عندي مشكل مع زوجتي انا من الصعيد بس بحبها جدا هيه من النوع الكسلان الي مش عايز يعمل حاجه خالص، كل شهرين مشكله، امي بتحب الخدمه هي عمت مشكله امبارح بسبب الخدمه ومشت وبكلمها قالت لي انا مش عايزه ارجع تاني
اي الحل اسبها ولا اصبر عليه ولا اعمل اي
السلام عليكم، لو فهمت صح، فأنت تقصد بالخدمة شغل البيت وكده؟ هي الفكرة كلها في تعريف الكسل والخدمة عندها وعندك وكمان عند والدة حضرتك. ** يعني ممكن هي تكون شخصية عادية ووسطية من ناحية التنظيف والخدمة في البيت لكن بالنسبة لشخص تاني عنده قواعد صارمة بالنسبة للتنظيف والخدمة هتكون كسولة ومش قايمة بواجبها. ** هل أنتم ساكنين في بيت عائلة ووالدتك بتفرض عليها تخدم وتنظف حتى بيت أهل الزوج؟ هل هي مهملة تمامًا في نظافة بيتها؟ هل قعدت تكلمت معها وفهمت إيه مشكلتها وسبب رفضها للخدمة؟ مش ممكن تكون حابة تهتم ببيتها هي بس، مش ممكن حماتها مثلا بتحب يكون البيت طول اليوم نظيف وبيلمع ومفيش لحظة راحة فده بالنسبة لها تعب وإرهاق؟ ** مفيش واحدة أكيد عاوزة تفشل في زواجها وتخرب بيتها. بس إنها توصل لدرجة تترك البيت وتعمل خناقات بسبب حاجة زي الخدمة وتقول مش عاوزة ترجع تاني فده ملوش غير معنى واحد وإن هي تعبانة ورافضة الأسلوب ده في الحياة. ** وخليني أنبه حضرتك لنقطة، شرعًا المرأة مش واجب عليها وغير ملزمة بخدمة أهل زوجها ولو عملت كده فده بيكون تفضلًا منها، (ده أصلا غير خدمتها لزوجها وفي بيتها لأن دي نقطة خلافية بين العلماء بعضهم قال غير واجب عليها والبعض أوجبها بالمعروف أو بما جرت به العادة) لكن الأكيد والمتفق عليه إنها غير ملزمة بخدمة أهل الزوج أو تنظيف بيتهم أو المساعدة في عمل عزومات وغيرها من العادات اللي أهل الزوج بيقيموا عليها الحد إذا مقامتش بها. https://www.islamweb.net/ar/fatwa/223363/لا-يجب-على-المرأة-خدمة-أهل-زوجها ** تكلم مع زوجتك وشوف أصل المشكلة فين واصبر عليها واتناقشوا مع بعض. وحاول تكون منصف بينها وبين والدتك. إن شاء الله الخبراء الأسريين هنا يفيدوك بنصائح إزاي تتواصل معها وتتعامل معها في المسألة دي. بالتوفيق.
تم النشر الأحد، ٢٧ يوليو ٢٠٢٥
هي شخصيتها كده و انت المفروض عارفها من الاول لو هي كويسه بس ده بس العيب الوحيد انها كسوله فعادي في حاجات بنعديها ممكن لو مامتك محتاجه خدامه تجيب ليها حد يخدمها و انت بتقول انك بتحبها فحاول تصالحها هي ممكن تبقى حست ان عليها ضغط كبير و هي مش مضطرة تخدم مامتك و كفايا عليها البيت
تم النشر الخميس، ٣١ يوليو ٢٠٢٥
معلش الخدمه دي اللي هي من نوع ايه؟ اصل ممكن تكون والدتك طالبه خدامه.
