انا في أولى جامعة عمر ما حد قارن بيني وبين اخواتي بس انا دايما بقارن
هما في ميديكال فيلد طب بشري وصيدلة بسبب ان انا بقارن دخلت كلية زيهم طبعا انا اصلا مبحبش المذاكرة ولا الدراسة بس مش عارفه أحول لان هنهار نفسيا لان هيجي في دماغي دايما انهم احسن وقدروا علي الكليات دي وانا لا
من ساعة ما ثانوية عامة خلصت او من نصها وانا بدأت تبقى تصرفاتي مختلفه انا بقيت دايما بضحك مع عيلتي وصحابي وكل حاجه بتضحكني بس في لحظات بحس ان انا تعبانة ومش قادرة اكمل اي حد
ساعات بحس بيأس من الحياة وان انا زهقت وكفاية كده حياة بقى أنا تعبت
وكتير بحس بالوحدة وان انا لوحدي وان الدنيا سودة وبحس بألم نفسي
معرفش تفسير ده ايه بحكم ان انا كويسة وسط الناس عادي هو فجأة وانا وسطهم بحس بتعب وان كفاية كده وعايزه اروح او اخش الاوضة حتى لو القعدة حلوة او لو بنهزر ونلعب فجأة باخد نفسي وامشي
ايه تفسير ده
السلام عليكم اول حاجه بس انا أصغر منك بس اختي الكبيره تالتة الثانوي كمان ان شاء الله هتدخل جامعة باذن الله ربنا هيجبر بخاطرها اخويا في كلية هندسة واختي الكبيره كانت كلية حقوق كلهم دخلوا ثانوي عام أنا الوحيدة صنايع. بما اني مش بحب التعليم بمعنى أصح تفكيري مختلف انا عمري ما شفت نفسي أقل منهم بالعكس عمري ما فكرت شفت المنظر ده طبعا شخصيته اختي الكبيره عايزة تدخل كلية معينة بس أخواتي عكس بعض اللي عايزه أقول لك مش ضروري تبقي زي اخواتك انت مختلفه عنهم دي حاجه عاديه مش غلط ممكن مثلا تكوني دخلتِ أداب حاولي تحبيها يعني ربنا كاتب الكلية دي أكيد ربنا عارف انت هتبقى احسن في الكلية دي. انا مثلا عايزه أخش دبلوم صنايع قسم ملابس جاهزة وأتخرج من قسم ملابس جاهزة هخش جامعة واخد كورسات. ان شاء الله يعني بعد كده هتخرج وافتح. عندي باسمي وكل الكلام بس كل اللي أنا عايزه اعمله ما يجيش جنب اخواتي فأنت مش لازم تبقي زي اخواتك تمام كالما الحاجه اللي بتعمليها دي مش غلط مش حرام يبقى عادي. واتمنى يكون جبتي تفيدك وعموما ربنا خلقنا كلنا مش زي بعض.
تم النشر الجمعة، ١٦ مايو ٢٠٢٥
السلام عليكم، طيب أنتِ غير راضية عن الكلية اللي دخلتِها ولا فيه حاجة حصلت وفجأة تولد عندك الشعور إن أخواتك أفضل لأنهم دخلوا كليات طبية؟ حالتك النفسية دي طبيعي تمري بها بسبب عدم رضاكِ عن نفسك. محتاجة تقعدي مع نفسك وتحددي أنتِ مميزة في إيه بعيدًا عن الدراسة الجامعية عمومًا... يعني أخواتك مميزات في حاجات ويمكن مثلا بيحبوا الدراسة والمذاكرة عكسك لكن مش معنى ده إنك مش مميزة في حاجات مختلفة. مش لازم تبقي نسخة من حد ولا تمشي في نفس طريقه عشان تحسي إنك أنجزتِ وتفوقتِ ولا ترضي عن نفسك. لما تهدي وتفكري وتتعمقي في نفسك وتتعرفي عليها أكتر وعلى مميزاتك اللي المقارنة مش مخلياكِ شايفاها هتقدري توصلي للرضا والسلام الداخلي وإحساس الوحدة والكآبة والتعب وكل ده إن شاء الله هيختفي. وأهم من كل ده، استعيني بالله وادعيه دائمًا وحافظي على علاقتك به.. لما الجانب الروحي يتحسن هتحسي بتوازن والصورة هتتوضح أكتر بالنسبة لك. ربنا يوفقك.
