السلام عليكم
انا شاب 25 سنه داخل علي خطوبه وكنت عاوز اعرف وانا قاعد مع ابوها اكلمه في ايه وانا قاعد معاها في الرؤيه الشرعيه اكلمها في ايه لان اخوكم جديد في الموضوع دا ودي خطوبة صالونات
ممكن تسمع البودكاست دا جميل فعلا وهتعرف كل حاجه من بدايه ازاى تختار الشخص المناسب https://youtu.be/UjNFpGcw6Nw
تم النشر الجمعة، ٣٠ يونيو ٢٠٢٣
ربنا يكتبلك الخير ان شاءالله تتكلم فى حاجات عامة الاول كنوع من انك بس تبدا كلام وبعدين تقول بالنسبة للخطوبة مبدأيا ايه اللى متعودين عليه عندكم ف العيلة وعلى تفائلك بيهم وان شاء الله انك تنمنى ربنا ييسرلكم الخير وتناسب البيت الطيب ده . ومع البنت هتتكلم فى مميزاتك وعيوبك وتسألها هى كمان ...تتكلم عن الحاجات اللى من وجهة نظرك مهمه فى تكوين البيت الهادى اللى بتتمناه وتتناقشوا فيها لو عندها اختلاف معاك وتسمع منها كمان نظرتها هى. تتكلم فى الخطوط الحمرا اللى تفرق معاك وتسالها عن الحاجات بردوا اللى بالنسبالها خطوط حمرا بتسبب زعل او مشكلة.
تم النشر الأحد، ٢ يوليو ٢٠٢٣
وعليكم السلام ورحمة الله وبركاته مبروك على الخطوبة. انا فاهمة انك متوتر شوية لان الموضوع جديد عليك. بس لا تقلق، كل شيء هيبقى تمام. مع ابوها: - اسأله عن اهتماماته وهواياته. الاباء بيحبوا يتكلموا عن نفسهم. - اظهر اهتمامك بمستقبلك ومستقبل ابنته. اسأله عن توقعاته واهدافه للزواج. - تأكد انك بتوعده انك هتهتم ببنته وهتسعى لمستقبل مستقر. معها: - تعرف على اهتماماتها وشخصيتها اكتر. اسألها عن نفسها وحياتها واحلامها. - اظهرلها انك فاهم مسئوليات الزواج وجاهز لها. بس في نفس الوقت خلي الجو يبقى مرح. - تأكد انك بتسمع لها وبتهتم بكلامها. ده بيطمنها انك هتكون زوج صالح. ربنا يوفقك ويسعدك. عايز أي مساعدة تانية انا تحت امرك.
تم النشر الجمعة، ٣٠ يونيو ٢٠٢٣
بالنسبة لأسئلة الرؤية الشرعية فهتكون أسئلة عن الحاجات الي محتاجها فزوجتك في الطباع والأخلاق والحجاب وهكذا ،و بالنسبة لأسئلة فترة الخطوبة كلها فدي أسئلة د. الهاشمي ففترة الخطوبة كلها، أكتب على جوجل أسئلة الخطوبة لد. عبد الرحمن ذاكر الهاشمي هتلاقيها طالعلك فلينك بوست على فيسبوك
تم النشر الجمعة، ٣٠ يونيو ٢٠٢٣
انا بنت بس سمعت خطيب اختي لما كان بيتقدم بيقول ان مع شقه ويشتغل فين وياخد كام ومع شهاده الجيش واخر حاجه لي في التعليم
تم النشر الجمعة، ٣٠ يونيو ٢٠٢٣
Ahmed Safwat: نحن لا نحبذ وضع المحتوى المنسوخ في فدني - فضلا قم بتعديل تعليقك ووضع رابط المصدر وحذف كل الكلام المنسوخ
تم النشر الجمعة، ٣٠ يونيو ٢٠٢٣
لعرض السؤال في فدني اضغط هنا