السلام عليكم ورحمة الله وبركاته
انا عندي مشكلة ويمكن بعض الناس عندها نفس مشكلتي ( انا مقصر في صلاة ) وممكن اقعد بل سنة مش بصلي فرض الحمدلله حياتي متيسرة مع اهلي واخواتي بس انا كل ما اجي اعمل مشروع او اي شي يعطيني دخل بيفشل وانا حاسس انا دود بسبب تقصيري في صلاة بحاول التزم بس برضو بسيب مع اني الحمدلله في فعل الخير مش ببخل خالص وكل حاجة بترضي ربنا بعملها بس تقصيري في الصلاه نفسي في شيخ اكون معاه ويعلمني وينصحني ويرشدني حرفيآ
وعليكم السلام ورحمة الله وبركاته في قول للدكتور عائض القرني يقول : كلنا وجميعنا وأنا أولكم مذنبون مخطئون مقصرون ناقصون، ولا عظيم ولا غني ولا قوي إلا "الله" ، أنوفنا في التراب سجداً له سبحانه. هنيئا لك بنفسك التي مازالت تذكرك بالطاعة والعبادة فهي توجهك للخير وعليك ان تبحث عنه وتفعله وتلزم نفسك به خليك ع الطريق مهما حدت او وقعت او رجعت ولكن ضل ع الطريق ودي بعض النقط اللي ساعدتني ممكن تساعدك اختر شيخ تحب اسلوبه واسمع منه عن فضل الصلاه وحب الصلاة ومنزلة الصلاة وكيفية آداء الصلاة الصحيحة فالصلاة صلة بين العبد وربه اضبط منبهًا علي كل صلاة الصحبة الصالحة التي تُعينك على المحافظة على الصلاة المحافظة على السنن والنوافل مهما كنت مع أي شخص والأذان أذنَ استأذنه وقم للصلاة الاستغفار.. الدعاء حاسب نفسك كل يوم قبل النوم هل اديت ماعليّ من صلوات كافئ نفسك ان أتممت يوما ثم اسبوعاً واحتفل بنفسك بعد مرور الشهر وهذه أيام مباركات ان شاء الله تعينك علي الإلتزام بالصلاة فالمسجد واجعل لك خبيئة بينك وبين ربك ركعتين قبل النوم واختمهما بالدعاء تنجيك فالدنيا والآخره وتيسر لك أمورك لأحسنها ان شاء الله ربنا يجعل قرة عينك فالصلاة ويعينك عليها ويتقبلها منك خالصة لوجهه الكريم
تم النشر الخميس، ٢٩ فبراير ٢٠٢٤
ممكن علشان انت مقصر في الصلاة بس حاول لنانت تصلي علشان الصلاة هي قوة الايمان والرزق
تم النشر الجمعة، ١ مارس ٢٠٢٤
قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ أول حاجة لازم تفهمها إن الله غفور رحيم ومهما عملت في ذنوب تقدر تتوب وترجع لربنا فأوعي الشيطان يضحك عليك ويوسوسلك إنك مينفعش تمشي علي صراط مستقيم ولازم تعرف إن لو عايز تقرب من ربنا أو تستقم أو تمشي علي منهج الله ورسوله دي عايزة جهاد وعايزة صدق وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ (69) لو ربنا عارف ان في قلبك صدق انك عايز تقربله هيهديك وهيسرلك طرق كتيرة جدا انت عمرك ما هتتخيلها فلازم الجهاد يعني تعالي نكلم في أمر ، ترك صلاة أعظم من الزنا والي بيسرق والي مش بيفطر مش بيصوم والي مش بيزكي والي بياكل الربا ما زال مسلم قال رسول الله صلى الله عليه وسلم: إن العهد الذي بيننا وبينهم الصلاة، فمن تركها فقد كفر أول ما يحاسب العبد من عمله صلاته؛ فإن صلحت فقد أفلح وأنجح، وإن فسدت فقد خاب وخسر انت لو دخلت القبر ايه العمل الي هيحميك من ملائكة العذاب انت متخيل لازم تجاهد نفسك حط بس رجلك علي طريق وخلي عندك صدق ،صلي بس في المسجد حط رجلك بس في المسجد وربنا هيهديك ،فكر فيها كده لو دخلت القبر وناس مشت وسبتك لوحدك مفيش حد هينفعك في دنيا دي، هتدخل القبر لوحدك ، وهتتحاسب لوحدك، وهتقف قدام ربنا لوحدك مفيش حد هينفعك ساعتها وأبشر أن ربنا هيهديك بس انت جاهد نفسك حط رجلك علي طريق ،وحاول تتعرف علي ناس الصالحة أو حاوط نفسك بصحبة صالحة روح مسجد، روح في العموم في بيئات الإيمان وربنا يهديك وهيسرلك أمرك بس انت يبقا عندك صدق
تم النشر الخميس، ٢٩ فبراير ٢٠٢٤
علشان تلتزمي في الصلاه لازم اول حاجه تخلي الصاله دي عندك عاده مش غيه وحاولي تربطي اي حاجه في يومك بالصلاه مثلا ما صليتش العصر فانا ماشيه اتخبطت ده عقاب عشان ما صلتش ما صليتش المغرب فواني بغسل المواعين الميه كانت سخنه شويه فتله سعد ده عقاب علشان خاطر ما صليتيش انا لو اعتبرتي ان انت كل ما بتصليش لازم تحصل لك حاجه او لازم تتعاقبي هتخافي من العقاب وهتلتزمي في الصلاه بس خلي الموضوع ده في دماغك ما تقوليش ان هو تهريج خليه حقيقي
تم النشر الخميس، ٢٩ فبراير ٢٠٢٤
جرب طريقة انك ماتفكر بشيء قبل ما تسوي شيء محسوم امره ، سمعت الاذان لا تنتظر تفكر و تعطي الشيطان فرصة يقنعك،اول ما تسمع الاذان قول ١ ٢ ٣ بعدها تحرك،ايا كان مكانك ايا كان اللي تسويه لازم تصلي لان لو الشيء اللي تسويه يشغلك عن الصلاة هو ببساطة صار حرام و مستحيل تتوفق فيه،مافي اعذار ابدا لا تسمح للاعذار تمنعك،استاذي دايما لما يجي البيت رغم اننا بوسط حصة و المكان مو بيته يقاطع الدرس ويقوم يصلي حتى الضيوف يسوون كذا يعني عموما حتى لو بوسط شغل او وسط اي شيء ايا كان ايش هو لا تخليه يمنعك،و فيه طريقة قراءة القرآن كثير و حفظك منه عشان كل صلاة تقرأ سورة مختلفة و تدقق فمعانيها ذا ممكن يكون حافز للصلاة،اتمنى افدتك بشي
تم النشر الجمعة، ٨ مارس ٢٠٢٤
أسأل عن جماعة التبليغ والدعوة بتوع سبيل الله واخرج معاهم تلت ايام في اي جامح جمبك هيفرقوا معاك جدا
تم النشر الجمعة، ١ مارس ٢٠٢٤
اقرا كتب عن الصلاه زي فاتتني صلاه و اسمع عن النار و الجنه و انصحك بحلقه هتقوله ايه لحازم شومان و افضل كل شويه اسمع بس مش ورا بعض
تم النشر الجمعة، ١ مارس ٢٠٢٤
لعرض السؤال في فدني اضغط هنا