انا بنت ١٦سنه ممكن تشوفو الموضوع تافه وعادي بس بجد الموضوع ده بيأثر عليا جدا ومخليني عندي كره تجاه والدتي وخصوصا اني عاتبتها كتير ف الموضوع ده وهي برضو لسه بتعملو فيا انا بس وبقيت اخواتي لا
اولا انا اصغر واحده ف اخواتي انا واخويا التوأم الاخ الولد الوحيد .ماما حرفيا بتعايرني بالاكل اللي بتأكلهولي ودايما بتحسسني اني مستحقوش ولا اني استحق اي حاجه حرفيا لما بتصرف عليا جنيه بتبقا مستخسره وبيبقا من تحت درسها حتى في فلوس الدروس والمواصلات
والمشكله انها معايا انا بس كدا مش بتعمل كدا مع حد من اخواتي عمرها ما قالت لي كلام حلو ابدا او تدلعني مره
لما بتخانق معاها حرفيا بتقولي كلام يسم والله لدرجه انها خلتني ف مره افكر ف الانتحار وانا اصلا بطبعي حساسه زياده شويه ماما والله في مره كنت قاعده ع الاكل واخدت منابي شدتو من ايدي وقالت لي لا دا خساره فيكي وادتني مناب صغير اوي اصغر مناب بين اخواتي ودا كان قدامهم كلهم فاختي قالت لها لا ي ماما حرام عليكي هتزعل
فردت قالتلها اسكتي يا بت بزعيق وانا والله مش عارفه هي ليه عملت كدا حتي لو بنتخانق ساعات بس مش لدرجه تحرمني من الاكل ولا تفرق بيني وبين اخواتي المفروض حب الام مش مشروط
ماما بجد والله يا جماعه ف اي اكله حرفيا لازم انا اخد اقل حاجه ولحد الان انا مش عارفه ليه بتعمل معايا كدا لدرجه انها عقدتني وخلتني اكل في الاوضه لوحدي عشان مشوفش التفرقه اللي بتعملها دي انا مش زعلانه علي اكل ولا اي حاجه هي بس بتحسسني ان انا قليله اوي ومستحقش حتى اكون زي اخواتي بتحسسني انها بتأكلني غصب عنها حرفيا انا لو صايمه لوحدي ف البيت بتفطرني رز وسلطه بس ولو حد من اخواتي صام معايا بتعمله اكله حلوه
انا بس بحس ان انا مش مهمه عندها طب هي خلفتني ليه ومحدش يقولي مش بتاخد بالها عشاان انا عاتبتها كتير وكلمتها في الموضوع كتير وزهقت بس هي برضو لسه زي ما هي انا بحبها والله ونفسي هي كمان تحبني زي بقيت اخواتي ع الاقل كان نفسي بجد امي تبقا حنينه عليا وتهتم بيا انا من ضغري وهي كدا معايا بجد انا مقهوره ونفسي تتغير عليا بجد انا معملتلهاش حاجه والله.
السلام عليكم ورحمه الله وبركاته الوضع سيء جدا جدا وسخيف جدا وثقيل جدا جدا اللي انت بتوصيه مع والدتك انا كنت هقول لك الاحتماليه والدتك تعمل كده لكن لقيتك ذكرتيها في احد التعليقات انه هي كانت في المره دي من الحمل كانت منتظره الولد فقط لا غير لانه عندها اثنين بنات كبار ومش منتظره بنات ثاني ولكن لما ربنا رزقها عليك انت واخوك فهي خلاص يعني قررت ان هي تتقبل اللي هي كانت مستنياه والشق زياده اللي عليه هي مش يعني ما عندهاش استعداد انها تدي له اي اهتمام ولا كانت حاطه اي توقعات ان هي تقدر تتعامل مع فرد زياده على انه يكون فيه ولد. ده بيكون بسبب ايه ده بيكون بسبب الطابع بتاع المجتمع اللي هي اتولد فيه حتى لو مش ده المجتمع اللي انتم عايشين فيه حاليا ولكن المجتمع اللي هي اتربت فيه اتربت على فكره انه الولد هو اللي ليه الاهميه الولد هو اللي بيدي قيمه للعيلة الولد هو اللي ليه معاني كبيره كتيره جدا وهو اللي بيدي قيمه حتى للام او للبيت كله للاسف الشديد هي دي الافكار اللي عماله بتحركها هي دي مخليها هتقصر في حقك هي دي اللي مخلياها تبدا تقول الحاجات الصعبه اللي هي بتقولها لك فازاي انت تتعاملي مع الوضع ده تعرفي انه ده للاسف ابتلاء موجه لك انت وحمل ومسؤوليه هي هتتحاسب عليه هي كده كده هتحاسب قدام ربنا على تقصيرها معاكي انت طول الوقت محتاجه تدافعي عن حقك وده حقك طول الوقت ضروري جدا تبقي بتوضحي لوالدك ان انت حاسه قد ايه انك حقك مهدور في البيت طول الوقت وانك محتاجه انه ياخذ باله وهو منك علشان ده بدا ياثر عليك تاثيرات سيئه جدا في حياتك عموما وانك عندك مشاعر سيئه كلها تجاه والدتك لازم اقول لك يكون عارف ان الوضع ده وضع قائم ما بينتهيش بسبب استمرار والدتك تصرفاتها دي وان كان قرارك بانك تحاولي تلاقي مخرج بانك تبعدي عن البيت في مرحله الدراسه الجامعيه ويكون ليكي جزء من الاستقلاليه ويكون في مسافه بعيده عن والدتك وتصرفاتها فاكيد ده هيكون احسن لك كثير في الاول وفي الاخر هي والدتك وليها حق فتتعاملي معاها بالقدر يرضي ربنا ان دي والدتك وتكلميها باحترام وتتعاملي معاها بكل يرضي ربنا مش محتاجه تعملي اكثر من كده والامور اللي ضاغطه عليك واللي مضايقاك انت هتستعيفي منها لما يبقى في مسافه فعلا وتبعدي عنها شويه تقدري توصلي للتعشي حتى لو انت موجوده جنبها ولكن الموضوع ممكن يبقى اثقل شويه بس يعني بما انك سالتي وبما انك بتفكري وبما انك عايزه تحسي بشعور احسن فانا متاكده انك تقدري توصلي للمرحلة دي من التعافي ان شاء الله.
