ازاي انا كـ بنت اقدر اغير مفهمومي وفكري وتعلقي بـ فكرة اني لازم اما ارتبط يكون حد بيشغتل شغلانة معينة... يعني بالنسبة ليا احب جدا اكون مع ظابط جيش بحس ان هيكون في حماية ومحدش هيقدر يأذيني فاهمين ده غير ان بشوف ان المنهة دي حاجة شرف وفخر جدا على الاقل بالنسبة ليا انا حرفيا حاسه اني هطير والله فاهمين مش بس المفهوم الاول بس الاولى مهمة اوي بنسبالي ومهنة ظابط جيش تحديدا مش اي مهنة تاني يعني مش ظابط داخليه مثلا او حد جزار بردو بيكون ليه وضعه او من عيله كبيرة ومعينة مثلا لاني في حد اتقدملي من عيله كبيرة وكده بس رفضنا لاني محستهوش مناسب
بالنسبة لـ نقطة ظابط الجيش لاني اتعاملت مع كده حد و الاسلوب الراقي و المحترم انا بحبه اوي فيهم انا بتكلم على الناس اللي انا اتعاملت معاهم ... مع ان الحمدلله انا انسانة راقية جدا ومش بتاعت مشاكِل الحمد لله
وده ناتج عن حاجة حصلتلي و انا صغيره فاهمين اللي هو حسيت اني مش محمية واو اهلي مش معمول ليهم حساب فاهمين قاصدي اي
يا ريت تفدوني لإن انا لما حد بيجي يتقدم اوقات بقول لا عشان عاوزة اتجوز حد من المهنة دي
انا ببنت ٢١ سنة طالبة جامعية وشكرا ليكم...
يا حبيبتي، إول حاجة أشكرك إنك فتحتِ قلبك كده وشاركتِ اللي جواكِ، ده خطوة كبيرة وشجاعة جداً في سن ٢١ سنة! أنا فاهمة تماماً إحساسك ده، خاصة بعد اللي حصل معاكِ وأنتِ صغيرة، اللي خلى الـ"حماية" دي مفهوم أساسي عندكِ. بس خليني أقولك إن ده مش نهاية الطريق، وإنتِ قادرة تغيري الفكرة دي خطوة بخطوة، وهقولك إزاي عملياً. ١. افهمي جذر المشكلة عشان تحليها : التعلق ده مش بالمهنة نفسها، ده رمز للأمان اللي فقدتيه زمان. الضابط اللي اتعاملتِ معاه كان راقي ومحترم، فـ"لصقتِ" المهنة بالصفات دي. بس الحقيقة؟ الحماية الحقيقية مش في الزي أو الرتبة، دي في التقوى والأخلاق والمسؤولية. ضابط داخلية أو راجل من عيلة كبيرة ممكن يكون أحسن حماية لو صفاته صح. ٢. خطوات عملية عشان تغيري الفكرة دي : اكتبي قائمة "الصفات الحقيقية" : خدي ورقة، اكتبي ١٠ صفات أساسية عايزاها في الزوج (مثل: مخلص، مسؤول، يخاف الله، يعاملكِ برفق، يدعم أحلامكِ). حطي المهنة في آخر القائمة أو شيليها خالص. كل يوم اقريها، وركزي على رجالة حواليكِ (أهل، أصدقاء) اللي عندهم الصفات دي، حتى لو شغلهم عادي. وسعي النظرة : لما حد يتقدم، اسألي نفسك: "هو ده هيحميني إزاي في الحياة اليومية؟" مش بس بالسلاح، بل بالكلام الطيب، الاستقرار المالي، والدعم العاطفي. جربي تتخيلي حياتكِ معاه لمدة ٥ سنين، مش يوم واحد. صلاة الاستخارة + دعاء : قبل ما تقولي "لا"، صلي استخارة وقولي: "يا رب ارزقني اللي فيه خير لي ويسر أمره". ده هيفتح عيونكِ على خيارات أحسن. تحدي صغير : المرة الجاية حد يتقدم، قولي "هفكر" وخدي وقت تسألي عن صفاته الحقيقية (من خلال أهله أو أصحابه)، مش الشغل بس. هتشوفي إن الرقي مش حكر على مهنة واحدة! ٣. نصيحة من مدربة حياة : إنتِ لسة صغيرة وطالبة، عندكِ وقت كتير تختاري صح. متستعجليش، وركزي على تطوير نفسكِ (دراسة، هوايات، قرب من ربنا) عشان تجذبي اللي يستاهلكِ. ولو حسيتِ إن الموضوع عميق أكتر (من الطفولة)، شوفي خبراء في فدني هنا: https://www.fedni.net/experts – في متخصصين في علم النفس والإرشاد الزواجي هيفيدوكِ جداً. كمان ابحثي في فدني عن أسئلة مشابهة زي "كيف أختار شريك حياة"، هتلاقي إجابات كتيرة مفيدة. أنتِ راقية وذكية زي ما قلتِ، والحمد لله مش بتاعت مشاكل – هتطيري مع اللي ربنا كاتبه لكِ، بس خلي قلبكِ مفتوح! لو عايزة تفاصيل أكتر، قوليلي. ربنا ييسر أمركِ يا قمر 💕
تم النشر الخميس، ٧ مايو ٢٠٢٦
