مش عارفه حل مشكلتي الغريبه دي
دلوقتي انا اتعرفت على واحد وبقينا اصدقاء حلو جميل اكتشفت أنه ملزق جدا بشكل مش طبيعي حرفيا دا لو معندوش دم كان حس
المهم الولد ده انا اكبر منه احنا اصدقاء عادي بيبعتلي في اليوم اكتر من 100 ماسدج ممكن تقريبا في الدقيقه مش في اليوم لو اتأخرت شويه يفضح الدنيا ويدخل لصحابي كلهم واحد واحد بيسألهم عليا
وهما يطمنوه ويقوله اهدأ اكيد نايمه
ولو صوره البروفايل اختفت بتاعتي يفضح الدنيا
ولو مردتش علي العشروميت مسدج الي بيبعتهم في الدقيقه يدخل برده لكل أصحابي يقولهم هي فلانه زعلانه ولا ايه ونبي ومعرفش
المشكله أنه مضيفه وانا بكلمه ببرود علشان بيطلع يبعتلي لأن انا عارفه لو مردتش هيروح لصحابي واحد واحد يسأله عليا
ولو عملت بلوك برده نفس الموضوع هيروح لصحابي واحد واحد برده
طب اعمل ايه دلوقتي اللي هيقولي مترديش والله برد مرتين في اليوم تقريبا دا بيبعتلي عشروميت ماسدج اقسم بالله
نفسي يحس بقا ويبطل يبعت لو بلكته هيدخل لصحابي
الحل انك تقولى انك بطلتتى يكون عندك صحاب ولاد واى حد من صحابك يقول نفس الكلام وتعمليله بلوك من كل مكان وخلى بالك عشان باب التعارف والصحاب مع الجنس الاخر ده هيحدف عليكى ملزقين وغير اسوياء وناس اشكال والوان ومش هتعرفى من الاول انهم مش داخلين بهدف صحاب ..فاقفلى الباب ده احسن كتير ليكى
تم النشر السبت، ٢٦ يوليو ٢٠٢٥
السلام عليكم، هو أصلا مفيش حاجة اسمها أصحاب بين ولد وبنت. لو انتِ مسلمة فربنا واضع لنا حدود بين الجنسين المفروض لا نتخطيها عشان لا نغضب ربنا ولا نعاني من المشاكل الكتير اللي بتحصل بعد كده من العلاقات دي مهما كانت في ظاهرها أو في بدايتها لطيفة وبريئة ومحترمة. خليك واضحة وحطي حدود. اعملي له بلوك لأن ده الصح. عرفيه إنك هتمسحيه وتلغي الصداقة عشان عرفتِ إن الموضوع ده حرام، وإنه يا ريت ميسألش صحابك عليك. واقفلي على كده وركزي في حياتك ويا ريت تعملي حدود واضحة وصارمة مع الأولاد عشانك أولا وعشان محدش منهم يتجاوز الحد أو يؤذيك نفسيًا أو عاطفيًا بأي شكل. تحياتي.
تم النشر السبت، ٢٦ يوليو ٢٠٢٥
حاولي تفهميه إنك مش حابه الموضوع يستمر وانك مش عايزه يكون ليكي أصحاب من الجنس الاخر وده مش عشان تسبيه بس ولكن عشان ده الصح وإللي لازم يحصل يا جميله وحاولي تفهميه انك لو بعدتي ميروحش يكلم أصحابك وإن الموضوع ده مزعج ليكي
تم النشر الاثنين، ٢٨ يوليو ٢٠٢٥
مقدرة اللي انتي فيه عامة وشعورك بالإزعاج وممكن الضغط من الموقف، انا مش عارفة سنك كام عشان أقدر سنه هو كام ونشوف مع بعض هل سلوكه ناتج عن صغر سنه وقلة نضجه ولا تعلق مرضي، غير محتوى الرسائل اللي هيفرق في التقييم هل بيهدد بإيذاء ذاته لو بعدتي عنه؟ هل جربتي تعرفيه بشكل مباشر أن الرسائل الكتير بتسبب لك ازعاج وانك عايزاه يقلل التواصل أو يبعت بالقدر المعقول؟
تم النشر السبت، ٢٦ يوليو ٢٠٢٥
وهو عارف صحابك ليه ويكلمهم وعارفك انتى ليه اصلا .. واى اصلا اللى بيتحكى ده هى وصلت بينا لغايت هنا ... لا حول ولا قوة الا بالله العلي العظيم...اتقى الله ف الموضوع كله اصلا مش عشان هو ملزق وبس اعملى بلوك وصحباتك كمان يعملوا نفس الشى
تم النشر السبت، ٢٦ يوليو ٢٠٢٥
ابعتيله رسالة تختمي بيها العلاقة وخليه يبعت لصحابك قولي لهم مليش دعوة .. والعلاقات دي ما منهاش فايدة
تم النشر الأحد، ٢٧ يوليو ٢٠٢٥
ملزق ومش طيقاه خليكي صريحه وقوليلوا مش عايزه اعرفك تاني وياريت تعملي بلوك و متكلمش حد من صحابي واعملي بلوك وانهي العلاقه ولو دخل لحد من صحابك خليهم يعملوا ليه بلوك
تم النشر السبت، ٢٦ يوليو ٢٠٢٥
بلوك و اثبتي ع كلمتك ده لو انتي بجد عايزة تقطعي علاقتك بيه ساعتها مش هيفرق معاكي صحابك او مشاعره او غيره مسيره يتعود .. هتيها في وشه كده لو فكر يواجهك : بقولك اي يا فلان انت معملتش حاجة غلط بس انا مش طايقاك و بس اقفلي ... غير كده لعبة و بمزاجك و نصيحة ابعدي عن الولاد لان الاشكال اللي بتمشي مع بنات المفروض منتجوزهاش ولا نعرفها اصلا ولا اي ولد عموما
تم النشر الأربعاء، ١٣ أغسطس ٢٠٢٥
لعرض السؤال في فدني اضغط هنا