السلام عليكم
أنا مش جرافيك ديزاينر، بس بستخدم الذكاء الاصطناعي علشان أعمل تصميمات لنفسي. في مُدرس شاف الشغل اللي بعمله وعجبه جدًا، وطلب مني أعمله نفس النوع من الشغل.
المطلوب عبارة عن 3 حاجات:
Presentation للشرح
Presentation للحل
ملف إنفوجراف فيه ملخص للمادة
كل نوع فيهم ليه مجهود مختلف، وترتيبهم من حيث الصعوبة كالتالي:
أصعب حاجة: الحل
الشرح والملخص تقريبًا نفس مستوى الصعوبة
فأنا محتاج حد عنده خبرة يساعدني أحدد تسعير مناسب لكل نوع، بحيث يكون في فرق بينهم حسب المجهود:
الحل: ؟
الشرح: ؟
الملخص: ؟ (ويكون أقل من الشرح)
كمان نقطة مهمة:
أنا بسلم الشغل بصيغة PDF فقط، ومش بسلّم ملف الـ PowerPoint نفسه، والشغل بيكون غير قابل للتعديل. يعني لو العميل طلب تعديل على جزء، بغير الملف بالكامل مش جزء منه.
فبالتالي طبيعي إن التسعير يكون أقل شوية من الأسعار المنتشرة في السوق.
ياريت لو حد عنده خبرة يفيدني في تسعير معقول للحالات دي 🙏
ما شاء الله شغلك جميل جدا الورقة اللي في الصورة دي تتعمل أقل شيء كتابة وتنسيق ب ٢٠ ج وده سعر قليل جدا ومفترض توصل ل ٢٥ كمان أقل من كده مش هتحس بأي عائد وهتكره الشغل مع الوقت ويكون تقيل عليك أنا بشتغل تايبست من ٨ سنين وعلى دراية بالاسعار بفضل الله نقطة تانية انا مش فاهمة ازاي الشغل مش بيتعدل بس عامة كنفا برو تقدر تعمل بيه نفس الشغل وفيه كورسات مجانية كتير تعلمك ازاي تستخدمه كذلك البوربوينت والوورد وبرضوا الفيديوهات المجانية كتير وعامة احنا مش بنسلم في حالة استخدام الوورد والباوربوينت الاصل قبل ما ناخد كل فلوسنا بالتوفيق لحضرتك وتحت امرك لو احتجت اي شيء تاني
تم النشر الجمعة، ٢٧ مارس ٢٠٢٦
والله سألت يجي علي ٣٠ جروب 😅 ولم اجد رد حتى الآن وبالنسبة بستخدم اي فبستخدم notebook lm
تم النشر الخميس، ٢٦ مارس ٢٠٢٦
ممكن تروح لحد متخصص بعينة تسألة عن سعرة وعلى هذا الأساس بتسعر شغلك ويكون أقل أو أفضل روح لجروبات المصممين سواء على الفيس أو غيرة هتستفيد أكتر لأن التسعير محتاج مختصين بالمجال ... لكن انت ممكن تفيدنى انت بقى 😅 إية أدوات الذكاء الاصطناعى اللى انت شغال عليها اللى بتطلع شغل زى دا وهل هى مجانية ولا لا
تم النشر الخميس، ٢٦ مارس ٢٠٢٦
ايوا بيكون اقل
تم النشر الخميس، ٢٦ مارس ٢٠٢٦
لعرض السؤال في فدني اضغط هنا