من وجهة نظري تفكيرك غلط و غالبًا دا هروب من الواقع و رسم عالم خيالي بسبب افتقادك للأمان من الوسط المحيط لازم تتخلصي من التفكير دا و تخرجي من دايرة الأفكار دي الموضوع مش هيبقى سهل بس تقدري إن شاء الله؛ تخيلي مثًاا إنك مستنية شخصية معينة بالمحدودية دي بنسبة كام في المية هيتقدملك شخص كدا، سبحان اللّٰه أعرف بنات يقولوا مستحيل يتجوزوا حد من الشرطة عشان هيبقوا قاسيين عليهم و هيكبلوا حريتهم شتان بين الفكرين الموضوع بس معتمد على تفكير كل شخص، مش بلومك عمومًا، كلنا ممكن يكون عندنا أفكار مغلوطة محتاجة تتعالج و ربنا ييسر لنا أمورنا جميعًا
تم النشر الأحد، ١٠ مايو ٢٠٢٦
و الله لو انت مرات الرئيس ولو مكتوب انك هتتأذي هتتأذي عادي جدا هو بس الجواز يكون لذي دين وبعدين لذي علم فاعرفي نفسك كذا وبالنسبه للفخر والحمايه ده مفهوم مجتمعي كويس طبعا بس الجندي مش هيحمي شعب جعان مش لاقي ياكل فالفلاح بالارض افضل من جندي يعمل بقوه بدنيه ليأكل شعب كامل و الجندي مش هيحمي شعب جاهل فالمدرس بيعلم شعب ويعلمنا نعيش في بيئه آمنه الجندي يعرف يحميها وكذا في كل شغل و أعمال من فلاح حتى العالم كلهم فخر ومهن شريفه جدا ومنقدرش نستغني عنها والدين يوصينا عليها
تم النشر الخميس، ٧ مايو ٢٠٢٦
واي المشكلة لو الشخص تمنى الشخص الثاني يكون له وظيفة معينة ؟ كلنا بنتمنى حاجات لكن عارفين انها ممكن متتحققش فدي أمور دنيوية ومظاهر
تم النشر الأحد، ١٠ مايو ٢٠٢٦
اذا كان يصلي ويفعل الطاعات ويطيع الله والرسول ما المانع ـ لكن انا لا اعلم صراحة هل ظابط الشرطة او الجيش في بلدك مصر يصلي ولا يحلق اللحية ولا يسب هل هذا موجود والله ان كان فيه هذه الصفات لا مانع بل تمسكي بهذا وهذا من صلاح القصد ونبل النية وهذه الصفات في كل انسان ليس ظابط الشرطة او الجيش فقط لكن المشهور لدينا عنهم انهم حالقي اللحية ويعني بعض الاشياء الأخرى والله اعلم انظري في حاله وان كان خلوق ويخاف الله فهذا ممتاز. والله الموفق والمستعان
تم النشر الجمعة، ٨ مايو ٢٠٢٦
فكري ف مستقبلك أولا بلاجواز بلا نيله المستقبل اهم ولا اي وكمان انتي ليس ف بداية حياتك واهم حاجه هو شغال اي اهم حاجه هو بحبك وهيحافظ عليك ويحطك جو عنيه ولا اي ، اهم حاجه ف وظيفة زوج انها تكون شريفه وا ذو دخل عالي ، ويكون اغلب الوقت علشان تختاري صح علشان كل واحد بيشيل شلته. ⚖️✨
تم النشر الجمعة، ٨ مايو ٢٠٢٦
خشي على يوتيوب واسمعي بودكاست عن مفهوم الامان عن مفهوم الاحساس بالامان مع الشريك او عن ازاي اختار شريك انا عندي نفس المشكلة بس مع الوقت بتخف لاني عارف أنه مش صح فهماني
تم النشر السبت، ٩ مايو ٢٠٢٦
فديوهات عن ايه بالظبط؟
تم النشر السبت، ٩ مايو ٢٠٢٦
طب اي رأيك تسمعي فديوهات على يوتيوب وبودكاست
تم النشر السبت، ٩ مايو ٢٠٢٦
لازم تؤمني بإن الحماية مش بشخص الحماية من الله ليست بالأسباب،، وحتى لو تزوجتي شخص في ظاهره *الحماية* وهذا من منظورك المحدود ، إن أريد بكِ سوء أو ضرر لن يمنعه عنك سوى الله
تم النشر الجمعة، ٨ مايو ٢٠٢٦
مهو انا الحمد لله مش شايفه انها عيب بس انا حاليا مش معايا فلوس اقدر اروح لـ اخصائي نفسي يقدر يفدني فـ كنت بسأل لو حد هنا يقدر يصححلي المفوم اليي عندي ده
تم النشر الجمعة، ٨ مايو ٢٠٢٦
مفهوم الحماية عندك متشوه لازم تعالجي الموضوع ممكن تتواصلي مع دكتور مش عيب ولا حاجة وممكن برضو تشوفي بودكاست وحجات ليها علاقه بالموضوع انا عندي نفس المشكلة دي مش اني اتجوز حد من مهنه معينه بس بخاف أن جوزي ميحمنيش او ميكونش جدير بحمايتي اوي
تم النشر الجمعة، ٨ مايو ٢٠٢٦
مستقبل اي اللي حضرتك بتقول عليه اهم من الجواز انا شغفي يكون عندي اسرة واعف راجل و اربي ولاد تربية صالحة ومش انا لوحدي معظم البنات اللي بشوفهم من صحابي وزمايلي في الجامعه نفس تفكير يعني مش ضروري نحكم على الكل من الحالات الفردية اللي بنشوفها ع السوشيال ربنا يباركلك وشكرا
تم النشر الجمعة، ٨ مايو ٢٠٢٦
لعرض السؤال في فدني اضغط هنا