش حاجه ف اي.... منا حطيت السؤال عشان محتاره اعمل اي.... اي الذنب انو شوفت يعني كان بيتفرج على اي.... عارفه انو بيجاهد لوحدو بس انا خوفت عليه...
تم النشر الاثنين، ٢٢ ديسمبر ٢٠٢٥
حتى أول ما شوفت عنوان الفديو كان هو ماسك الفون
تم النشر الاثنين، ٢٢ ديسمبر ٢٠٢٥
انا غلط ف اي 🙂🙂🙂
تم النشر الاثنين، ٢٢ ديسمبر ٢٠٢٥
وعليكم السلام ورحمة الله وبركاته. من رأيي خليكي في حالك ومتدخليش ف خصوصياته علشان متخسريهوش . غلط اوي اللي انتي عملتيه توبي واستغفري لذنبك
تم النشر الاثنين، ٢٢ ديسمبر ٢٠٢٥
لعرض السؤال في فدني اضغط هنا