تقريبا بقالي فتره مؤخرا مهووسه بالسوشيل مديا بطريقه مريضه وانا عارفه لو كنت للأول بعمل كدا عشان فراغ بقى دلوقتي هروب من الزحمه ومبقتش عارفه اتمالك نفسي وبدل ما كنت شايفه اني كدا اجتماعيه اعمل اي!!!
بدليها بانشطة تانية تهربي ليها و بتحبيها ... ده الحل .. رياضة ارسمي ارقصي ... و نزلي تطبيق stay free بيقول التطبيقات دي و التطبيق اللي مش محتاجاه للضرورة دلوقتي امسحيه اه والله اسمعي مني متنزليهوش الا للضرورة القسوة و دايما خلي شاشة الموبايل ابيض واسود ده بيخليكي تحسي ان التليفون ممل و في حاجة في التليفون اسمها digital wellbeing بتدخلي و تحددي تطبيقات مش عايزاها تتفتح ساعتين في اليوم بالكتير و بعد كده بتقول و مش بتعرفي تفتحيها غير تاني يوم ... و مع الوقت هتستغني الموضوع محتاج صبر و متياسيش من اول انتكاسة واسمعي أبوزيد الراجل ده عسل... اه و صح اهم حاجة اول ساعة في اليوم وآخر ساعة متفتحيش التليفون خاااالص لان السر كله في تظبيط الدوبامين... ولو بتذاكري من التليفون او بتشتغلي منه استعملي لابتوب احسن او تابلت و أمسحي تيك و كل حاجة فيها ريلز و أمسحي يوتيوب و لما تحتاجيه افتحيه من كروم و لو من لابتوب في حاجة جميلة هي ان في extensions في كروم تخفي الشورت و كل حاجة غير الفيديو اللي عايزة تسمعيه سواء تعليمي او غيره كان في شاب مغربي ربنا يجازيه خير بيشرح ازاي بنستعملها بس للأمانة مش فاكرة اسمه ... المهم واقفلي كل الاشعارات كلها والله ما في حاجة مهمة هتفوتك ولا حاجة هتستاهل تضيع عمرك لو في حاجة مهمة هتلاقي نفسك دخلتي تشوفيها ولو حد محتاج منك حاجة هتلاقيه بيتصل لكن اقفىلي الاشعارات و متخافيش ع زعل حد غير نفسك مع الوقت هيتعودو ... التليفون بعيييييد في الزهرة وانتي في المريخ ده بصراحة فعال جدا هيساعدك ... ولما هتلاقي مزاجك اتحسن بعدين هتتشجعي أكتر.. واشغلي نفسك بقي بحاجة تحسسك بنفسك وانك مهمة و جميلة و مثقفة مع الوقت بتحبي نفسك و تستوعبي قد اي كنتي بتاذيها ... سكين كير بقي شغل و فلوس صلاتك يا عسل واذكارك ووردك من القرآن...دراستك حاولي تحبيها ... وربنا يعيني انا كمان اعمل كده
تم النشر الثلاثاء، ١٦ سبتمبر ٢٠٢٥
اول حاجه لما تيجي تنامي سيبي الموبايل بعيد عنك يعني ما تخليش الموبايل اخر حاجه تنامي عليها ثاني حاجه حاولي كل يوم تقرأ كتاب لمده نص ساعه ثالث حاجه اشغلي نفسك باي حاجه تعمليها في البيت كل يوم لما تلاقي نفسك قاعده فاضيه اقفلي الموبايل لمده ساعه استخدمي الموبايل بقى في انك تسمعي الدحيح اسمعي بودكاست تشغلي فيلم على التلفزيون تتفرجي عليه وطول ما الفيلم شغال ما تمسكيش الموبايل هو موضوع في الاول هيبقى صعب بس واحده واحده هتلاقي نفسك اصلا الموبايل ده مش حاجه اساسيه اعملي اي نشاط يبعدك عن الموبايل لفتره طويله ولو تعرفي تسحلي نفسك اليوم كله على اساس انك تخشي تنامي من التعب اعملي كده يوم بعد يوم هتلاقي الموبايل ده عادي
تم النشر الاثنين، ١٥ سبتمبر ٢٠٢٥
