عندي ضعف في الحفظ و دا خلاني معنديش حصيله كلمات و دا ادي اني مش بعرف اترجم او حتي اكتب مقال او حتي برجراف ومش بحب الحفظ خالص و حرفيا انا داخله تالته ثانوي و لا معتمده علي حصيله كلمات ابتدائي و اولي اعدادي فقط دماغي واقفه من ساعتها و خايفه جدا و طبعا دا اثر عليا في درجه امتحان الانجليزي اخر السنه و عديت النص بالعافيه، اللي عندوا حل ياريت يفيدني! 🥲
فيه كذا حاجة هيساعدوا إن شاء الله، الأول أنك تبدئي في المنهج عادي وتاخدي كورس تأسيسي على يوتيوب للثانوية، فيه مدرسين عندهم محاضرات كويسة، التاني أنك هتغيري طريقة الحفظ، فمثلا القواعد والكلمات اللي هتحفظيها مهما كانت قليلة تكلمي بيها (جيميناي) ودا هيساعدك في حفظ الكلمات وتطوير الكتابة ------ التالتة أنك تخلي كتير من المحتوى اللي بيظهرلك على الميديا يكون انجلش وبرده لغة الموبايل خليها انجلش، كل دا عشان تتأقلمي على اللغة أكتر وتبقى مألوفة ودا هيسهل جدا حفظها وفهمها----- الحاجات اللي بتهتمي تقرئيها بالعربي اقرئيها بالانجلش بس دي حاجات تتعمل بعفوية مش مسئولية مثلا--- وأهم حاجة المنهج، كلمات وجرامر والموضوعات الكتابية والقراءة والأسئلة والتدريبات دول أهم حاجة -------
تم النشر السبت، ٢٧ يونيو ٢٠٢٦
السلام عليكم، في تعلم الإنجليزي أو أي لغة عموما بلاش تركيزك يكون على حفظ المفردات فقط. اللغة بنستخدمها كجمل في حديثنا فركزي على إنك تسمعي وتحفظي جمل كاملة وأي مفردة جديدة تمر عليكِ دخليها في جملة. بالنسبة لمشكلة الحفظ، فأولا متحكميش على نفسك إن حفظك ضعيف، ممكن مشكلتك بس في المراجعة. أيوه الحفظ بيفرق من شخص للتاني لكن الثابت إن أي معلومة هتحاولي تحفظيها هتتنسي عادي وده بيحصل معنا كلنا، لأن المعلومة الاول بتتخزن في الذاكرة قصيرة المدى ولازم يتراجع عليها أكتر من مرة على فترات متباعدة عشان تتنقل للذاكرة طويلة المدى. وده المطلوب منك، اعملي جدول للمراجعة واستخدمي طريقة التكرار المتباعد (ابحثي عنها على يوتيوب في فيديوهات شرح لها) ممكن أرشح لك موقع ريفيرسو https://context.reverso.net/translation/ ترجمي فيه المفردات وهتلاقي امثلة جمل ممكن تحفظي منها، والموقع نفسه هيفيدك في تعلم الإنجليزي وفي الترجمة. وممكن تستعيني ببرامج الذكاء الاصطناعي، تعطيه الكلمات وتطلبي منه كتابة مقطع أو قصة قصيرة باستخدام الكلمات بحيث تتعلمي المفردات في سياق كامل. ** آخر حاجة، في اللغة مهم تتعرضي لها كتير، تعلمي بالانغماس في اللغة، يعني اسمعيها كتير واقرأي بها، تابعي بودكاستات وفلوجات لمتحدثين أصليين في المواضيع اللي تهمك ومع الوقت هتلاقيكِ طورتِ كل مهارات اللغة. بالتوفيق.
تم النشر الأحد، ٢٨ يونيو ٢٠٢٦
يا بنتي، أول حاجة أحب أقولها لك إن شعورك بالخوف والإحباط طبيعي جدًا، وإنك وصلتي للثانوية وبتحاولي تحسني وضعك ده دليل على قوتك. اللغة الإنجليزية مش بس حفظ كلمات، لكنها مهارة زي أي مهارة تانية بتتحسن بالممارسة اليومية البسيطة مش بالحفظ الجاف اللي بتكرهيه. ابدئي بخطوات صغيرة وممتعة عشان تبني حصيلة الكلمات بدون ما تحسي إنك بتحفظي. مثلاً، اختاري 5-7 كلمات يوميًا من سياق حقيقي: اقرئي قصة قصيرة بسيطة أو شاهدي فيديو قصير على يوتيوب بالإنجليزي مع ترجمة، واكتبي الكلمات الجديدة في جمل كاملة تخص حياتك (مثل "I feel worried about my exam" بدل ما تحفظي "worried" لوحدها). استخدمي تطبيقات زي Anki أو Quizlet عشان تكرري الكلمات بطريقة متباعدة، ده بيساعد الذاكرة بدون جهد كبير. كمان، حاولي تكتبي فقرة قصيرة كل يوم عن يومك بالإنجليزي، حتى لو فيها أخطاء، وصححيها بعدين باستخدام ترجمة جوجل أو قاموس. بالنسبة للحفظ عمومًا، ركزي على ربط المعلومات بصور أو قصص أو أغاني تحبيها، ده بيخلي الدماغ يحتفظ بالكلمات أسهل. خصصي 20-30 دقيقة يوميًا فقط، وكوني منتظمة أكتر من إنك تحاولي تحفظي كتير مرة واحدة. لو استمريتي كده لشهرين، هتشوفي فرق كبير في الترجمة والكتابة، وهتعدي الامتحان بسهولة أكتر إن شاء الله. ابحثي على فدني عن أسئلة مشابهة عشان تشوفي تجارب بنات تانيين، ولو عايزة نصايح إضافية قوليلي. أنتِ قادرة، وهتتقدمي خطوة بخطوة! 🥰
تم النشر السبت، ٢٧ يونيو ٢٠٢٦
غيري طريقه مذاكرتك واسسي نفسك بفتره الاجازه بالمواد اللي انتي ضعيفه فيها استخدمي طريقه التكرار المتباعد و فينمان وهتلاقي طرق كثيره علي التيك توك واليوتيوب وغيرها من المواقع.
تم النشر الأحد، ٢٨ يونيو ٢٠٢٦
لعرض السؤال في فدني اضغط هنا