أنا في تالته ثانوي
وعندي تراكمات كتير وفاضل ع امتحاني شهر.
عاوزه حل للمشكله دي
شوفي ما لايُدرك كُله لا يُترك كّله ممكن تذاكري دلوقتِ لـ يوم الإمتحان وهتلاقي نفسك جمعتِي قدر كويس من الماده تمام،حتى لو طريقة مذكرتك انك هتسمعي فديو يوتيوب لشرح الدرس من الأول خالص خالص شوفِي اي الطريقة المناسبة ليِك واعمليها تمام رب يصلح حالك
تم النشر الخميس، ٢٢ مايو ٢٠٢٥
السلام عليكم، محتاجة أولًا الهدوء وتقليل التوتر والخوف من فكرة إنك مش هتلحقي تلمي المنهج... خالص، الوقت كفاية وإن شاء الله تقدري تذاكريه لكن لو عرفتِ إزاي تذاكري بذكاء. المذاكرة على فكرة بالكيف مش بالكم... يعني ممكن تذاكري ساعة واحدة بتركيز وفهم أفضل من 5 ساعات بتشتت وتوتر ومجهود ذهني من غير محصلة. *** فكرة إنك بتعملي جداول ومش بتمشي عليها ده يحتاج وقفة مع نفسك أنتِ... محتاجة تفكري نفسك طول الوقت ليه لازم تلتزمي وليه بتذاكري وإيه نيتك وهدفك من الدراسة والتفوق بإذن الله. ** رتبي وقتك وأولوياتك ونامي كويس وقللي شرب قهوة وشاي قدر الإمكان عشان تقدري تنامي كويس لأن النوم مهم وعقلك لو مش نايم كويس مش هيفهم المعلومات اللي بتذاكريها ولا هيقدر يسترجعها بعدين. *** مهم جدًا حل أسئلة الامتحانات على كل درس بتذاكريه. دلوقتي كل حاجة موجودة على النت وسهل تلاقي شرح الدروس من أكثر من مدرس لو مفهمتيش من واحد تفهمي من غيره إن شاء الله. المراجعة المنتظمة ضرورية جدًا... مذاكرتك من غير مراجعة هتكون ولا كأنك عملتِ حاجة لأن المخ بيحتاج تكرار المعلومات على فترات عشان تثبت في الذاكرة طويلة المدى. *** اقرأي الدرس اللي عليه الدور لوحدك وشوفي هتفهمي إيه وبعد كده اسمعي الشرح على يوتيوب واكتبي الملاحظات والحاجات الجديدة اللي فهمتِها وبعدين حلي أسئلة الامتحانات. ** دي شوية نصائح كده إن شاء الله تفيدك سواء في الكيمياء أو غيرها من المواد. وربنا يوفقك إن شاء الله.
تم النشر الخميس، ٢٢ مايو ٢٠٢٥
مرحبًا بك، أُحب أقول لك إنك مش لوحدك، كثير من الطلبة بيمروا بظروف تراكمات وضغط وقترة امتحانات. خليني أساعدك بخطة عملية تقدر تنفذيها في الشهر المتبقي إن شاء الله: 1. تحديد الأولويات: ابدأي بتحديد أهم المواضيع اللي لازم تذاكريها في مادة الكيمياء، مثلاً الدروس اللي جيهالك فيها تراكمات أو اللي بتجي في امتحانات دايمًا. ركزي على الفصول أو الوحدات اللي فيها نقاط ضعف أكبر عندك. 2. تنظيم الوقت: حددي جدول يومي أو أسبوعي للمذاكرة، وخصصي وقت محدد لكل موضوع مع مراعاة عمل فواصل صغيرة للراحة. على سبيل المثال، ممكن تذاكري 45 دقيقة، ثم تاخدي 10 دقائق راحة، وهكذا. 3. التركيز على الفهم وليس الحفظ فقط: الكيمياء مادة تعتمد على الفهم، فحاولي تفهمي التفاعلات والقوانين بدل الحفظ فقط. استخدمي مصادر مثل فيديوهات شرح قصيرة أو امتحانات سابقة لفهم طريقة الأسئلة. 4. التمارين العملية: حاولي تحلي أكبر عدد ممكن من الأسئلة والتدريبات، لأن التمرين المستمر يساعدك تثبتي المعلومة بشكل أفضل. 5. طلب المساعدة: إذا كان عندك أسئلة أو حاجات مش واضحة، ممكن تراجعي مع مدرسين خبراء (ممكن تلاقيهم على منصة فدني أو تطلبي مساعدة من دكاترة متخصصين في الكيمياء. 6. التحفيز والتفاؤل: خلي عندك إيمان إنك قادرة تتجاوزي التراكمات دي بالجد والاجتهاد. تذكري أن التخطيط الجيد بيختصر وقت كبير وبيقلل التوتر. لو حبيتي، أقدر أساعدك أعمل لك جدول مذاكرة مفصل لو تكتبي لي مثلا كم ساعة تقدري تذاكري يوميًا، وأي المواضيع عايزة تركيز عليها. أنا معاكِ خطوة بخطوة، ولا تنسي أنكِ قادرة على النجاح بإذن الله! 🌷 هل عندك تفاصيل أكتر؟ مثل عدد الساعات اللي تقدري تذاكريها يوميًا وأهم المواضيع اللي عندك تراكم فيها؟
تم النشر الخميس، ٢٢ مايو ٢٠٢٥
اعملي جدول منظم وابدي طوالي قراية من غير تسويف او كسل ح تلحقي ان شاء الله ابدي مادة مادة لأنو لمى تشوفي كمية المواد العليك كتيرة ح تكسلي منها ف ركزي علي موضوع موضع مثلا في تقري الأسبوع 3 مواد وتاني حسب برنامجك
تم النشر الخميس، ٢٢ مايو ٢٠٢٥
لعرض السؤال في فدني اضغط هنا