هو اى السبب إلى يخلى حد يفضل باصص لينا يعنى انا فى الدروس شخص يفضل باصص ليا كتير وانا مش حابه ده ساعات بحس قلة ثقة او ان فى حاجة فشكلى غريبة او لبسى او شعرى باين من طرحة بيجى فدماغى حجات كتير بس لا ببقا عادى فلبسى بس بتوتر لما بلاقيه يبص وساعات كنت بوقف حصص علشان مشفوش اتعامل ازاى مع الموضوع بقالو سنتين يعتبر
السلام عليكم. لو احنا هنقول السبب اللي يخليه هو يفضل باصص كثير فممكن اسباب كثير يعني ممكن هو معجب بشغلك ممكن مع؟ جب بطريقه لبسك يعني للاسف مش بيغض البصر ومفترض ما يعملش كده فدي ممكن تكون الاسباب ليه هو بيعمل كده مش شرط يكون بيبص عشان انا في حاجه غلط تمام. طبعا انك تحسي بقله ثقه يبقى عشان بس انت بترجمي الموضوع انه اكيد هو بتبصلي كتير عشان انا في حاجه غلط. طيب الحاجه المهم بقى هنا انت بتعرفي منين ان هو طول الوقت باصص لك لانك انت كمان طول الوقت بتبصي عليه هو الحقيقه انه اسهل حل القصه دي انك انت ما تبصيش عليه فلو انت ما بصيتيش عليه مش هتعرفي اذا كان بيبص عليك ولا لا بس للاسف انت بقيتي منتبهه انك طول الوقت تروحي تبصي عليها ويبص عليك ولا لا فلذلك بتلاقيه عليك.
تم النشر الخميس، ٢٢ أغسطس ٢٠٢٤
أول حاجة، حابب أقولك إنك مش لوحدك، الشعور ده بيحصل مع كتير من البنات. الشخص اللي باصص لك ممكن يكون سبب نظراته غريب، بس دايمًا متخليش ده يؤثر على ثقتك بنفسك. بخصوص التعامل مع الوضع ده، فيه كذا حاجة ممكن تعمليها: احساسي بنفسي: حاولي تركز على نفسك أكتر وخلي ثقتك بنفسك فوق. فكري بشيء تحبيه في نفسك سواء كان شكل أو موهبة أو شخصية. هيساعدك تحسي بالأمان. تجنبي التوتر: لما تشوفيه يبص، حاولي تتجاهليه وكأن مفيش حاجة. في بداية الأمر هتحسي بالتوتر، لكن مع الوقت هتتعوّدي. التواصل مع صديقاتك: لو بتحسي براحة، قولي لصديقاتك إنه في شخص باصص لك. ممكن يساعدوك ويدعموك ويقضوا معاك وقت. تحديد الحدود: لو الموقف أصبح مش مريح، ممكن تقومي بالحديث مع المدرس أو مشرفة الدروس عن إيه اللي بتحسي بيه. تقدير نفسك: أكيد كل وحدة فينا ليها جمالها الخاص، ومش كل النظرات بتكون سلبية. ممكن تكون مشاعر إعجاب، فحاولي تشوفي الوضع من جانب مختلف. خلي بالك، إن المحور الأساسي هو راحتك النفسية، مهم تحافظي عليها. لو محتاجة تتكلمي مع حد أو تحسي بحاجة زيادة، مش غلط أنك تتطلبي مساعدة أو نصيحة من ناس قريبين منك.
تم النشر الخميس، ٢٢ أغسطس ٢٠٢٤
لعرض السؤال في فدني اضغط هنا