السلام عليكم ورحمه الله وبركاته
انا كنت باكل في الصاله لقيت في خرفشة على السلم وحاجات بتتشال ببص من العين السحريه لقيت اخويا بيخبي حاجه في الكراكيب الي على السلم بعد ما خلص طلعت بصيت لقيتها سجاره حشيش وسجاير عاديه حطتها مكانها
انا دلوقتي محتار اقول لاهلي بس لا شايف حل وحش حتى لو عاقبو هو كدا مش هيتعافى دا هيخليه يدمن اكتر ولا ارميها واعمل نفسي مشفتش حاجه شايف لا الموضوع ممكن يشك فيا ولا اروح اقولو بهدوء بيني وبينه بردو شايف حل وحش
هو اكبر مني يا اما هياخدني على قد عقلي ويقولي انت صح ع الفاضي يا اما يقولي ملكش دعوه ولا اعمل نفسي كاني مشفتهاش بردو دا شايفه وحش هو ممكن يزود في الموضوع دا وهو لسا في بدايه سنه عنده عشرين سنه
مش عارف اعمل اي المشكله كمان الموضوع مأثر عليه وعليه انا من ساعة ما شفتها ونا عمال افكر في الموضوع مش بعمل اي حاجه غير كدا ومخنوق من الموضوع
عشان تتصرف صح ومن غير ما الدنيا تبوظ أهم حاجة بلاش تواجهو وش لوش دلوقتي، لأنه أكبر منك وممكن ينكر أو يقلب الترابيزة عليك وساعتها المشكلة هتزيد مش هتحل. كمان بلاش تقول لأهلك حالاً، لأن العقاب في السن ده أوقات بيجيب نتيجة عكسية وبيخليه يعاند ويدخل في السكة دي أكتر.ممكن تخوفه من غير ما تحسسه بحاجه مثلا اتكلم قدامه (كأنك بتحكي قصة عادية) عن حد "اتقبض عليه" أو "حصله حاجه لقدر الله " بسبب الحاجات دي، ده هيخليه يقلق ويحس إن السكة دي خطر.، بوظ عليه "المخزن": الحاجة اللي لقيتها دي ارميها بعيد خالص عن البيت، ولو سألك -وده صعب- او ممكن ميقدرش يسأل حد اصلا لمح عن "المكان": قول قدامه "أنا بقيت اشم ريحه غرببه قدام الباب كده"، لما يحس إن مكانه "اتكشف" هيخاف يكررها تاني.قرب منه كأخ: الشباب في السن ده ساعات بيعملوا كدة هروب من ضغط أو فراغ، حاول تشغله معاك، خده الجيم، اخرجوا سوا، حسسه بمسؤوليته وإنه راجل.. ده هيخليه يراجع نفسه. لو عملت كل ده ولقيت الموضوع لسه مستمر أو بدأ يبان على تصرفاته، ساعتها لازم تدخل حد كبير وعاقل (زي والدك أو والدتك) عشان تلحقوه في الأول .
تم النشر الأحد، ١٢ أبريل ٢٠٢٦
وعليكم السلام ورحمة الله وبركاته يا أخي العزيز، أول حاجة، أنت مش لوحدك في الإحساس ده، واللي شايفه قرار صعب جداً ويبين إن قلبك طيب وقلقان على أخوك. الحمد لله إنه في البداية (20 سنة مش كبير)، والتدخل دلوقتي ممكن ينقذه قبل ما يتعمق الإدمان، اللي هو حرام شرعاً ويدمر الصحة والعائلة والمستقبل. خطة عملية خطوة بخطوة (ابدأ بيها النهاردة): هدي نفسك وادعي ربنا يهديه : صلي ركعتين استخارة، وادعيله بالهداية. ده هيخفف الضغط عليك ويفتح لك الطريق. كلمه بهدوء لوحده الأول : اختار وقت هادي (مش وهو متوتر)، قوله "يا أخويا، شفت اللي مخبيه، وأنا قلقان عليك جداً عشان الحشيش ده بيبدأ صغير وبيخلص كبير، وده حرام وهيضر صحتك وعقلك. أنا معاك، خلينا نتوقف مع بعض قبل ما يزيد". لو سمع الكلام، ساعده يرمي كل حاجة وتابع معاه يومياً. لو قال "ملكش دعوة"، متزعلش، ده دفاع نفسي. لو رفض أو زاد، قول لأبوك أو أمك : هما الأهل، ومسؤوليتهم الأكبر شرعاً. قولهم بالهدوء