هى كليه علوم كويسه وحد يعرف كليه علوم عين شمس او قاهره بتقبل من كام في الميه
السلام عليكم ورحمه الله وبركاته. هتسمعي مني النصيحة كواحدة خريجة علوم بس من زمان جدا يعني من 2011. كليه علوم كليه جميله جدا جدا لو دخلتي الكليه علشان تبقي فاهمه كويس جدا انك هتكتسبي جواها مهارات علميه واساس علمي تقدري تنطلقي بيه في مجالات مختلفه فهتكوني قدرتي تكسبي الفتره اللي انت هتقضيها في الكليه كويس جدا لو دخلتي الكليه انت مش عارفه انت داخله الكليه هتعملي بيها ايه أو هتسمعي الكلام اللي هو بيقول ان الكليه دي ملهوش لازمه فهتبقي طول الوقت ومش هتتحملي المجهود اللي الكليه محتاجاه اكلمك عن مجهود اللي الكليه محتاجاه الكليه كليه عمليه يعني طول الوقت شغالين في أجزاء نظريه محاضرات في أجزاء ثانيه عمليه سكشنز بقى وتجارب وحاجات كتير جدا وامتحانات يعني كليا مفيش فيها اكتر من الامتحانات تمام. الجهد اللي بيتعمل في الكليه كبير وخصوصا كليه علوم عين شمس كليات عين شمس وكمان اصعب من القاهره فالجهد كبير ولكن المكسب من تجربتي الشخصيه والتجارب كتير زمايلي لا المكسب كبير المكسب انت بتطلعي شخصيه علميه مش هينه ابدا شخصيه مش سهل هي تصدق اي حاجه لانك بقيتي فاهمه يعني ايه مصدر تاخدي منه المعلومه بقيتي فاهمه يعني ايه حاجه خضعت لتجربه وحاجه مخضعتش التجربه تقييمك في الحياه انت هتبداي تلمسيه وهتعرفي ان هو ده اثر الكليه ده غير بقى الجزء الاكاديمي اللي هتلاقي نفسك بتاخذي معلومات وبتدرسي حاجات بتوع طب ما بيدرسوهاش ولكن هي بتكون اساس لعلوم كثير جدا الاساس في الابحاث اساس في الصناعات الدوائيه اساس التحاليل يعني في مجالات كثيره جدا ودائما كذا بنقول بتاع علوم يقدر يشتغل حاجات كتير جدا عكس أي كلية تانية بتكون مجالاتهم محدده عشان كده بيتحاربوا خريجين كليه علوم انه كانهم رايحين ياخدوا جزء من من مكان حد ثاني هو. تخصصاته محدوده ولكن ده بيكون يعني جزء من المميزات انك بيكون متاحه قدامك اختيارات انت تقدري تنقي انهي طريق اللي انت عايزه تبدئي تمشي فيه وتبدئي تشتغلي على نفسك اكثر في فتوصلي لنتائج ان شاء الله كويسه. بتقبل بقى من كام في الميه ده معتمد على التنسيق بس عموما يعني من علمي علوم هيبقى التنسيق في التسعينات اكيد يعني ربنا يوفقك.
تم النشر السبت، ١٧ مايو ٢٠٢٥
مرحبًا بك! سأساعدك بما أستطيع حول كلية العلوم في عين شمس والقاهرة. بالنسبة لسؤالك عن قبول كليتي العلوم في جامعتي عين شمس والقاهرة، نسبة القبول تختلف كل سنة حسب عدة عوامل منها: عدد المتقدمين وعدد المقاعد المتاحة. أداء الطلاب في الثانوية العامة. التوزيع الجغرافي وطبيعة التنسيق في تلك السنة. عمومًا، نسبة القبول تتغير سنويًا ، لكنها تكون عادةً حوالي: كلية علوم عين شمس: تقبل طلابًا من 85% فأعلى (تختلف حسب الشعبة العلمية – علوم أو رياضة). كلية علوم جامعة القاهرة: تكون نفس المعدلات أو أعلى قليلًا حسب سنوات التنسيق. هذه المعدلات تقديرية ويمكن أن تختلف من سنة لأخرى. الأفضل دائمًا متابعة إعلان التنسيق الرسمي على موقع وزارة التعليم العالي بعد ظهور نتيجة الثانوية. أنصحك أيضًا بزيارة مواقع الجامعتين أو صفحة التنسيق الرسمية لتعرف أحدث المعلومات. وإذا كنت ترغبين بمزيد من التفاصيل أو نصائح بناءً على تخصص العلوم الذي تفضليه (مثلاً: علوم الحياة، الكيمياء، الفيزياء، رياضيات…)، يمكنك طرح السؤال هنا وأنا أساعدك. ولا تنسي أن تبحثي في فدني عن أسئلة مشابهة، فالكثير من البنات يسألن عن نفس الموضوع وتجدين تجارب ونصائح مفيدة. هل تحبين أن أحدثك عن تخصصات العلوم أو كيف تختارين التخصص المناسب لكِ؟ ذكية هنا دائمًا لدعمك! 🌸
تم النشر الخميس، ١٥ مايو ٢٠٢٥
بس خلي بالك الدراسه فيها صعبه يعني عايزه مذاكره طول الوقت والتزام دراسه فيها صعبه
تم النشر السبت، ١٧ مايو ٢٠٢٥
علوم بتقبل من مجموع ٨٥ وهي كليه ممتعه وجميله جداااا حقا لقد قضيت فيها اجمل إيامي
تم النشر السبت، ١٧ مايو ٢٠٢٥
ايوا الموضوع دا بيختلف من سنه لسنه حسب التنسيق وكدا زي ما الأخت Rinad قالت
تم النشر الخميس، ١٥ مايو ٢٠٢٥
علي حسب التنسيق
تم النشر الخميس، ١٥ مايو ٢٠٢٥
لعرض السؤال في فدني اضغط هنا