اول مره احس اني محتاجه اكلم حد خصوصا اني تايهة اوي فجاه الشخص اللي بحبه قرر انه يبعد عني بحجة ان فالمستقبل هاجي اتقدملك واتاسف عاللي عمله وقالي نسيب بعض،
انا شايفاها طريقة عشان يقدر يمشي خصوصا انه عمل الموضوع ده مع حد قبلي وكمان انه احنا بقالنا فترة مع بعض فمش الطبيعي فجأه يتقال كده؟؟
ومش عارفه المفروض يكون عندي امل ولا خلصت خلاص كده الحقيقة ان من يوم ما حصل كل حاجه ماشيه فحياتي الا انا وبقالي فترة كده اكني في حالة صدمة ومش عارفه استوعب اصلا الاحساس ده حرفيا مبقتش قادره استحمله مش عارفه اساعد نفسي ومش عايزه اتعامل مع حد عشان مأثرش بأي طاقة سلبية على اي حد عشان دي مشكلتي وانا اللي هتحملها بكل العواقب
بقيت نفسي اعاتب الشخص ده! اصل ليه قرر يعشمني ويقرب وفجاه اختار يبعد بعيدا عن الاهتمام ولو للحظة بمشاعري! انا بس مش عارفه اصدقه وانه هيرجع تاني ولا دي طريقة هو مشي بيها من حياتي
السلام عليكم، نصيحتي لكِ، متعلقيش نفسك بأي أمل وشيليه من دماغك ولو حتى فيه احتمال ١% يرجع في يوم، أنتِ مترجعيش. اللي باعك وتخلى متفكريش فيه ولا تندمي على رحيله وركزي على حياتك. لو كان صادق كان ممكن يكلم أهلك مبدئيا وياخد كلمة معهم، لكن التحجج بالظروف أو التحجج بيوم ما هآجي أتقدم ده الأسلوب المعتاد بتاع الشباب لما يحبوا يخلعوا من علاقة ملوا منها. وكان المفروض تاخدي حذرك بما إنك بتقولي عمل ده مع واحدة قبلك. *** مشاعرك مفهومة والألم والخذلان وفقدان شغفك بالحياة أثر طبيعي لصدمتك لكن محدش يستاهل مهما كانت مشاعرك ناحيته أو تعلقك به، محدش يستاهل أبدا تضيعي نفسك وتدمريها عشان خاطره ولا حتى تعيشي على ذكرياته. تفهمي مشاعرك ومتقاوميش الأفكار عشان المقاومة بتزود الأفكار مش بتمنعها، وتوقعي إن التعافي هياخد وقت فسيبي الزمن ياخد مجراه ويعالج كسرة قلبك. ومش محتاجة تعاتبي حد ولا تشغلي نفسك بتحليل هو عمل كده ليه. ارمي كله ورا ظهرك. *** اشغلي نفسك في دراستك وحياتك وعيشي عشان أهدافك، كل ما كان لك أهداف كبيرة تشتغلي عليها هيقل انشغالك بحاجات تافهة. ونصيحة من أخت أكبر، بلاش بلاش بلاش، دخول علاقات من دي تاني. قلبك ومشاعرك مش لعبة عشان تخاطري بهم مع أي شخص مش معروف صدق نواياه ولا جديته. اللي شاريكِ يتقدم لأهلك، غير كده يبقى تضييع وقت ومشاعر في علاقة احتمالات فشلها أكبر من نجاحها. اهدي كده واقعدي مع نفسك وارجعي فكري في الأمور من زواية تانية واختاري نفسك ومصلحتك ومتخليش حد أبدا محور كونك ولا تخسري نفسك عشان حد. ربنا معك ويهديكِ للي فيه الخير لكِ.💚
تم النشر الأربعاء، ٣٠ سبتمبر ٢٠٢٦
