تريث و لا تتسرع فى خراب البيوت العامرة و اصبر على زوجتك و خاصة أن كان معاك منها اولاد . الطلاق ليس حلا و إنما سيزيد الأمور تعقيدا . إن أبغض الحلال عند الله الطلاق و لا تستخدم هذا الحق الا عند استحالة العشرة . فأنت لست ملاك و لا زوجتك ملاك . نحن بشر نخطىء و نصيب . أرجوك منك التعقل فى الأمر. و ليست القائمة هنا هى المشكلة . من يريد الطلاق سيطلق . او تزوج بأخرى إذا كان ذلك سيعيد حياتك الى طريق صحيح من وجهة نظرك . لكن لا تخرب البيت خاصة و أن كان بينكم أبناء .
تانى انت نفسيتك تعبانة كان الله في عونك . امسك اعصابك. الأنهيار العصبى اللى انت فيه . سيأتى بنتائج عكسية و حتخسر كل حاجة. تانى الدهب زينة تصاحب المرأة اينما حلت. انت مش مسئول عن الذهب. و خلى بالك من شقتك كويس لأن فى ناس ساعة الخلاف يكسروا الشقة و يأخدوا العفش و يقولوا مأخدنش حاجة . و دا اللى تسأل عنه أمام المحكمة . ربنا معاك
تم النشر الثلاثاء، ٢٥ مارس ٢٠٢٥
يعني أنا كدة لو هي رفعت قضية وقومت محامي تطالب بقيمة ال ٢٠ ألف دول جرامات دهب القاضي مش هيحكم لها بيهم ولا هيحكم عليا ادفعهم جرامات لأني والله العظيم ربنا ال عالم بظروفي واني أصلا مش معايا بس كنت هتصرف لو هي توافق في قعدة ودي كنت هديها المؤخر مع انه مبلغ كبير ٥٠ ألف جنيه ودهبها ال انا اشتريته هو بالفعل معاها وعندها أصلا مع أهلها وده كمان كنت هسيبه لها برضو لكن انا كل مشكلتي وال شاغلة بالي ومأثرة علي نفسيا ٢٠ ألف ال مكتوب فلوس وغرامات وهما حوالي ٢٧ جرام ف لو هدفعهم بسعر ذهب اليوم هدفع أكتر من ١٢٠ ألف جنيه غير ال ٥٠ ألف مؤخر وكمان دهبها معاها ف كنت عايز اي حل قانوني أي حد يساعدني نفسيتي تعبانة ومش عارف انا داخل علي اي ويعلم ربنا بظروفي
تم النشر الثلاثاء، ٢٥ مارس ٢٠٢٥
من فضلك انتبه لكلامى جيدا . هى اخدت دهبها كامل كل اللى اتكتب فى القايمة معاها . انت مش مسئول عن الذهب حتى لو مكتوب فى القايمة. و أمسك اعصابك كويس و خليك جامد متتهزش من القضايا و الهجص دا . جالك اعلان جلسة روح . عاوز تدافع عن نفسك قدام القاضى دافع . عاوز توكل محامى وكل محامى يعرف ربنا . و سيبها على الله . موضوع الدهب تانى انت لا تسأل عنه حتى لو معاك انت كامل . الدهب زينة تصاحب المرأة اينما حلت.
تم النشر الثلاثاء، ٢٥ مارس ٢٠٢٥
أنا والله مش بظلمها ولا ظلمتها في حاجة واصلا دهبها معاها بس ال انا جبته ال هو في الأصل كان ب ٣٠ ألف جنيه يعني ٤٠ جرام ولا أكتر أنا كل ال شاغلني حكاية ال ٢٠ ألف ال انا كاتبها في القايمة بس مجبتهمش وال ٢٠ دول مكتوبين في القايمة فلوس وبرضو جرامات حوالي ٢٧ جرام ف كنت عايز اعرف هدفعهم جرامات بسعر ذهب اليوم ولا ينفع ادفعهم ٢٠ ألف بس لأن هي مش هتتفاوض في قعدة ودي يعني ولو في طريقة تأخد بيها ال ٢٠ دول جرامات بسعر اليوم هي اكيد هتعمل كدة وعمرها ما هتتنازل عن جنيه ف أنا كنت عايز اعرف هي لما ترفع قضية هيتحكم لها اني ادفع جرامات الدهب ال مجاش ولا لا ولو في اي حل قانوني يكون في صفي ارجو المساعدة لأني والله ما بظلمها في حاجة وربنا شاهد وعالم بس هي كل ال يهمها الماديات
تم النشر الثلاثاء، ٢٥ مارس ٢٠٢٥
متفكرش كتير فى حكاية الدهب . لأن انت اساسا مش ملزم بالدهب حتى لو كان مكتوب فى القائمة. لأن الذهب زينة تصاحب المرأة اينما حلت . و نصيحة ليك لو هى رافعة قضايا . خليها تخبط رأسها فى اجدع حيطة محكمة . و سيب الموضوع على الله . ربنا كفيل بأى ظلم يرفعه عنك . فوض امرك إلى الله . و مترفعش قضية طلب فى بيت الطاعة ابدا . لأنك ببساطة حتخسرها دا القانون
تم النشر الثلاثاء، ٢٥ مارس ٢٠٢٥
أنا معاك ان زوجتي مش ملاك وأنا مش ملاك أكن أقسم لك بالله وبحق هذه الأيام المفترجة اني ما ظلمتها ولا بظلمها في أي حاجة هي إنسانة مادية فوق الوصف ولا يهمها شئ ال الفلوس وانا اصلا ظروفي المادية عبي قدي خالص وهي بتحملني فوق طاقتي انا نفسيا تعبت ومعنتش قادر وأنا لا عايز اخرب بيتي ولا عايز اطلق لأن مفيش حد بيحب خراب البيوت وأنا أصلا مش معايا ولا في مقدرتي اطلق لكن هي انسانة اهم شئ عندها الفلوس وانا تعبت نفسيا جدا جدا قولت يمكن الطلاق هو الحل مع اني اصلا مش قده ولا قد المشاكل ال هتيجي من وراه
تم النشر الثلاثاء، ٢٥ مارس ٢٠٢٥
لعرض الإجابة في فدني اضغط هنا