اختي بحسها عاوزة تنسب كل حاجة ليها ودا بيدايقني احيانا، يعني لو عريس متقدملي بتقول لصحابها انه متقدملها هي ودا مش مرة دا كذا مرة، او بردو لو انا حد قالي حاجة وقاعدين ف تجمع عائيلي ف تروح ناسبه الموضوع ليها هي
والموضوع دا مدايقني ومش عارفة اكلمها فيه ازاي لا تحس اني بغير منها او اتفهم غلط
مع العلم هي اصغر مني
السلام عليكم ورحمة الله وبركاته، في الأغلب اللي انت بتوصفيه ده هو أختك بتعمله بشكل غير مقصود، هي مش عاوزة تعمل ده بس علشان هي الأصغر فممكن حاسة إن هي معندهاش حاجات تحكيها في وسط التجمعات العائلية أو معندهاش حاجة تنسبها لنفسها فلو أنت عملت حاجة لطيفة قوي وبدأت أنت اللي تتكلمي عن مميزات في أختك عن حاجات هي بتعملها فهتبقي بتسبقيها بخطوة إنك تقولي لها أنت عندك حاجات تخصك اتكلمي عنها ودي حاجات جميلة. هتبقي بشكل ما بتوجهيها ناحية نفسها إن هي تعمل الحاجات دي لنفسها وتتكلم عن نفسها أكتر فلو أختك معندهاش مثلا حاجة مميزة ابدئي أنت دوري معاها أنت عارفة يعني اتكلمي معاها أنت عارفة إن انت عندك الحاجة دي مميزة أنت شاطرة قوي في الحاجة دي ده يا ريت الناس كلها تعرف إنك شاطرة في دي ده يا ريت أنت تحسني من الحاجة دي فهي لو بدأت تاخد هدف واتجاه لنفسها هتبدأ تبعد عنك تماما ولكن هي يا حبيبتي كده ممكن تكون ما عندهاش شيء يخصها فللاسف بتحاول تمشي في ضلك انت وتاخذ اي حاجه من الظل بتاعك وتحاول تظهر بيه فخلي بالك من النقطه دي كويس اوي هتبقي ساعدتي اختك كتير.
تم النشر السبت، ٢٠ سبتمبر ٢٠٢٥
ممكن تحكي لوالدتك وهي تحل الموضوع هي كدا عندها نقص اهتمام من الأهل او الغير محتاجه حد يهتم بيها ممكن شيفاكي احسن منها او شايفه انهم بيفضلوكي عنها ف دا سببلها نقص وقله ثقه بالنفس وانتي كمان قربي منها صاحبيها خلي عندها ثقه ف نفسها وهي عقلها صغير لسا هي ممكن تفهمك بس ازرعي جواها الثقه بالنفس واهتمي بيها
تم النشر الثلاثاء، ٢٣ سبتمبر ٢٠٢٥
بتحسي انها عايزة تنسب كل شيء ليها ولا هيه بتنسب فعلا كل شيء كويس ليها، اختك بتحاول تشد الانتباه او تلفت نظر او تثير الإعجاب و يمكن بتغيظك مش اكتر ، المرة الجاية عايزك تتبني اسلوب تاني خالص لما تعمل كده.. مثلا لو نسبت شيء كويس لنفسها قدام قرايب او معارف ابتسمي و اكديه و زودي كمان كلمتين من نوع بسم الله ما شاء الله عليها و بصي في عنيها بصدق علشان تفهم انك بتحتويها و لما يخلص الموضوع اوعي تناقشيها او تفتحي الحوار و لو سألت او استغربت قوليها و انا و انتي ايه مش واحد، مع الوقت و التكرار اسلوبها و تفكيرها ناحيتك هيتغير للأحسن حاليا ممكن بس تكون غيرة منك أو محاولة نيل انتباه من الآخرين علي حسابك و ماله.. بيقولك اللي راحته مش هتتعبك ريحه. اسمه احتواء
تم النشر الخميس، ١٨ سبتمبر ٢٠٢٥
مرحبًا بك، شكرًا لمشاركتك مشاعرك بصدق. طبعًا مش غلط، مش بتكبري الموضوع — لأن موقف أختك هذا فعلًا ممكن يسبب شعور بالضيق والغبن، خصوصًا إنه بيأثر على مكانتك قدام الناس حتى ولو بدون قصد منها. خليني أساعدك نفكر سوا كيف ممكن تتعاملي مع الأمر بطريقة هادئة وحكيمة: التفهم أولاً : هي أصغر منك، وغالبًا بتحاول تثبت نفسها وتلفت الانتباه بأساليبها التي قد تكون غير مدروسة. هذا لا يعفيها، لكنه يساعدك تفهمي الدافع خلف تصرفاتها. اختيار الوقت المناسب للكلام : حاولي تختاري وقت تكون فيه هادية وغير مشحونة عاطفيًا، حتى الكلام يمر بسهولة أكثر. الحوار الهادئ والمباشر : ابدئي بالتعبير عن مشاعرك بدون اتهام، مثلاً: "بحس إني بضايق لما تصرحي قدام الناس إن حاجات مش ليكِ، لأنه ممكن يسبب لي إحراج." أكدي لها إنكِ تحبينها ومهتمة بيها، وإنكِ بتتكلمي عشان تحافظوا على علاقتكم وما يكون في سوء فهم بينكم. اعطيها فرصة للتعبير : اسأليها عن سبب تصرفها بهذا الشكل، هل هي بتحس بعدم أمان أو بتحاول تثبت وجودها؟ الاستماع لها قد يساعدها تفتح قلبها. وضعي حدود بشكل لطيف : يمكنك بلطف توضيح أن لكل واحدة فيكم خصوصيتها وأنه من الأفضل تظهر الحقيقة بدون مبالغات أمام الناس. تركيز على تعزيز العلاقة والأخوة : ذكريها بأهمية الثقة بينكم وأن الاحترام المتبادل هو أساس العلاقة. لا تنسي أن البناء على الصبر والتفهّم هو الأساس، وأحيانًا الخطوات الصغيرة بتعمل فرق كبير. وإذا شعرتِ إن المشكلة تتكرر أو تكبر، ممكن تستشيري خبيرة في العلاقات الأسرية من خلال صفحة الخبراء على فدني، سيقدمون لك نصائح أكثر تفصيلاً. أخيرًا، أنتِ فعلاً مش غلطانة، مش غريب تعرفي تتضايقي. وإذا تحبي، أنا دايمًا هنا أساعدك تفكري مع بعض إيجاد حلول سهلة وواقعية.
تم النشر الأربعاء، ١٧ سبتمبر ٢٠٢٥
هيا عاوزة اهتمام من الغير بسبب نقص ما أو شافيكي انتي احسن منها فاعاوزة تكون زايك فحاولي تتعملي معها باهتمام وحسهيها أنها فيها مميزات عنك وأنها مش محتاجة الحاجات ده عشان مميزة في حاجات غيرها
تم النشر الاثنين، ٢٢ سبتمبر ٢٠٢٥
اختك عقلها صغير قولي لأمك على تصرفاتها هي تعقلها
تم النشر الجمعة، ١٩ سبتمبر ٢٠٢٥
لعرض السؤال في فدني اضغط هنا