السلام عليكم انا واقعه في ورطه ومش عارفه اعمل ايه
انا من فتره طويله كنت بحب شخص وانا كنت عندي 16 سنه حاليا انا عندي 23 و سابني بعد خمس سنين و حصل مشكله في وقت ما هو سابني و كان قبليها حصل تجاوزات مبينا و انا عارفه اني اللي عملته كان غلط وندمانه بجد من ساعتها وزوج صحبتي وقتها سألني هو ليه حاجه تبعك معاه قولتله معرفش قالي لوفيه حاجه هيهددك بعدين ف قالي متقابليهوش لانه كان عاوز ياخد التليفون بتاعي هو كان شارياه بالتقسيط و انا كنت بدفعله التقسيط يعني هو بتاعي وكان عاوز وقتها يقابلني وياخد التليفون وهو قالي متكلميهوش و انا هقابله وقابله واخده في مكان بعيد علشان يخليه يفتح الباسورد و هو مكانش راضي يفتح التليفون قام ضربه بالاقلام و عوره
و الناس نزلت و لما عرفت ضربته برضه و خلاه يفتح الفون و وداه عند شخص قالي انه خلاه كأنه جديد هو بعديها لما روح هددني و جاب جزء من المحادثه مسنجر وهددني و قالي ابعت صورك لاختك ولا ل اخوكي و هددني بيها و زوج صحبتي وقف وقتها و جاب ابوه وحصل قعده واخد التليفون و جوز صحبتي حط التليفون في المايه ومن ساعتها و الموضوع شبه انتهي
هو كان كل عيد ميلاد كان يرن من رقم مختلف و كنت بحظر الرقم و حاول كتير يوصلي من ارقام انه مريض و انه وانه و اخر رقم رن عليا امبارح شخص بيقولي واحد بيكلمني وقالي انتي فلان ف قالي انا جاي اصلح يالي مبينكم شخص بيحبك وحب من 4 سنين فاتم و حصل سوء فهم و هو لسه بيحبك ف رديت عليه قولتله ااااه بص بقى الرقم ده مترنش عليه تاني ولا انت ولا هو ولا اي حد و قمت قافله و حظرت الرقم
النهارده لقيت رساله مبعوتالي كده
اي يمزة جهزي نفسك بقا عشان انهاردة هيكون اسود يوم فحياتك ودا وعد مني ليكي عشان قررت بعد وقت طويل اوي اني هرفع كل وسـ*** عالنت على مواقع ال*** وابقي قولي عليا *** وابن *** لو مفضحتكش انهاردة وابقي ادخلي اتفرجي عليهم هنا
انا وقسما بالله انا ندمانه على يالي حصل و الموضوع ده منتهى بقاله سنتين مش عارفه اعمل ايه
انا معايا فيديو للواتس للتهديد تبعه من سنتين فاتم
وعليكم السلام ورحمة الله. أول حاجة أقولها لكِ: أنا فاهمة إنكِ خايفة جدًا دلوقتي، وإن الموضوع ده راجع يطلع من جديد بعد سنتين، وده طبيعي يخلّي أي حد يحس إنه واقع في ورطة. أنتِ نادمة على اللي حصل، وده واضح من كلامك، والندم ده خطوة مهمة، بس دلوقتي لازم نركز على حماية نفسكِ من التهديد الحالي. الرسالة اللي وصلتكِ تهديد صريح بالابتزاز ونشر صور أو فيديوهات، وده جريمة. أهم حاجة دلوقتي مترديش عليه خالص ، متكلميهوش، متفتحيش أي رسايل جديدة من أرقام مجهولة، ومتحاوليش "تفاوضي" أو "تشرحي". أي رد هيخليه يحس إنه قادر يضغط عليكِ أكتر. احفظي الرسالة كاملة (سكرين شوت + الرسالة نفسها) والفيديو القديم بتاع الواتساب اللي عندكِ من سنتين، وخلّي كل حاجة في مكان آمن (مثلاً على جوجل درايف محمي بباسورد قوي). الخطوة العملية اللي لازم تعمليها فورًا: روحي أقرب قسم شرطة أو وحدة الجرائم الإلكترونية في بلدكِ وقدمي بلاغ. خدي معاكِ الرسايل والفيديو. في مصر مثلاً فيه إدارة مكافحة جرائم الإنترنت، والبلاغ بيتقدم بدون ما يحصل فضيحة عامة في أغلب الحالات. لو مش قادرة تروحي لوحدكِ، خدي حد من العائلة تثقي فيه. كمان ممكن تبلّغي على الموقع أو التطبيق اللي بيهدد ينشر عليه لو ظهر أي حاجة. من ناحية نفسية، أنتِ مش لوحدكِ في الشعور ده، كتير بنات مرّوا بمواقف مشابهة ونجحوا يحمّوا نفسهم لما اتخذوا خطوة البلاغ. استغفري ربنا كتير، ادعي إنه يستركِ ويبعد عنكِ الشر، وخلّي بالك إن اللي حصل في الماضي خلاص انتهى، وأنتِ دلوقتي بتحمي مستقبلكِ. لو حابة تتكلمي أكتر عن اللي جواكِ أو عن خطوات عملية إضافية، أنا هنا أسمعكِ وأساعدكِ خطوة بخطوة. خدي نفس عميق وابدئي بالبلاغ النهاردة، ده أقوى حاجة تقدري تعمليها.
تم النشر الأربعاء، ٢٢ يوليو ٢٠٢٦
بصي ي يبنت الناس متخفيش من حد ولا من حاجه مفيش حاجه هتحصل الا باذن من ربنا انتي توبتي وكلنا بنغلط لكن المهم انك فوقتي وتوبتي توبه نصوحه جددي التوبه لربنا تاني باليل ياريت مع خشوع قلبك وخليكي مستمره على ذكر بسم الله الذي لا يضر مع اسمه شي في الارض ولا في السماء وهو السميع العليم والحوقله وكمان لا اله الا انت سبحانك اني كنت من الظالمين وقولي بيقين ان ربنا هينجيكي ربنا عز وجل الوحيد اللي قادر يخلصك من اللي انت فيه ده وياريت تحتفظي بالتهديدات دي ماشي وتشيلي خطك من الفون وتجبي خط جديد وابداي صفحه جديده في حياتك مع ربنا وبسسس
تم النشر الأربعاء، ٢٢ يوليو ٢٠٢٦
فيديو التهديد احتفظى بيه الرسايل دى كلها اسكرين صور وفيديو ... ثانيا تغيرى الرقم .. ثالثا بقى فيه قدامك حلين يا تروحى تعملى محضر بالتهديد ده يا اما تحتفظى بيهم وتفكك منه لانه لو معاه حاجه كان عملها من بعد ما انضرب لكن كل ده تهديد وبيضايقك
تم النشر الأربعاء، ٢٢ يوليو ٢٠٢٦
لعرض السؤال في فدني اضغط هنا