هل يمكن أن أرجع شخصًا طبيعيًا؟

Question

مش عارفه دي مشكله ولا أمر واقع بس انا حاليا عندي 17سنه من عمر اصغر من إني افتكر أنا كنت بمارس العاده السريه حتى قبل ما اعرف ايه دي او ليه بعمل كده اصلا ، كان في دماغي أن دي عاده للنوم مش عارفه ليه بنام بسببها اصلا لحد عمر العشر سنين حصل حاجه مرعبه أنا مكنتش مدركها اصلا حسيت بمشاعر تجاه بنت ، ايوا بنت أنا مكنتش مدركه ده اصلا كنت فاكره اهتمامي بيها دي غيره لانها جميله متفوقه و مثاليه البنت دي مكناش صحاب هي كانت بس معايا في نفس الفصل ، لحد ما عمر 12 أنا كنت عايشه على أنها غيره ، لحد اما البنت دي عرفت واحده كان اسمها ملك كانو صحب اوي وانا هنا بدأت الغيره الي بجد بس مش من البنت اللي بحبها أنا كنت بغير من ملك على فاطيما أو البنت الي بحبها بعدين عرفت أن العاده الي كنت بعملها من صغري ماكنتش مجرد حاجه للنوم بس دي عاده سريه وبدل ما اخف وابعد عن الطريق ده لا اتعمقت اكتر و بقيت بعملها اكتر من اول بكتير وعلى صور أو فيديوهات بنات ، لحد سن 15 ما مره كنت على تيك توك بنت دخلتلي المهم انها كانت ليزبيان أنا كنت مصدومه أن في حد غيري اصلا بعدين أنا والبنت دي بقينا صحاب عادي أنا بقى عندي صحاب ليزبيان كتير اوي وحبيت اكتر من مره بس مدخلتش في جو ارتباط وكده لحد دلوقتي أنا عندي 17 سنه، هل ممكن اكن استريت أو ابطل العاده السريه ؟؟

Accepted Answer

السلام عليكي يا صغيرتي انتي في واد غير ذي زرع تسيرين الي فطره لم يفطرها الله علينا تقولين اني اتشهي البنات هل هذا ما قصدته هذا يرجع الي خطأ في الفطره وخلل في العقيده عندك ان استمريت علي هذا فأنتي الي الهلاك تسيرين لكن اعترفلك بهذا الجرم شيء رائع لذالك فلتبدأي ببعض الخطوات الصغيره الان احذفي هذه التطبيقات اللتي توصلك الي ما انتي فيه وبدايه بورد قران والاهم صادقي بنات كويسه صحبه صالحه ذاكري عقيدتك وافهمي اسلامك صح بالتوفيق

Answer

بصي انتي مش غريبة ولا لوحدك سن المراهقة بيبقى فيه لخبطة مشاعر وفضول وده طبيعي جدا خصوصا لو في تعود قديم على العادة من الطفولة لانها بتربط المشاعر بالتحفيز مش دايما بالفطرة الواضحة مش لازم تحطي لنفسك تصنيف دلوقتي ولا تحكمي على نفسك حكم نهائي انتي لسه 17 سنة ولسه بتتكوني نفسيا وعاطفيا بالنسبة للعادة اه تقدري تبطليها بالتدريج واعملي بديل قبل النوم زي قراءة حاجة خفيفة تمارين تنفس او ذكر وقرآن وابعدي عن المحتوى او الصحبة اللي بتزود اللخبطة خدي الموضوع بهدوء ومن غير جلد ذات وقربي من ربنا وربنا رحيم جدا واللي فات مش نهاية الطريق انتي لسه قدامك فرصة تختاري صح 💛

Answer

بصي انتي بدأتي الموضوع وأنتي طفلة كـ آلية تهدئة عشان تنامي، يعني عقلك اتبرمج إن دي الطريقة الوحيدة للراحة. عشان كده لما كبرتي، عقلك بقى يترجم أي توتر أو مشاعر لغبطة زي الغيرة أو الإعجاب لرغبة في الممارسة عشان يرجع لحالة الهدوء دي. وأكبر غلطة بنقع فيها هي إننا بنغذي خيالنا بمحتوى بيثبت فكرة معينة في دماغنا. الخوارزميات في تيك توك وغيره بتجمعك بناس شبه تفكيرك فبتحسي إن ده العالم كله. وانتي في سن الـ 17، الهرمونات والمشاعر بتبقى في قمتها. الإعجاب ببنت ممكن يكون تعلق عاطفي أو رغبة في الاهتمام وإسقاط لحاجات نقصانا، ومش بالضرورة يكون هو ده هويتك النهائيه وقفي تصنيف نفسك دلوقتي. عيشي سنك، ركزي في دراستك، ومتاخديش قرارات مصيرية في هويتك وأنتي لسه في مرحلة نمو وتغير. ويصب أول ما تجيلك الفكرة، قومي من مكانك فوراً غيري وضعية جسمك واعملي أي حاجة تانية لمدة 5 دقائق. الرغبة القوية بتبقى زي الموجة، بتعلى وبترجع تنزل لو قاومتي أولها. وبما إن الموضوع بدأ معاكي كمساعد للنوم، لازم الموبايل يخرج بره الأوضة قبل ما تنامي بـ ساعة. اقري كتاب، اسمعي بودكاست، أو نامي من غير شاشات تماماً. استبدلي الخيال بـ الواقع بدل ما تغرقي في جروبات ومجتمعات بتزود لغبطتك، حاولي اشتركي في أنشطة واقعية رياضة، كورس، خروجات مع أهل أو صحاب مختلفين. افتكري دايماً أنتي مش بوظتي ولاخربتي. أنتي بس محتاجة إعادة ضبط مصنع لعاداتك اليومية، وكل ما تبعدي عن المثيرات، عقلك هينضف وهتلاقي مشاعرك بقت أوضح وأهدى ،وبعتذ على الإطالة 😊 وجد ربنا يحفظك ويسعدك

هل يمكن أن أرجع شخصًا طبيعيًا؟

نفسية

العادة السرية

سؤال من احد أعضاء فدني

تم النشر الأربعاء، ٤ مارس ٢٠٢٦

4 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك