السلام عليكم
انا في العموم مش بجب احكي مشاكلي لحد او بمعنى تاني مش عندي حد احكيله مش هتفرق
انا ماما مش بتحبني ايوة والله ماما مش بتحبني وفي منكم هيقولي مافيش ام مش بتحب عيالها هي ماما مش بتحبني
انا ماما بتحب اخويا اكتر مني وبتحب بنت خالتي اكتر مني يعني مثلا مثال اني كنت السنة الي فاتت ثانوية عامة وكنت حرفيا بقطع نفسي مذاكرة وكله كان شايف حتى هي كانت شايفة وبنت خالتي أكبر مني بسنة يعني كانت ٣ث قبلي كانت بتخليني اقوم الفجر اعملها قهوة علشان تعرف تركز
والله ما كنت بقول حاجة علشان بحبها لكن انا لما دخلت السنة دي كنت انا برده الي بطلعلها قهوة الفجر هي دخلت علوم صحية عمري ما لقيت اهتمام منها بينا علطول خالتو قاعدة معانا تحت هي وبنت خالتي وابن خالتي لكن أيام بنت خالتي البيت بتاعهم كان ساكن كان هادي اكمنهم بيتهم فوقنا كانت بتطلع تقعد لوحدها
ما لقتش الاهتمام الي كنت بشوفه مع بنت خالتي كانت ماما اهتمامها بيا فلوس الدروس
معلومة انا والدي مش موجود وانا والله مقدرة تعبها كله معانا بس الواحد بيتعب او ممكن نقول بيجيب آخره المهم روحت انا جيبت مجموع وحش ودخلت خدمة اجتماعية ماما ما قلتليش حاجة غير انك ضيعتي حلمي ومش هعرف أوري وشي للناس
الموضوع عدى خلاص انا اخويا في أولى اعدادي دلوقتي كل شوية تقعد تقولي اخوكي شاطر ازاي اجي اشرح حاجة لاخويا تقعد تقولي هو انتي فاهمة حاجة اطلع لفلانه الي هي بنت خالتي بتخاف عليه اكتر مني كل شوية تقعد تقوله انا بحبك اوي انا ربنا عوضني بيك
وعلشان ما ازعلش تقولي انا بحبك نزلت شغل انا وبنت خالتي في يوم بنت خالتي كان وراها كلية ومش هتعرف تروح الشغل بتاعها لقيتها قالتلي اطلعي ساعة بدري من شغلك وروحي شيلي اختك على علم اني كمان كان ورايا كلية وطالعة من البيت الساعة ٧ الصبح وروحت شغلي وطلعت على شغلها
وماما لقيتها اتصلت عليا في نص اليوم قالتلي رني عليها قولي لها ما تجيش علشان هي تعبانة وكملي انتي اليوم وروحي مردتش قولتها حاضر مروحة يوميها الساعة ٨ بليل مع ان بنت خالتي كان كليتها الساعة ١١ مش هقول حاجة بس محدش قالي حتى شكرا معلشي انتي تعبتي لاء عادي انا عبدة ودا واجبك وكل شوية ماما تقولي انتي قاسية ويارتني ما جيبتك انا تعبت اوي اعمل اي
وعليكم السلام ورحمة الله يا حبيبتي، حزنك واضح ووجعك حقيقي. كلامك مؤلم وأنا آسفة إنكِ بتمرّي بكده. خليني أوقف معاكي خطوة بخطوة وأديك نصايح عملية وداعمة تقويكي وتساعدك تتعاملي مع الموقف. أولاً — اعتبار مشاعرك صحيحة - اللي بتحسيه طبيعي ومبرر: الإهمال أو المقارنة من الأم بتجرح جداً. مش غلط إنّك تزعلِي أو تزعلِي من كلامها أو تصرفاتها. مش لازم تتحمّلي الإهانة بصمت. - حاولي ما تلومي نفسِك. حب الأم ما يكونش مقياس لقيمتك أو نجاحك. أفكار عملية للتعامل اليومي مع أمك 1) قلّلي توقعاتك الواقعية منها - لما نقّص التوقعات، الألم يقل. مش لازم تكوني علاقتها هي مصدر تحديد قيمتك. 