تم النشر الخميس، ١٥ مايو ٢٠٢٥
بصي أنا كنت نفس موضوعك بس كنت بحاول استمتع بالكلية بأي طريقة كنت بذاكر اللي ينجحني بس هقولك لو إنت لسه في سنة أولي وفي كلية معينة إنت حاباها ومستقبلها حلو اقنعي اهلك وحولي إنما لو مش مجالها حلو ومالهاش مستقبل تعالي على نفسك وكملي في الكلية دي وذاكري واشغلي وقتك في شغل في تطوع في نشاطات في اي حاجة إنت بتحبيها خلي يومك لا يخلو من حاجة إنت بتحبها هتفرق معاكي وتهون عليكي المذاكرة واقنعي نفسك أنه مش دايما لازم اعمل الحاجة اللي بحبها وحطي في دماغك أن الخيرة فيما اختاره الله واعقدي العزم وتوكلي وأن شاء الله ربنا ييسرلك حالك والله يهون عليكي بجد إنك تتميز في المجال اللي إنت فيه دا لو ليه تدريب انزلي فيه وخلي عندك خبره فيه قبل ما تتخرجي هتحسي نفسك مميزة عن اخواتك والناس هتحتاجك
تم النشر الخميس، ١٥ مايو ٢٠٢٥
مرحبًا بكِ، شكرًا لثقتك في مشاركة ما تمرين به، وأريد أن أقول لكِ بكل صدق إن مشاعرك وأفكارك التي تحدثتِ عنها مألوفة لكثير من البنات الشباب، وفيها الكثير من العمق الذي يحتاج إلى فهم وعناية. دعيني أشرح لكِ تفسير ما تشعرين به بناءً على وصفك: المقارنة والضغط النفسي: عندما تبدأين في مقارنة نفسك بأخواتك اللي في مجال الطب والعلوم الصحية، وأنت تدرسين في كلية لا تحبينها، هذا يولد ضغط داخلي كبير. المقارنة دائمًا تُفقدنا راحة نفسنا وتدفعنا للشعور بالنقص أو الفشل رغم إنك لا تقارنين من الخارج، بل أنت التي تقارنين. وهذا الضغط النفسي ممكن يؤثر على حالتك المزاجية ويزيد التعب. التعب النفسي والاحباط: شعورك باليأس من الحياة، والإحساس بالتعب وحب العزلة أحيانًا، قد يكون تعبيرًا عن إرهاق نفسي مباشر، وهو شيء طبيعي يحدث عندما تضافرت ضغوط الدراسة، المقارنة المستمرة، وربما غياب الشعور بالرضا عن الوضع الحالي. الفرق بين الصورة الخارجية والداخلية: كثيرًا ما تكون البنت أو الشابة “كويسة” تظهر ابتسامتها وضحكها وسط الناس، لكنها داخليًا تعاني من مشاعر الوحدة والضعف النفسي. هذا ما وصفته تمامًا: حضورك وسط الناس جميل، لكن فجأة تشعرين بحاجة للابتعاد والهدوء. احتمالية اكتئاب بسيط أو اضطراب مزاجي: أحيانًا عندما يشعر الإنسان بهذه التغيرات المتكررة في المزاج، مع اليأس والتعب النفسي، قد يشير هذا إلى حالة اكتئاب خفيف أو اضطراب مزاجي يحتاج إلى عناية ورعاية نفسية حتى لا يزداد سوءًا. ماذا يمكنكِ أن تفعلي الآن؟ تقبلي مشاعركِ بدون نقد: لا تعاقبي نفسك على هذه المشاعر. هي جزء من تجربتك، وصدقيني أنكِ لستِ وحدك من يشعر بها. اعتني بذاتك: خصصي وقتًا لأنشطة تحبينها بعيدًا عن الدراسة والمقارنة. حتى لو كانت بسيطة مثل قراءة كتاب تحبينه، المشي، أو سماع آيات من القرآن. أعيدي التفكير في اختيار تخصصك: لو الدراسة في الكلية الحالية تسبب لكِ أذى نفسي، فكري بهدوء فيما إذا كان بإمكانكِ التحويل إلى تخصص آخر أقرب لاهتماماتك، مع وضع خطة مدروسة للتعامل مع مشاعر القلق