أنا آسفة جدًا للألم اللي بتمرّي بيه، وأقدر إن الشعور ده ثقيل ومفاجئ، خاصة لما الشخص اللي كنتِ بتحبيه يقرر يبعد بهذه الطريقة اللي بتخلّي القلب يتأرجح بين الأمل والشك. اللي بتحكيه يبدو إن العلاقة كانت مؤذية فعلاً، لأن التكرار مع شخص سابق يشير إلى نمط غير صحي، ومش من الطبيعي إن يحصل كده فجأة بعد فترة طويلة مع بعض. مشاعرك من انهيارات وقلق وفقدان الشهية والنوم طبيعية في مثل هذه الصدمات، وهي دليل على إن قلبك بيحاول يستوعب الخسارة. عشان تتخطي، ابدئي بخطوات عملية بسيطة: حددي روتين يومي ثابت يشمل الصلاة والقراءة في القرآن لتهدئة النفس وتذكيرك بقيمتك كإنسانة تستحق الاحترام والاستقرار، ومارسي أنشطة تعزز شعورك بالإنجاز زي تعلم مهارة جديدة أو التركيز على عملك أو دراستك. ابتعدي تمامًا عن أي تواصل معه، حتى لو فكرتِ في المعاتبة، لأن ده هيطيل الألم ويمنعكِ من الشفاء. ركزي على بناء علاقة أقوى مع نفسك، مثل كتابة يوميات عن إيجابياتك وما تريدينه في المستقبل، وتذكري إن الوقت والصبر هما أفضل دواء، لكن الخطوات اليومية هتساعدكِ على استعادة السيطرة. ابحثي عن أسئلة مشابهة على فدني للحصول على وجهات نظر إضافية، وإذا استمر القلق الشديد، استشيري متخصصًا طبيًا لدعم صحتك النفسية. أنتِ أقوى مما تتخيلين، وهتتجاوزين هذا بإذن الله.
تم النشر الأربعاء، ٣٠ سبتمبر ٢٠٢٦
حطي نفسك مكان مامتك لو عرفتي ان بنتك ف المستقبل بتكلم حد هيكون اي شعورك؟
تم النشر الخميس، ١ أكتوبر ٢٠٢٦
فوقي كدا و صحصحي لازم نندموا لازم يعيط دم علي حركته الزباله دي ركز ف دراستك ي بت دي سلاحك دي نجاتك بعدين دي اللي هتعمل منك واحده و نص لازم تكسري عينهم بنجاحك فوووقي واشتغلي علي نفسك و حافظ علي صلاتك و اذكارك انتي لو محافظه عليهم مكنش همك غياب حد اللي يغور يغور موارب ركزي علي نفسك و توبي لان عارفه ان الموضوع من بدايته حرام وانك بتعصي ربنا بس كملتي و مع ذالك نجدك من الاهطل ده و ع باباكي ف ربنا يهديه حتي لو مكنش الاب المثالي دي مش حجه انك تخوني ثقته و طبيعي واحد شايف ضعفك و انك محتاجه و عندك عادي تخوني ثقة اهلك و تدمري عيلتك بحركتك دي ف ده الطبيعي انه يلعب بمشاعرك الموضوع مش بس ثقه اهلك انتي عارفه ان بحركتك دي ممكن تدمري بيها مستقبلك كله و تدمري عيلتك و حياتك اخواتك البنات لو في
تم النشر الخميس، ١ أكتوبر ٢٠٢٦
ي حبيبتي ف الف داهيه انتي عايزه راجل وله عيل عايزه واحد يكون شريك حياه وله اول ما تبوظ مع السلامه انا و بعدين بتقولي دي حركاته مستنيه اي من واحد زي ده و اي استنه وله خلاص دي اجي ف اهلا وسهلا هفكر لو لسه ع مزاجي ف نجرب ليه لا و بعدين ي مسكره انتي مقلله من نفسك كدا ليه اي ي بت مش بتشوفي نفسك ف المريه اي مش بتشوفي القمر وله اي ده هو اللي ي خبته خسر الفرصه اللي مش هتنعاد تاني باعك بعي لاول كلبه ف الشارع 😂 بصي بقي ي بطتي مفيش وقت للزعل ولا العياط بتعيطي علي اي على حتة عيل يغور مع الف داهيه هيرزقك بسيد سيده
تم النشر الخميس، ١ أكتوبر ٢٠٢٦
لعرض السؤال في فدني اضغط هنا