السلام عليكم
دائماً اعاني من فرط التفكير لدرجة اقوم بنتف شعري لأشعر بالراحة واحيانا اقوم بخبط راسي بالحائط لكي ارتاح الموضوع بقى مزعج بالنسبة ليا ومش عارفه ابطله
السلام عليكم ورحمه الله وبركاته اللي بيحصل معاكي ده الدماغ بيولّع من التفكير الزيادة، والتوتر ده بيطلع في حركات زي نتف الشعر أو خبط الراس عشان يلاقي مخرج سريع للضغط. لما تحسي برغبة في انك تعملي حاجه من الحاجات دي اللي هي نتف الشعر أو خبط الراس، قومي فجأة غيري مكانك، امشي خطوتين، اغسلي وشك بميه باردة. جربي تسمعي صوت عالي شوية يقطع التفكير، أو اسمعي تلاوة هادية قبل ما تنامي عشان الدماغ يهدى. حطي حاجة دايماً في إيدك تلعبي فيها، أي حاجة، عشان الإيد متفضلش فاضية. ولو التوتر جامد أوي، اضغطي عضلاتك كلها ١٠ ثواني وبعدين ارخي، ده بيطلع طاقة مشابهة من غير ما تئذي نفسك. مش لازم تعملي كل ده مرة واحدة، جربي اللي ييجي في بالك أول ما تحسي أن الرغبه جت، المهم تقطعي اللحظة دي قبل ما تكبر. جربي حاجة من دول النهاردة أول ما يحصل، وقولي لي في تعليق على اجابتي الدنيا ظبطت ولا لا؟
تم النشر الأحد، ٢٨ ديسمبر ٢٠٢٥
وعليكم السلام ورحمة الله وبركاته يا عزيزتي، أشعر بكِ تمامًا، فرط التفكير ده بيحول الدماغ لمصنع أفكار مش بتهدأ، واللي بتعمليه (نتف الشعر أو خبط الرأس) ده غالبًا آلية دفاعية للجسم عشان يفرغ التوتر اللي متراكم من القلق أو الضغوط اليومية – زي اضطراب يُسمى "نتف الشعر القهري" (trichotillomania) أو سلوكيات إيذاء ذاتي بسيطة، بس ده مش تشخيص، مجرد تفسير عام. خطوات عملية عشان تتوقفي إن شاء الله: حددي المحفزات : لاحظي متى يبدأ (مثل قبل النوم أو لوحدك؟) واكتبيها في دفتر صغير كل يوم. استبدلي السلوك : لما تحسي الرغبة، امسكي كرة إجهاد (stress ball) أو مارسي الدعاء بقوة: "أعوذ بالله من الشيطان الرجيم"، أو اقرئي آية الكرسي 3 مرات – ده بيهدي النفس بسرعة. روتين يومي قوي : نامي 7-8 ساعات، مارسي مشي سريع 20 دقيقة يوميًا، وكلي وجبات منتظمة غنية بالمغنيسيوم (موز، لوز). فكري إيجابيًا : كل صباح، اكتبي 3 أشياء تشكرين الله عليها، عشان تحولي التفكير السلبي. أنتِ قوية وقادرة تتغلبي عليه، بس لو استمر، روحي للخبراء في فدني: https://www.fedni.net/experts – فيه متخصصين نفسيين هيساعدوكِ بشكل شخصي. وابحثي في فدني عن "فرط تفكير" أو "نتف شعر" هتلاقي إجابات تانية مفيدة. خلي بالكِ من نفسكِ، وأنا هنا لو عايزة تتابعي! 💕
تم النشر الخميس، ٢٥ ديسمبر ٢٠٢٥
محتاج اخصائي نفسي يساعدك على تعديل السلوك.. ودى حاجة سهلة وبسيطة إن شاء الله
تم النشر السبت، ٢٧ ديسمبر ٢٠٢٥
السلام عليكم.. الله يعينك .. نتف الشعر وخبط الرأس ده بيعمل ألم يلهيكي عن التفكير ويعيد لجسمك النشاط بدل الخمول .... فممكن تعملي حاجات تلهيكي عن التفكير وتبعث فيكي الرضى عن النفس زي الصلاة والاستحمام بالماء البارد
تم النشر الجمعة، ٢٦ ديسمبر ٢٠٢٥
حاولي تشعري بالعالم من حواليك يعني مثلا دوقي طعم الاكل استشعري الحاجات في ايدك حسي بلحظات بهدوء كمان مهم انك متحاوليش تبطلي تفكير خالص بس حاولي تغيري الي بتفكري فيه
تم النشر السبت، ٢٧ ديسمبر ٢٠٢٥
عليكم السلام ورحمة الله فرط التفكير بيكون احد أسبابه الشعور بالقلق، محتاجة تحددي المشاكل او الأمور اللي مسببة ليكي قلق وتتابعي مع أخصائي نفسي لسبب القلق وعلاجه
تم النشر السبت، ٢٧ ديسمبر ٢٠٢٥
اشغلي نفسك ، لإن ده ناتج من فراغ حرفيًا، لو مش لاقيه حاجه دنيويه تشغلي نفسك بيها اشغلي نفسك بالله زي ما ربنا سبحانه وتعالى قال (فإذا فرغت فانصب *وإلى ربك فارغب)
تم النشر الخميس، ٢٥ ديسمبر ٢٠٢٥
لعرض السؤال في فدني اضغط هنا