بدون اتهام، ركز على "أنا خايف عليه وعلينا كلنا". العقاب لوحده مش كفاية، بس مع نصيحة ومتابعة هيفرق. متعملش : رميها لوحده هيخليه يشك ويزود، والسكوت هيخليك تشارك في الغلط غصباً عنك. أنت بطل إنك بتفكر كده، وده هيبني ثقتك بنفسك. لو عايز دعم أكتر أو استشارة نفسية/إدمان، روح على صفحة الخبراء في فدني: https://www.fedni.net/experts – في متخصصين في الصحة النفسية والإدمان هيساعدوك. ابحث كمان في فدني عن أسئبة مشابهة هتلاقي إجابات تانية. ربنا يهدي أخوك ويثبتك، وأي جديد قولي. 💪❤️
تم النشر الجمعة، ١٠ أبريل ٢٠٢٦
السلام عليكم - فكرة الشيخ حلوة اوي بس دا بيتوقف على حالة اخوك دلوقتي يعني هل فعلا ممكن يتاثر من كلامه وانت كمان تشجعه وتدعمه ولا هو خلاص اخد القرار انه يشرب ولو مين اتكلم معاه هيطنش الكلام ولو وصل للمرحلة دي يبقى الاحسن تقول لحد شديد وليه كلمه عليه سواء والدك او عمك او خالك وياريت تنصحوه بالبعد عن اصحاب السوء او اجبروه ان يبعد لان في الغالب هما السبب وانت ربنا يجازيك خير ويهدي اخوك يا رب
تم النشر الأحد، ١٢ أبريل ٢٠٢٦
لا طبعا مش فتنة إطلاقا بغض النظر إن الفتنة بمعناها الكبير ذات معنى مختلف عما فى خاطرك بس الفتنة اللى انت تقصدها لا انت كدا مش فتان انت شوفت حاجة غلط وعايزة تغيرها أولا لأنها حرام ثانيا خوفا على أخوك بس مش عارف تتصرف ف بتطلب النصيحة تتصرف ازاى حتى لو عارف انت مين وأخوك مين ف ديه مش فتنة وأصلا النصيحة كانت عبارة انك تشوف شيخ حكيم محبوب من منطقتكم تحكيلة وتقولة وهيبقى عارفك وعارف أخوك هلا كدا فتنة لا إطلاقا إنت هتؤجر على كدا انك عايز تمنع شئ محرم وتنجى أخوك من النار ومن الطريق اللى ماشى فيه تأخد ثواب على دا بل بالعكس لو انت سكت ممكن تأثم وتأخد ذنب إلا لو ممكن يحصلك ضرر ف لا مش فتنة إطلاقا إنت شخص كويس وجميل كفاية انك خايف على أخوك رغم انك أصغر منه ربنا يبارك فيك ويحفظك
تم النشر الأحد، ١٢ أبريل ٢٠٢٦
@أحمد سعيد بقوللك ي احمد هي المواقف الي زي دا كدا فتنه انا سعات في الحقيقي بقول مواقف بس مش بقول مين صاحب الموقف او تلميحات ليه ونت كدا كدا متعرفش انا مين ولا اخويا بس نفسي بتقولي انا كدا فتان وبرد عليها بقول ما دام مش بقول اسم الشخص او تلميحات كدا عادي انت شايف اي
تم النشر الأحد، ١٢ أبريل ٢٠٢٦
@أحمد سعيد اوف يلا على الصدفة بس دا واحد غيري انا معنديش فيس ،حل حلو اني اقول لشيخ تسلم على اجابتك
تم النشر الجمعة، ١٠ أبريل ٢٠٢٦
وعليكم السلام ورحمة الله وبركاتة ... أنا تقريبا لسه شايف السؤال دا بنصه على الفيس 😅 ... بس على العموم يا حبيبى ربنا يبارك فيك الأول ويحفظك حاول لو فيه شيخ فى منطقتكم محبوب ومعروف بحلاوة اللسان تكلمه فى الحوار دا وتخليه هو اللى يكلم أخوك وينصحه .... لكن أخوك مستجابش لازم الكلام يوصل لوالدك لازم
تم النشر الجمعة، ١٠ أبريل ٢٠٢٦
اعتقد من وجهة نظري لازم حد من اهلك يعرف بس يكون متفهم زي عمك او خالك. حد يعرف يكلمه ويعتبره صاحبه اكتر ما يخاف منه وفي نفس الوقت بيسمع كلامه وبيقدره.
تم النشر الأحد، ١٢ أبريل ٢٠٢٦
لعرض السؤال في فدني اضغط هنا