التي تتحدثين عنها. لا تهملي أعراض التعب النفسي: إذا استمر الشعور باليأس والحزن لفترات طويلة أو بدأ يؤثر على حياتك اليومية، سيكون من المفيد التحدث إلى متخصص نفسي (طبيب نفسي أو مستشار نفسي) لمساعدتك في تنظيم مشاعرك ودعمك. تذكري أن النجاح ليس فقط في الطب أو الصيدلة: لكل شخص طريقته في النجاح والتألق، ليس شرطًا أن تكوني مثل أحد الآخرين. كلٌ لديه مساره الخاص، والله قدّر لكِ هذا الطريق لأسباب قد لا تظهر لك حاليًا. إذا رغبتِ، يمكنكِ زيارة صفحة الخبراء في فدني هنا والتواصل مع أخصائية نفسية أو مدربة حياة لمساعدتك بشكل أكثر تخصصًا. وممكن أيضًا تبحثي في فدني عن أسئلة مشابهة؛ كثيرات مررن بتجارب نفسية متشابهة وشاركن نصائحهن وتجاربهن. أنا هنا دائمًا لو احتجتِ تتحدثي أكثر أو تشاركي ما يجول في بالكِ. خذي الأمر خطوة بخطوة، وأنتِ لستِ وحدكِ في هذا المشوار. أتمنى لكِ الخير والطمأنينة يا عزيزتي. 🌷 ذكية
تم النشر الأربعاء، ١٤ مايو ٢٠٢٥
تفسيره هبوط في قبول النفس فالشك في النفس بيدفع للمقارنة عشان اثبت ان محدش احسن مني ، وايضا الشك بيدفع للضحك على الآخرين عشان اثبت إنهم سيئين فده دليل ان انا تمام والشك بيسبب المشاعر السلبية والانسحاب والعزلة الزايدة لأني شايف نفسي مستحقش أستريح شوية .... والعلاج هو أن تغيري نظرتك لنفسك من شخص سئ كئيب فاشل إلى شخص يمارس الرياضة يصلي يرتب يبتسم للناس يقرأ قرآن وهكذا ... فاعملي روتين معين من الحاجات الايجابية
تم النشر الجمعة، ١٦ مايو ٢٠٢٥
انتى مش عايشة عشان تستنسخى حياة غيرك سواء اخواتك او حد تانى انتى لازم تقررى وتكونى انتى مش زى فلانة والخنقة دى طبيعى جدا ادام انتى مش عايشة حياتك انتى انتى قاعدة ف مكان مش مكانك ومش مريحك بس لمجرد ان الناس تقول كذا او وساوس ف دماغك حتى انصحك سيبى كل دا واسالى عقلك الاول اى الاصلح ليكى وشوفى مصلحتك فين
تم النشر الجمعة، ١٦ مايو ٢٠٢٥
المقارنة دي في منتهي الخطورة وتفتح ابواب الحسد والغل والعين والضغائن وكل دي ابواب جهنم والعياذ بالله وكلها من الشيطان .. لازم تتيقني إن رزقك محدش هياخده غيرك وكذلك رزقهم وانتوا اخوات عشان تكملوا بعض مش تبقوا شبه بعض .. عشان تقتلي المقارنه ثقي في نفسك واعملي اللي بتحبيه حتي لو كان غير اي حد ، ولازم تلجأي لله وتستعيني به في التخلص من هذه الوساوس اللي مش هتبني اي شيء جواكي الا الضغائن تجاه اخواتك ... خالفيهم في الافعال بغرض التخلص من المقارنة.. قولي لنفسك هما في الكلية دي لانهم بيحبوها وانا هعمل اللي بحبه ، لو اخدوا شيء مش معاكي قولي لنفسك دا رزقهم ربنا يبارك فيه واتمنيلهم الزيادة والبركة بجد ، لو حسيتي بألم في صدرك وانتي بتعملي دا تأكدي ان دا شيطان رجيم يفرق بينك وبين اخوتك رويدا رويداً.. والله اللي بقولهولك دا حق اعملي بيه وقاومي نفسك ربنا يقف معاكي وينزع هذا الابتلاء من صدرك إن شاء الله .. آمين
تم النشر الخميس، ١٥ مايو ٢٠٢٥
لعرض السؤال في فدني اضغط هنا