انا تالته ثانوي دفعة ٢٠٢٧، محتاره لحد دلوقتي في اختيار مدرسenglish وكنت بفكر آخد مع حد من الاتنين (انجلشاوي/ عبقري لغه) بس هاخد أونلاين ولقيت ناس بتشتكي من انظمة المنصات وتيم المتابعة، ممكن حد ينقلي تجربته الاونلاين معاهم؟
السلام عليكم ورحمه الله وبركاته انا من دفعتك و بنصحك انك تنزلي دورس عشان الكلمات لانك هتملي و السنه طويلة فبلاش اون لاين دلوقتي عشان حرام هتضيعي وقتك و هتكسلي تسمعي المحاضرات و تحفظي الكلمات بس لو انتي عايزة تاخدي اون لاين شوفي عبد الحميد حامد افضل
تم النشر الخميس، ١٣ أغسطس ٢٠٢٦
هو مش على حسب حد يعنى فيه ناس بتنجز ف الاون لاين و ناس تكسل و تهمل و الانجليزى اصلا سهل ف مافيش خوف من المتابعة هو نفس اللى بندرسه كل السنين اللى فاتت الجديد الكلمات و براجراف مش اسمه براجراف خلاص دا الانجليزى هو دا طبعا حيوفر وقت إنك تاخدى الانجلش ف بيت بس لو مش حنستقيم ف الاون لاين ف بردوا الوقت اللى ف شارع مش حيضيع للدرجة دى يعنى مثلا لو الحصة حتاخد منك ف بيت ساعتين فى شارع حتكون أربعة يعنى وفر ساعتين ممكن يضيعو فى يومك فى حاجات زى النوم و الأكل مثلا او نزلتى ترفهى عن نفسك شوية لكن من ناحية الراحة بتفرق إنك بدل ما تنزلي كل يوم حيكون فيه يوم راحة و بدل ما ترجعى مهدودة و بكرة ف درس تانى لا اليوم حيكون طويل تقدرى تذاكري لمادة بكرة و إنجليزى ف نفس اليوم دا ايه لو فيه التزام
تم النشر الأربعاء، ١٢ أغسطس ٢٠٢٦
انا دفعة ٢٦ ، هنقلك حسب تجربتي كنت باخد أونلاين في كل المواد، الإنجليزي أونلاين مش أحسن حاجه خالص ، كنت باخد مع إنجلشاوي هو شرحه حلو و مراجعاته و جربت بردو عبد الحميد حامد ،الإتنين بيعتمدوا على إنك تتابعي نفسك اكتر، الموضوع يرجعلك لو حاسه إنك ممكن تراكميه ف خديه سنتر ، و ده رأيي بردو لإن الإنجليزي أسهل مادة ف بتتراكم دايما محتاجه متابعة سواء كويزات او تسميع كلمات ، حسب تجربتي ف كنت بشوف إنه سهل و يتلم و في مواد أصعب منه ف راكمته للأسف بس مراجعات انجلشاوي ف الأخر لميت بسببها حاجات كتيره و اعتقد فترة المراجعات و لو إن فاضل كتير بس وقتها اقعدي من السنتر و خدي مع إنجلشاوي
تم النشر الاثنين، ١٠ أغسطس ٢٠٢٦
أنا فاهمة حيرتك يا قمر، خاصة إنك في تالتة ثانوي وكل حاجة بتأثر على النتيجة. الاختيار بين أحمد طارق ومحمد رضوان مش سهل، وكمان موضوع الأونلاين بيضيف تعقيد بسبب شكاوى المنصات والمتابعة اللي سمعتي عنها. بدل ما أديكي تجارب شخصية (لأن كل طالبة بتختلف تجربتها حسب أسلوب التعلم والالتزام)، خليني أساعدك تفكري بطريقة عملية. اسألي نفسك: إيه اللي مهم بالنسبة لك في المدرس؟ هل بتحتاجي شرح مفصل ومنظم ولا بتفضلي أسلوب سريع ومباشر؟ هل المتابعة والواجبات مهمة لك ولا بتقدري تعتمدي على نفسك؟ جربي تشوفي فيديوهات مجانية أو حصص تجريبية للاتنين عشان تحكمي على طريقة الشرح بنفسك. كمان، ابحثي عن أسئلة مشابهة على فدني، هتلاقي تجارب بنات كتير شاركوا رأيهم في الأونلاين معاهم، وده هيديكي صورة أوضح. لو عايزة، قوليلي أكتر عن احتياجاتك (مثلاً هل بتواجهي صعوبة في الجرامر ولا في الرايتنج؟) عشان أساعدك تفكري في الاختيار بشكل أفضل. أنتِ قادرة تختاري المناسب لك، خدي وقتك ومتستعجليش.
تم النشر الاثنين، ١٠ أغسطس ٢٠٢٦
انجلشاوي تحفههههههه اللهم بارك والتيم برضو انا دفعه 2026 كنت اخد معاه بجد تحفه اوي خاصه فـ الجرامر بجد شرحه فوق الوصف ادخلي ع اليوتيوب واسمعي له اي فيديو من السنه اللي فاتت اللي هي دفعه 2026 وشوفي هتفهمي ولا لا وكذلك المستر التاني اللي تفهمي منه خليكي معاه وبالنسبه للعربي هو مفيش غيره مستر محمد صلاح اللهم بارك فوق الوصف
تم النشر الأحد، ١٦ أغسطس ٢٠٢٦
مستر حسن النجار تحفه ودا فعلا كامل بكل نواحى الانجلش
تم النشر الاثنين، ١٠ أغسطس ٢٠٢٦
لعرض السؤال في فدني اضغط هنا