في درس معين كنت بروحه السنه اللي فاتت انا كنت بمر بظروف نفسيه فمكنتش بذاكر فالمستر كان دايما بيضحك عليا او بيحفل بمعنى أصح ولانه عارف خالي وخالي مدرس مشهور كان علطول بيقوله عليا وكده وكنت بحس خالي مكسوف مني بمعنى اصح حطيت راسه في الارض لانه علطول بيطلع أوائل ومعروف بالتزامه وشدته وبنت اخته تبقى كده
ولان نفسيتي كانت مش حلوه خالص ومذاكرتش السنه اللي فاتت أجلت والسنه دي بذاكر وعايزه اروح اثبت نفسي في الدرس ده وعايزه زي ما كان بيتكلم عليا وحش يتكلم حلو وأطلع اوائل كمان في امتحاناته بس خايفه تجيلي انتكاسة او أزهق من اسلوبه
انتوا تنصحوني بإيه لاني مش قادره اتخطي الموضوع مأثر في نفسيتي
بصى ياسكر من كلامك واضح انك مجتهده وانتى بتجيب علامات كويسه قبل ما تتعبي بس بصى محدش فينا مبيتعبش كلنا بنتعب وبننتكس ومبنبقاش قادرين نعمل اى حاجه ف دى حاجه متأثرة على نفسيتك بالعكس هى تقويكى لأن وجودك فى الحياه ومعاملتك للنجاح هى قوه فى حد ذاتها اما بقى بالنسبه للنجاح ذات نفسه ف كل إنسان منا مأمور بالسعى لا بالسعه و الله عز وجل هيحاسبنا على السعى وليس السعه ف انتى اعملى اللى عليكى وتوكلى على الله واحسنى الظن بالله وبالنسبه لخالك ف ميهمكيش مين يتكسف منك أو لا لأن محدش هيشاركك رحلتك غير والدك ووالدتك وحتى لو هما كمان مش فخورين بيكى ف ولا يهمك برضو لأن بإختصار السنه دى مش نهايه العالم ولا الفشل نهايه العالم والعالم ملوش نهايه غير يوم القيامه وطالما لسه فيكى روح بتتنفس يبقى لسه معاكى فرصه للنجاح وانك تثبتى نفسك اما بقى بالنسبه للمدرس ف ده مينفعش يتقال عليه مدرس لأن المعلم هو لازم يكون عنده ثقافه اسلوب وتربيه قبل مايكون مثقف فى العلم واللى هو عمله ده يتنافى تماماً مع أخلاقيات وتعاليم مهنته ورجوع ليه او لا ف انا برشح انه لا لأن ده انسان مريض وسواء كنتى موجوده معاه او مع مدرس غيره ف انتى فى كل الأحوال هتقدرى تثبتيله انك قدرتى تنجحى فعلاً وهاحكيلك قصه صغيره فى مره كنا قاعدين فى درس وكنا عند مستر معروف بحزمه وشدته ف كان معانا طالب على قده شويه فى العلم ف المستر طرده ووالله عايزهاقولك ان المستر حاليا ندمان انه طرد الولد ده بعد ما الولد مشى وقدر يثبت فعلاً انه شاطر وطلع من الأوائل ف نجاحك كدا كدا هايوصله لو كنتى فى اى مكان ف دورى على راحتك النفسيه وإما بقى خوفك من الإنتكاسه ف احب اقولك انك لازم تشيلى كلمه انتكاسة دى من قاموسك نهائى لأن الإنسان الناجح هو اللى ميسم للفشل انه حتى يكون مجرد كلمه فى حياته ومهما شوفتى المشوار طويل ف عايزه اقولك ان مشوار الألف ميل بيبدأ بخطوه وخطوه فى خطوه بيخلص الألف ميل اما اللى بيقف يفكر هايخلص الألف ميل ازاى بيفضل واقف مكانه
تم النشر الثلاثاء، ١١ نوفمبر ٢٠٢٥
بصي يا سكر اولا كدا كلنا بنمر في حياتنا بمشاكل بتاثر علينا ف انتي كنتي في المرحلة دي وتصرف المدرس غلط جدا وهو محتاج يتعالج لان المدرس في المرحلة دي بيبقي مصدر التحفيز للطالب (اللي فهمته انك 3ثانوي)ف انك عايزة ترجعيله مجرد انك تثبتيله العكس دي حاجة حلوة بس بشرط لو كان هو مدرس شاطر وانتي هتستفادي منه لكن لو لاء وانك هتروحي علشان تثبتيله انك ممتازة ف ملهاش اي لزمة لانك هتحطي نفسك في ضغط نفسي وهتتعبي غير كدا هو مين اصلا علشان تثبتيله -اما بالنسبة لخالك ف ملوش علاقة انه بيطلع اوائل يبقي لازم عيلته كلها تبقي من الاوائل كل واحد بمجهوده ومذاكرته ونصحتي ركزي واجتهدي واطلعي من الاوائل علشان تثبتي لنفسك انتي وتفرحي وتفتخري بنفسك وفي الوقت دا لو عايزة ابقي خلي خالك يوري للمدرس دا نجاحك وبس اتمنالك التوفيق والنجاح وان شاء الله من اوائل الجمهورية انا وانتي يارب -انا كمان 3 ثانوي
تم النشر الثلاثاء، ١١ نوفمبر ٢٠٢٥
لعرض السؤال في فدني اضغط هنا