ايه رأيكم في إن العريس يمضي قايمة على بياض
شايفين هل ده من حق العروسة تضمن حقها كده ولا لا
وهل ده ظلم للعريس؟
وهل المؤخر بردو المبلغ لما يبقا مليون و ٢ مليون ده ظلم لي؟
لي يمضي على بياض يا أختي ؟؟! المؤخر وتقريبا بيكون حسب عرف البلد ف مش اقدر اقول دا عادي ولا لأ . وعندي كمان تعليق وهو ان الله سبحانه وتعالى شرع الطلاق عند استحالة العشره ودا من رحمة ربنا علشان محدش يعيش مع انسان /ة مش متقبلها والعشرة بينهم مستحيله فكدا تعجيز ليه ومنعه من حق ربنا اعطاه له لأن على بياض ممكن تكتبي اي حاجه اعلى بكتير من امكانياته ودا هيخليه أو يخليكي تكملو برغم كرهكم لبعض ، وربنا يباركلك ويسعدك طبعا ولكن الزواج مش بالطريقه دي لأنه مش بيع وشراء ولو مش واثقه فيه من الاساس فغلط انك تكملي معاه مش تحمليه فوق طاقته عشان تحفظي حقك وبالمناسبه دا مش حفظ للحق ، الزواج ميثاق غليظ ولازم تختاري كويس حد تستأمنيه على نفسك وروحك ، حد بيتقي اللّه فحياته وبكدا الماديات هتكون اخر حاجه تفكري فيها .
تم النشر الخميس، ٦ أغسطس ٢٠٢٦
احنا عندنا في الصعيد بيدفع العريس مليون والعروسه بتكون جايبه كل حاجة يعتبر والاجهزه وكدا ف المليون دي تعتبر حق الحاجات اللي بتجيبها العروسه هو كتير شويه بس هما بيعملو كدا ولكن لو جينا ل الاسلام والدين المفروض العريس يجيب الشقه جاهزه من كل حاجة والاجهزه والعروسه متجيبش حاجة ومافيش حاجة اسمها قايمه في الاسلام والله واعلم. بس برضو مش كل الناس بتعمل كدا في ناس بتقدر الشخص اللي قدامها وتراعي ظروفه ودا قليل جدا انك تلاقيه
تم النشر الجمعة، ٣١ يوليو ٢٠٢٦
معلش هو مين اللي هيتجوز ابو هشيمه؟ ولا هيفاء وهبي ولا ياسمين عز مين اللي هيتجوز انا اصلا برفض مبدا القايمه اصلا صراحه. يعني سيبكوا ان انا بنت بس انا نفسي يعني برفض مبدا القايمه واحسن قايمه تتعمل ان احنا نحط عفش بتاع العريس في بند المهر. يعني نعمل قايمه كده لذيذه ونحط العفش بتاع العريس في في البند اللي هو بتاع المهر علشان حتى العروسه لو جت بعد كده ما كانتش لذيذه ولطيفه وراحت رافعه قضيه خلع فالمهر المفروض ان هي بتردده للعريس. فبالتالي لو العفش بتاع العريس اتحط في بالبند بتاع المهر فهي لو رفعت خلع فال عفش بتاعه هيتردله تلقائيا اما ابدا بقى القايمه واثنين مليون مؤخر ليه مش عارفه العروسه من الذهب.
تم النشر الجمعة، ٣١ يوليو ٢٠٢٦
أنا شايفة إن موضوع توقيع القايمة على بياض ده أمر محفوف بالمخاطر ومش أفضل طريقة لضمان الحقوق. في الإسلام، الزواج مبني على الوضوح والتراضي، والقايمة أصلاً عرف ثقافي مش فرض شرعي، لكن لو هتستخدميها كوسيلة للحماية، لازم تكون واضحة ومتفق عليها من الطرفين عشان ما تتحولش لمصدر خلاف أو ظلم. التوقيع على بياض بيفتح باب لإضافة أشياء غير متفق عليها، وده ممكن يسبب مشاكل كبيرة بعد الجواز، سواء للعريس أو للعروسة نفسها. بالنسبة لسؤالك عن الظلم، أيوه، ده غالباً بيُعتبر ظلم للعريس لو ما كانش عارف بالضبط إيه اللي هيتمضي عليه، لأن الرجل بيبقى ملزم بأرقام أو أشياء قد تكون مبالغ فيها بدون موافقة حقيقية. في نفس الوقت، حقك كعروسة في ضمان مستقبلك أمر مشروع، لكن الطريقة الصح تكون بالحوار والكتابة الواضحة مع شهود أو توثيق رسمي، مش بالبياض اللي بيخلي الأمور غامضة. أما بالنسبة للمؤخر اللي بيوصل لمليون أو اتنين مليون، فده فعلاً ممكن يكون عبء كبير على الرجل ومش متوافق مع روح الإسلام اللي بتشجع على التيسير والمهر المعقول. الرسول صلى الله عليه وسلم قال "أيسر الصداق أيسرهن"، يعني المهر السهل أفضل. لو المبلغ ده هيثقل كاهل الزوج ويأثر على حياتكم المشتركة، فكري في تقليله عشان الزواج يبدأ بسلام واستقرار، مش بديون أو ضغوط. جربي تتكلمي معاه بصراحة عن توقعاتكم المشتركة، ولو محتاجة آراء إضافية، ابحثي عن أسئلة مشابهة على فدني عشان تشوفي تجارب متنوعة. ربنا يوفقك ويبارك لك في حياتك الجديدة.
تم النشر الجمعة، ٣١ يوليو ٢٠٢٦
انا الحقيقه معرفش بس المفروض نحس بالشباب انا عن نفسي مش همضي خالص علي قايمه . هل انا كدا غلطان . هو كله عامة ظلم للعريس هههه
تم النشر الجمعة، ٣١ يوليو ٢٠٢٦
لعرض السؤال في فدني اضغط هنا