للاسف هي ادمان وكل مدى كل ما الموضوع بيسوء لازم انتي تاخدي خطوه انك عايزه تبعدي اول حاجه وتحددي وقت مثلا ساعه بالنهار وتقفلي الاشعارات ومتنزليش صور ليكي كتير أو بوستات شوفي روايات بس مش على الفون تكون كتب عاديه وفي روايات كتير تخليكي تنسي الفون خالص واشغلي نفسك بالمطبخ كل يوم حاجه جديده كده اعملي حاجه حلوه للبيت كل ما تكوني فاضيه اذكري الله شويه وقومي صلي وادعي باللي نفسك فيه
تم النشر الأحد، ١٤ سبتمبر ٢٠٢٥
مرحباً عزيزتي، أنا ذكية، وسعيدة بتواصلك معي. أنا أقدر جداً شعورك؛ الإدمان على السوشيل ميديا أصبح أمر شائع في زمننا، لأن المنصات هذه مصممة بطريقة جذابة جداً تأسر التفكير والوقت بسهولة، خصوصاً لما يكون الواحد محتاج يفك الضغط أو يهرب من مشاعر مزعجة أو ضغوط خارجية. بما أنك لاحظتِ عندك هذا الوضع، وهذا مهم جداً لأنه بداية الطريق للتغيير. خليني أساعدك بخطوات عملية ممكن تساعدك تتخلصي من هوس السوشيل ميديا وتستعيدي توازنك: حاولي تحددي وقت معين للسوشيل ميديا: مثلاً 30 دقيقة في اليوم فقط، وحاولي الالتزام بحدود الوقت هذه. شغلي مؤقت موبايلك لما تدخلين عشان يذكرك بإن الوقت انتهى. اعملي جدول بديل: إذا كان فراغك هو السبب في الدخول المستمر، حاولي تملئي وقتك بنشاطات تحبينها أو مفيدة، مثل قراءة كتاب، تعلم مهارة جديدة، ترتيب غرفة، أو حتى ممارسة هواية. تعرفي على مشاعرك الحقيقية: كثيراً نلجأ للسوشيل ميديا كملجأ للهروب من القلق أو الوحدة. حاولي تكتبي يومياً عن مشاعرك، وأشياء تشغل بالك، هذا سيساعدك تفهمي نفسك أكثر. المواظبة على التواصل الواقعي: صحيح أنك تشعرين أن السوشيل ميديا يجعلك اجتماعية، لكن التواصل الحقيقي أهم وأقوى. ممكن تحاولي تقوين علاقاتك العائلية أو مع أصدقاء قريبين عبر لقاءات صغيرة أو مكالمات صوتية. استعيني بالدعاء والذكر: لا تنسي أن اللجوء إلى الله والتضرع إليه يهدئ القلب ويوجه النفس نحو الخير. حاولي تخصيص وقت للدعاء والذكر حتى في أوقات فراغك. كوني لطيفة مع نفسك: لا تضغطي عليها كثيراً لو مفتحتش السوشيل ميديا بالكامل. التغيير gradual (تدريجي) وهذا طبيعي. إذا شعرتِ أن الموضوع بدأ يؤثر بشكل سلبي قوي على حياتك النفسية أو الاجتماعية، فقد يكون من المفيد الاستعانة بأحد الخبراء في مجال الصحة النفسية. يمكنكِ زيارة صفحة الخبراء على فدني (https://www.fedni.net/experts) لتجدين متخصصات قادرات يساعدنك بشكل أعمق. وأخيراً، على طول ما تحسيتِ أنك اتحسنت ولو بنسبة صغيرة، احتفلي بهذا التقدم، لأنه خطوة مهمة جداً. أنا هنا دائماً لو حبيتي تسألي أو تشاركي أكثر. دمتي بخير وسعادة، ذكية. 🌷
تم النشر الجمعة، ١٢ سبتمبر ٢٠٢٥
علاقتك بالموبايل أصبحت علاقة ادمانية 100% شوفي دورة التعافي اول 3 حلقات على يوتيوب دكتور عماد رشاد
تم النشر الأحد، ١٤ سبتمبر ٢٠٢٥
حل إدمان السوشيال ميديا النزول لارض الواقع قراءة الكتب استخدام السوشيال ميديا استخدام ايجايبي
تم النشر الأحد، ١٤ سبتمبر ٢٠٢٥
+1 ياريت لو حد عنده حل يقولنا 🙂
تم النشر الأحد، ١٤ سبتمبر ٢٠٢٥
لعرض السؤال في فدني اضغط هنا