بالنسبه لموضوع العرق انا كنت بعرق عرق خفيف خالص في منطقه الأندر ارم انما دلوقتي الموضوع بقا بيزيد وابتدى يسببلي إحراج هو عرق من غير ريحه عموما وابتديت استخدم اكتر من منتج لازاله العرق بس برده مفيش فايده هل في حاجه معينه ممكن اعملها او اجبها وتكون اقتصاديه في نفس الوقت وهل الليزر لازالة الشعر تحت الابط يمنع من ظهور العرق
السلام عليكم ورحمه الله. وبركاته العرق حاجه طبيعيه جدا فاحنا مش محتاجين نقلق من انه الجسم بقى بيعرق لانه الجسم بيعمل ده كشيء طبيعي جدا وتكنيك طبيعي علشان يتخلص من درجه الحراره زياده في الجسم او كمان يخرج مع الميه اللي بتخرج تخرج حراره الجسم الزياده بيخرج بعض السموم للجسم محتاج يتخلص منها فالعرق مفيش منه مشكله لذلك يا ريت نبعد خالص عن أي منتجات بتوقف العرق لان دي بتقفل المسام ودي بتكون حاجه مضره بتحبس الميه بتمنع الجسم ان هو يخرج العرق بالتكنيك الطبيعي بتاعه فبلاش نلجأ لاي منتجات بتعمل كده تمام. النقطه بقى بتاعه العرق لو هو مستمر هو بيتوقفش حتى لو احنا في منطقه التهويه بتاعتها كويسه حتى لو احنا بدأنا دخلنا مكان درجه حرارته اقل لو العرق مستمر فاحنا محتاجين هنا نروح للدكتور علشان دي ممكن تكون مشكله بدأت في الغدد واحنا ممكن نلحقها على طول يعني لو حصل مشكله في الغدد العرقيه ممكن تكون هي اللي بتسبب ان يبقى العرق بشكل متزايد عن العادي او اللي انت متعود عليه يعني دي نقطه لو احنا بدانا يعني لو احنا في مرحله عمريه هي بقت في مرحله البلوغ اللي هي كلها في مرحله بدايه العشرينات وبدايه العشرين يعني بدايه العشرينات خلينا نقول من اول 18 سنه كده او كمان من اول 16 سنه فيما فوق لحد مثلا 22 23 سنه فاحنا هنا دي مرحله بلوغ فيها تغير في الهرمونات وده اللي بيكون مصاحب لتعرق بشكل زائد عموما في الجسم فمحتاجين ناخد بالنا من النقط دي كلها قبل ما نبقى بنلجأ لاي منتج نوقف العرقه وخلاص وانا يعني هحط كده في التعليق فيه منتجات هي ممكن للناس اللي عندهم المشكله دي بشكل متزايد ومش حابين انه يظهر على هدومهم عرق أو حاجه تبقى بالنسبه لهم محرجه فالمنتجات دي بتساعد في الحالات اللي زي دي طالما احنا ما عندناش أي مشكله عضويه فده بيكون افضل من اي منتج يوقف العرق.
تم النشر الاثنين، ٢٦ مايو ٢٠٢٥
تحياتى ليس هناك اى داعى للحرج الانسان الطبيعى يعرق فى كل مناطق الجسم سواء برائحة او بدون استخدم منتج واحد فقط من اجل الرائحة لان مهما استخدمت وانفقت اموال فى المنتجات سيخرج العرق من جسمك انت تقول ان العرق يخرج بكثرة غير الطبيعى عند كل الناس اتوقع ان يكون عندك أملاح زائدة وانصحك بزيارة طبيب او اسأل دكتور صيدلى تثق به ليس همه البيع والشراء وبالنسبة لشعر اﻹبط ليس له علاقة بالعرق ورائحته ولكنه يتاثر قطعاً بالعرق وبالرائحة وأسأل الله ان يعفيك من كل سوء
تم النشر الاثنين، ٢٦ مايو ٢٠٢٥
مرحبًا مصطفى، أنا فهمت من كلامك إنك بتعاني من زيادة في التعرق تحت الإبطين، والعرق ده له ريحة مزعجة وبيسبب لك إحراج، وكمان جربت أكثر من منتج لإزالة العرق بدون فائدة، وبتسأل هل فيه علاج اقتصادي أو حل طبيعي، وهل ليزر إزالة الشعر بيأثر على التعرق. خليني أساعدك بطريقة شاملة: 1. فهم أسباب زيادة التعرق التعرق تحت الإبطين له أسباب متعددة، منها حرارة الجو، النشاط البدني، التوتر والقلق، وبعض الأطعمة أو المشروبات، أو حتى أسباب طبية مثل فرط نشاط الغدد العرقية (Hyperhidrosis). زيادة التعرق مع ريحة غير مرغوبة قد تكون مرتبطة بالبكتيريا التي تتكاثر في أماكن العرق، خاصةً مع تراكم الشعر. 