تم النشر الاثنين، ٢ يونيو ٢٠٢٥
عزيزتي، أولاً أود أن أقول لكِ من قلبي إن مشاعرك هذه ليست تافهة أبداً، بل هي شيء مهم ويستحق أن تُسمعيه وتُعبري عنه. شعورك بعدم الإنصاف والظلم من قِبل والدتك تجاهك أمر صعب جدًا، خصوصًا لأنكِ بحاجة إلى الحب والاحتواء من أمكِ، لا أن تشعري بأنها تفرق بينكِ وبين إخوتك. دعيني أحاول أساعدك خطوة بخطوة: فهم الوضع ومشاعرك : أنتِ تحسين أنّ والدتك تميّز بينك وبين إخوتك بطريقة تؤلمك، وتشعرين إنها تقلل من قيمتك، وهذا كله يُسبب لكِ ألم نفسي كبير. هذا الألم يمكن أن يسبب مشاعر مثل الحزن، الغضب، وحتى الإحباط وربما أفكار سلبية مثل التي شعرتِ بها. حاولي أن تعرفي السبب من وجهة نظرها : قد تكون والدتك تمر بضغط نفسي أو ظروف تجعلها تسيء التصرف معك من غير قصد، أو ربما لديها توقعات معينة منكِ تختلف عن توقعاتها من إخوتك. هذا لا يبرر الظلم أو التفرقة، لكنه قد يساعدك تفهمي جزء من الموقف. ابحثي عن لحظة هادئة للتحدث معها بصدق : ضعي مواقف محددة وأخبريها كيف تؤثر عليكِ. استخدمي عبارات تبدأ بـ"أنا أشعر" وليس "أنت تفعلين". مثلاً: "أنا أشعر بالحزن عندما أشعر أنني أقل من إخوتي". حاولي أن تكوني هادئة ومنفتحة عند الحديث. ابحثي عن دعم نفسي آخر لكِ : لا تعبري عن مشاعرك فقط لوالدتك، بل يمكنكِ تدوين مشاعرك في دفتر أو التعبير عنها في أمور أخرى تساعدك على تخفيف الحزن. في حال شعرتِ بأمور مثل أفكار الانتحار مرة أخرى، لا تترددي في البحث عن دعم نفسي من مختصين. يمكنك أن تجدي عبر فدني، مستشارين نفسيين ومختصين في هذا المجال جاهزين لمساعدتك. ابني لنفسكِ مكانة وقيمة داخل نفسك : مهما كان تعامل والدتك معكِ، أنتِ تستحقين الحب والاحترام أولاً من نفسك. ركزي على هواياتك، طموحاتك، وأي شيء يجعلك تشعرين أنكِ مميزة وقوية. تذكري أن حب الأم غير المشروط هو حق لكِ، ولا يجب أن يكون مشروط بأي شيء. لا تنسي العمل على الدعاء والاستعانة بالله : اسألي الله تعالى أن يلطف بكِ ويصلح حالك وحال والدتك. لتحصلي على راحة القلوب، صلّي واطلبي من الله أن يبدل هذا الظلم بالعدل والرحمة في البيت. وأخيرًا، لا تستسلمي أبداً لهذا الظلم أو الإحساس بأنكِ أقل قيمة. أنتِ ابنة ثمينة وفريدة، والعدل والرحمة من حقكِ. إذا شعرتِ بأن الأمور صعبة جدًا للتحمل، يمكنكِ البحث عن دعم من مختصين عبر صفحة الخبراء في فدني، وقد تجدين هناك من يساعدكِ بالمشورة والدعم النفسي. أنا هنا دائمًا إذا أردتِ أن تتحدثي أكثر أو تطرحي أي سؤال. دمتِ قوية ومُحبة لنفسك دومًا يا عزيزتي 🌹.
تم النشر الأحد، ١ يونيو ٢٠٢٥
السلام عليكم حبيبتي، لا ابدا الموضوع مش تافه، ولا مرة لازم نستهين بمشاعرنا تمام؟ انت ذكرتي انك صارحتي امك بالموضوع صح؟ كيف كانت ردة فعلها؟ كمان صرخت بوجهك؟ كيف علاقتك بأبوكي؟ كيف تعاملو معكو؟ كيف علاقة امك بأبوكي؟
تم النشر الاثنين، ٢ يونيو ٢٠٢٥
لعرض السؤال في فدني اضغط هنا