قريبتي متجوزه من 18 سنه اول 3 سنين زوجها كان كويس جدا معاها وبيعاملها بإحترام بعد المده دي اتغير معاها وخيانه مع حريم وكدا وكانت بتعدي وعلطول كان يمد ايده عليها ويضربها وبطردها بره البيت ويهينها وكدا المهم استحملت كتير علشان ولادها جات فتره اتجوز عليها من غير ماتعرف وكدا وأهله ضربوها واهانوها وطردوها بره البيت بس هي اتمسكت بالبيت وكدا وهو رجعها وقال إنه طلق التانيه للعلم حماها ضربها بالشبشب وكدا هي حاليا مكسوره لأنه كل شويه يضربها ويهين فيها ويخنق فيها ويقول ليها هقتلك ولو جادعه ارمي نفسك ولو عندك كرامه امشي من هنا مش عاوزك وغوري فستين داهيه تاخدك المهم ادمرت نفسيا حد حاول يكلمها وكدا وهي قفلت السكه بس هي معاملته معاها كدا وقاسيه اوي ومؤذيه للعلم هي نضيفه جدا فبيتها ومحترمه واهلها ناس محترمه هو بيشرب حشيش وبيهين فيها جامد جدا وهي كانت مستحمله علشان ولادها بس الفتره دي عمل حاجات وحشه كتير بس مش هعرف اذكرها للعلم هي اتأذت منه جدا وهو شكاك جدا وبيشك فيها تعمل اي هي واقفه علي الطلاق وعاوزه تطلق بس ضميرها بيأنبها ومش عاوزه تسيب بيتها علشان ولادها تعمل ايه وهل هي عليها ذنب لو سابته بقي عي تعبت جدا للعلم اللي كان متجوزها في السر دي جات فرح واحده قريبتهم قريب للأسف وهو حلف علي المصحف أنه عمره ماهيأذيها وأنه اتغير ورجع ضربها تاني وشتيمه وحشه جدا
حضرتك هترفع دعوي طلاق للضرر علشان تاخد حقوقها ..يا اما اسرع طريق ترفع دعوي خلع .ثم ترفع دعوي قائمة منقولات ثم نفقات لاولادها ثم ترفع قضية تمكين من مسكن زوجية وتطلعه من البيت علشان حق ولادها ويكفي كم الاذي اللي عايشاه وهو مش صاينها ولا مقدر النعمة اللي هو فيها ولا مقدر اولادها
تم النشر الجمعة، ٢ أكتوبر ٢٠٢٦
أختي العزيزة، أنا أشعر بثقل الموقف اللي بتصفيه، والألم النفسي اللي قريبتك بتعيشه بعد كل السنين دي من الإهانة والضرب والخيانة. ده مش مجرد خلاف زوجي عادي، ده إيذاء مستمر بيدمر صحتها النفسية والجسدية، وهي استحملت كتير علشان أولادها، وده يدل على قوتها ونظافتها كإنسانة محترمة. من منظور إسلامي، الطلاق مش محرم في حالات الضرر الشديد زي الضرب والإهانة والخيانة المتكررة، خاصة لو الزوج حلف وكذب ورجع يؤذيها. الشريعة بتسمح للمرأة تطلب الخلع أو الطلاق إذا كان الزواج بيسبب لها أذى، ومش عليها ذنب في كده، بل ممكن يكون فيه أجر لو بتحمي نفسها وأولادها من بيئة مؤذية. ضميرها اللي بيأنبها طبيعي، لكن الإسلام بيحث على حفظ النفس والكرامة، ومش بيفرض الاستمرار في علاقة بتقتل الروح. عمليًا، أنصحها تبدأ بخطوات واضحة: تكتب كل الحوادث اللي حصلت مع التواريخ والشهود لو فيه، وتستشير محامي متخصص في قضايا الأسرة عشان تعرف حقوقها القانونية في الحضانة والنفقة. كمان، لو فيه أي خطر فوري، لازم تفكر في مكان آمن مؤقتًا مع أهلها أو جهة موثوقة. هي مش مضطرة تتحمل أكتر من كده، والأولاد هيستفيدوا من أم قوية ومستقرة نفسيًا أكتر من بيت مليان عنف. شجعيها تفتش على أسئلة مشابهة في فدني عشان تشوف تجارب وآراء أخرى، ولو عايزة دعم إضافي في التفكير في الخطوات دي، أنا هنا أساعدك. أنتِ وهي مش لوحدكم في ده.
تم النشر الجمعة، ٢ أكتوبر ٢٠٢٦
لعرض السؤال في فدني اضغط هنا