تم النشر الثلاثاء، ٢٩ يوليو ٢٠٢٥
السلام عليكم أخي العزيز، أولًا، أقدر جداً مشاعرك وحبك لزوجتك رغم التحديات اللي بتواجهها، وهذا بحد ذاته نقطة إيجابية مهمة. التعامل مع موضوع الكسل أو رفض المساعدة في البيت أمر شائع بين الأزواج، لكنه يحتاج صبر وفهم عميق. خليني أساعدك بخطوات عملية وعقلانية إن شاء الله تساعدك: افهم السبب وراء الكسل أو رفض الخدمة أحيانًا ليس الكسل مجرد كسل، ممكن يكون تعبير عن تعب نفسي، ضغوط، إحساس بعدم التقدير، أو حتى مشكلة صحية أو نفسية. حاول تفتح حوار هاديء معها، وتسألها بكل احترام: "هل فيه حاجة مضايقاك؟ هل بتشعري بتعب أو ضغط؟" وابدأ مع السلامة بالاستماع بدون انفعال. تقسيم المهام بشكل عادل ومتفق عليه قد يكون هناك عبء كبير عليها أو شعور بأنها تقوم بكل شيء لوحدها، أو يمكن هي فعلاً غير معتادة على تنظيم البيت. اقترح تقسيم المهام بينكم على قدر الإمكان، وخصوصًا المهام التي تليق بقدرات كل واحد. التجديد في طريقة التعامل مع الخادمة وجود الخادمة مفيد، لكن يعني في نفس الوقت لازم يكون فيه ترتيب واضح بين زوجتك والخادمة مع احترام متبادل. حضر اجتماع صغير بينهم لتحديد واجبات واضحة وعدم تحمل زوجتك مسؤوليات الخادمة بالكامل. تجنب التصعيد والعصبية المشاكل العائلية عمومًا تتفاقم بسبب العصبية واللوم. حاول تكون هادي في كلامك معها، ولا تفكر في تركها أو الانفصال بسبب مشكلة الخادمة فقط. الزواج مسؤولية مشتركة، والتفاهم هو الحل. اطلب دعم الخبراء إذا لزم الأمر إذا استمرت المشكلة ولم تتحسن بعد المحاولة مع زوجتك بشكل جاد، لا مانع من استشارة خبير أسري أو مختص في العلاقات الزوجية عبر تطبيق فدني. لديهم خبرة كبيرة في مثل هذه المواضيع. حافظ على احترام والدتك وراعي مشاعرها من الأفضل أن تتحدث مع والدتك بهدوء وتشرح لها ظروف زوجتك، وأن كل واحد له ظروفه وبرامجه. لا تتهم أو تضع طرف أمام طرف لأن هذا يزيد المشكلة. في النهاية، الصبر والتفاهم هما مفتاح حل مثل هذه الأزمات. إذا حبيت، يمكن أساعدك بصيغة حوار أو أفكار لتتحدث بها مع زوجتك، أو أوجهك لأحد الخبراء المختصين على منصة فدني. أنا هنا دائمًا لأساعدك، لا تتردد في طرح المزيد من الأسئلة. دمت بخير والله يولف بينكم ويرزقكم السعادة.
تم النشر الأحد، ٢٧ يوليو ٢٠٢٥
اخونا الصعيدي امك تخدمها انت وتشيلها في راسك وممكن تجيب خدامه بفلوسك أما زوجتك فتخدمك انت وحدك او لو فيه اولاد ليها، بر الوالدين واجب عليك انت مش عليها ولا تحملها ما لا تطيق وخد لها عيشه لوحدها ومتخسرهاش لو كويسه وتعرف ربنا وانت ارضي امك بمعرفتك
تم النشر الأحد، ٢٧ يوليو ٢٠٢٥
مع احترامي لحضرتك زوجتك ليس واجب عليها خدمة والدتك ، يعني اللي عايزه تعمل كده بتعمله من واجب الحب وكذلك ودي حسب طبيعة كل واحده ، والشرع مقلش إن هي تخدم والدتك ، وبما إن الاثنين دائما في مشاكل افضل حل انك تفصلهم عن بعض زوجتك تبقي في شقتها منعا للمشاكل وانت اكتر واحد هترتاح بهذا الأمر
تم النشر الأحد، ٢٧ يوليو ٢٠٢٥
الافضل متخليش والدتك تأثر على علاقتك بزوجتك .. اديها فرصة وشوف هل هتناسب حياتك ولا لا والله يكتب لك الخير
تم النشر الاثنين، ٢٨ يوليو ٢٠٢٥
اعملها هدايا وحفزها علي الشغل
تم النشر الأحد، ٢٧ يوليو ٢٠٢٥
لعرض السؤال في فدني اضغط هنا