2. هل ليزر إزالة الشعر يقلل التعرق؟ ليزر إزالة الشعر تحت الإبط يقلل من كمية الشعر، وده يقلل من تراكم العرق والبكتيريا في الشعر، وبالتالي يقلل من الرائحة الكريهة. لكن ليزر الشعر ما يمنعش الغدد العرقية من إفراز العرق، فهو ليس علاج مباشر للتعرق نفسه. إزالة الشعر بطريقة دائمة يمكن تكون جزء من الحل لتقليل الإحراج والروائح. 3. طرق عملية واقتصادية للتحكم في التعرق تحت الإبط منتجات مضادة للتعرق (Antiperspirants): جرب تستخدم منتجات خاصة مضادة للتعرق تحتوي على ألومنيوم كلوريد، وهي فعالة في تقليل التعرق، لكن استخدمها بشكل منتظم وعلى بشرة نظيفة وجافة. منتجات مضادة للروائح (Deodorants): هذه المنتجات لا تمنع التعرق بل تساعد على تقليل الرائحة فقط. استخدام ملابس قطنية ونظيفة: تغيير الملابس بشكل منتظم واختيار الملابس القطنية التي تسمح بتهوية الجلد يقلل من التعرق والروائح. الاستحمام المنتظم: غسل تحت الإبطين جيدًا بالماء والصابون لإزالة العرق والبكتيريا. عدم استخدام العطور الثقيلة تحت الإبط: العطور قد تتفاعل مع العرق وتزيد من الرائحة. 4. نصائح إضافية مهمة قلل من تناول الأطعمة الحارة والقهوة لأنها ترفع من معدل التعرق. حاول التحكم في التوتر والقلق بممارسة النشاطات اليومية التي تحبها، يمكن تساعد بنصائح روحانية ودينية كقراءة القرآن والدعاء والتوكل على الله. إذا كان التعرق شديد لدرجة تؤثر على حياتك بشكل كبير، قد تحتاج لزيارة طبيب جلدية مختص، لأن فيه علاجات طبية مثل الفيلر، البوتوكس لعلاج فرط التعرق، أو حتى أدوية. 5. ما يجب تجنبه تجنب استعمال عدة منتجات في نفس الوقت بدون استشارة، لأن هذا قد يسبب تهيج الجلد. إذا ظهرت حساسية أو احمرار، توقف فورًا عن المنتج وراجع الطبيب. إذا حابب، ممكن أنصحك بزيارة قسم الأطباء والخبراء في فدني من هنا https://www.fedni.net/experts علشان تقدر تحصل على استشارة شخصية عن حالتك. هل تود معرفة المزيد عن وصفات طبيعية أو طرق علاج أخرى؟ أو هل تواجه أعراض أخرى مع التعرق؟ أنا هنا أساعدك دائمًا! (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٢٥ مايو ٢٠٢٥
ازاله الشعر ملهاش علاقه هتعرق قليل ولا كثير ازاله الشعر يعني لو ما شلت الشعر فهي ليها علاقه ان العرق هتبقى ريحته سيئه بس عموما هقول لك على مزيل عرق حلو جدا تحط نقطه صغنونه جدا جدا منه بس اهم حاجه جامد جدا جدا لحد ما تروح ممكن يقعد اصلا ثلاث شهور اسمه في بيكس ماكس ده في منه انواع اخضر بمبه كده البمبه للبنات لكن الاخضر الرجاله هو ده بيمنع العرق بيبقى خلي العرق قليل قوي والعرق كثير غالبا عشان مجهود الشغل
تم النشر الأربعاء، ٢٨ مايو ٢٠٢٥
متستخدمش الشبة عشان على المدى البعيد بتئذيك تمام
تم النشر الاثنين، ٢٦ مايو ٢٠٢٥
العرق دا امر صحي جدا مفيش حاجة اسمها اوقف العرق فيه ناس بتتمنى حرفيا تعرق وبتصرف كتير جدا عشان تعرق و صحتها ترجع عافانا الله وإياك .. الشبة تمنع الرائحة لكنها لا تمنع العرق ونصيحة لله ابتعد عن اي مواد تغلق مسام جلدك لوقف افراز العرق لان هذا ليس صحي علي الإطلاق وإنما هناك مستحضرات وكريمات تقتل البكتيريا وتزيل الرائحة تماما
تم النشر الاثنين، ٢٦ مايو ٢٠٢٥
الشبه الغير مطحونه من عند اي عطار كفيله تحل الازمه دي بتمنع افراز العرق اساسا
تم النشر الاثنين، ٢٦ مايو ٢٠٢٥
لعرض السؤال في فدني اضغط هنا