أنا إن شاء الله قربت اكتب كتابي ولسه ما حدش حدد القايمه و مش عارف اخرى كام في القايمه
أنا جايلك من المستقبل القريب وبقولك شيل على قدك واللي شاريك هيكمل معاك لأن النفوس بتقلب فى المواقف والله اعلم بالغيب، وزى ما دكتورنا نوه إن القائمة زى إيصال الأمانة يعنى دين وانت أدرى بإمكانياتك ولكن تفاءلوا بالخير تجدوه والخير موجود وبنات الأصول موجودين.
تم النشر الأحد، ١٦ نوفمبر ٢٠٢٥
مشكلة القايمة ١- لو الزوجة هتجيب شيء في تجهيز البيت؛ حقها يتكتب لها به قائمة. ٢- لو الزوجة مش جايبة شيء فحق الزوج هنا يتمسك بعدم كتابة قائمة. ٣- لو الاتنين مشتركين في شراء الأثاث بتاع البيت، فمن حق الزوجة كتابة قائمة بالحاجة اللي جابتها فقط. ٤- طيب والحاجة اللي جابها الزوج؟ مش واجب عليه شرعاً يكتبها..اللي يجب عليه أداؤه هو المهر المتَّفَق عليه. ٥- طيب لو حب الزوج برضو يكتب اللي هو جابه؟ براحته؛ مفيش شيء يمنعه من دا، بس برضو مفيش شيء يُلزمه إنه يكتب دا. ٦- بس لو فرضنا الزوج كتبه، فلازم يكون مكتوب على سبيل إنه جزء من المهر، مش على سبيل إنه "استلم المنقولات دي على أنها أمانة" ٧- ودا طبعا بخلاف الحاجة اللي الزوجة جابتها؛ دي تتكتب عادي أنها أمانة واستلمها، لأنها فعلاً كدا، ودي حقها طبعا في كل الحالات.
تم النشر السبت، ١٥ نوفمبر ٢٠٢٥
ايوة يا جماعة بس دا بردو حفظ لحق الست - كلمة انتي طالق بقت سهله والشباب دلوقتي مش كلهم ناس سوية مسئولة ومعظمهم طايشين وانا قلت معظمهم مش كلهم في ناس كتير محترمة ومش محتاجة قايمة علشان يصونوا بيتهم لكن انا بتكلم عن الطايشين دول لو مفيش حاجة تربطهم هتبقي كلمة انتي طالق لبانة عندهم ف اللي داخل علي عمار مش هيخاف
تم النشر الاثنين، ١٧ نوفمبر ٢٠٢٥
ده اتفاق بينكم وبما يرضي الله واوعى تيجي على نفسك علشان المشاكل كبيرة بعد كدة والقائمة زي إيصال الامانة في رقبتك هستدده هتسدده إذا حدثت أي مشاكل والدنيا مش مضمونة اصلا واعمل واكتب اللي تقدر عليه ويرضي ربنا. الأمور والحياة صعبة لوحدها متصعبهاش على نفسك وتدي وعود وانت فرحان هتيجي على راسك بعد كدة ..واقول لك تعقل وسيبك من العواطف.
تم النشر السبت، ١٥ نوفمبر ٢٠٢٥
اما عن القايمه احسب تكلفه حاجتك وتكلفه حاجتها وكله بالاتفاق والتراضي
تم النشر الاثنين، ١٧ نوفمبر ٢٠٢٥
بص مبدأ القايمه ده خطأ من البدايه ولكن جبرنا عليه ظنا ان هذا يحفظ حقا المرأه
تم النشر الاثنين، ١٧ نوفمبر ٢٠٢٥
فكر بعقلك مش بقلبك مهما كانت الست اللي معاك في منتهى الجمال والرقه اوعى تمضي على جرامات دهب ولو عايز الأضمن والأحسن تشتغل كمان شويه وتتعب وتجهز بيتك وماتمضيش قايمه خالص.
تم النشر الأحد، ١٦ نوفمبر ٢٠٢٥
لعرض السؤال في فدني اضغط هنا