2) حطّي حدود بسيطة ومحترمة - لما تتعرضي لعبارات جارحة قولي رده قصيرة وثابتة: "الكلام ده مؤذي وأنا مش هسمح إنه يتكرر." أو "أنا مش هتكلم دلوقتي لو هتتعاملي معايا بالشكل ده." 3) لغرض تواصل أفضل: استخدمي "أنا" بدل "أنتِ" - مثال: "لما بتتقولي كلام زي كده بحس إني مجروحة ومش قادرة أركز. محتاجة دعم بدل النقد." هذا أسلوب أقل تصادماً ويقدر يوصل مشاعرك بدون جعْل الطرف الآخر يدافع. 4) اختاري وقت مناسب للحوار - لما تكون هادئة وطبيعية، طلب لقاء قصير: "ماما ممكن نتكلم دقيقة؟ في حاجة مضايقاني وحابة أشرحلك." جهزتي نقاط بسيطة قبل الكلام. التعامل مع المحسوبية والمقارنات - حاولِي تقليص المقارنة: لما تشوفي أمور بتتكرر زي تدليلها لأخيك أو بنت خالتك، قولي لنفسك: "مش كل حب واضح، وبعض الناس بتعبّر بطريقة مختلفة." لكن هذا لا يعني قبول الإساءة. - بدل ما تحاولي تحصلِي على محبتها بالإثبات المستمر، ركزي على بناء حياتك وأهدافك؛ النجاح والهدوء النفسي هما أقوى رد. تقوية نفسك نفسياً وعملياً - سجلي إنجازاتك الصغيرة يومياً في ورقة؛ حتى خطوات بسيطة (صحيتي بدري، خلصتي جزء من مهمة) بتقوّي الإحساس بالاستحقاق. - اشتغلي على هدف عملي/تعليمي بسيط قصير المدى — ده يمنحك استقلالية وثقة. - فكري في دعم مهني: استشارة مختص نفسي أو مدرّبة حياة تساعدك ترتيب أفكارك وخططك. تلاقيهن على صفحة الخبراء في فدني https://www.fedni.net/experts من المنظور الإسلامي - ادعي ربنا وصلي لراحة قلبك؛ الدعاء والذكر يساعدان على تهدئة النفس ويزيدان الصبر، لكن أيضاً لا نعوّض العمل بالدعاء فقط — نطلب القوة والعلاج العملي معاً. - احترمي أمك قدر المستطاع، لكن الاحترام لا يعني السماح بالإهانة. جمل جاهزة ممكن تستخدمينها عند المواجهة - "أنا بحبك، لكن الكلام اللي بتقوليّه بيجرحني. محتاجة احترام." - "أنا مش هقدر أتحمل النقد المستمر. لو الموضوع مستمر هآخذ مسافة بسيطة لحين ما أرتب نفسي." - لو ما تقدَّرش الكلام: فكري تكتبي لها رسالة أو رسالة صوتية عشان تعبرِي بدون انقطاع. - برضه أنصحك تبحثي عن أسئلة مشابهة على فدني ممكن تلاقي إجابات وتجارب ناس تانية. في النهاية: مش لازم تعيشي على أمل إنها تتغير. قيمتك داخلك، وأنتِ تستاهلي احترام وحياة هادية.
تم النشر الأحد، ٩ نوفمبر ٢٠٢٥
بصي الحاجة الاكيد ان مامتك والله بتحبك جدا وانا اضمنلك دا وانا مش هقول كدا غير وانا متاكدة لاني كنت كدا مع والدتي وكنت بقول زيك كدا دا هي بتكرهني لانها كانت شديدة معايا جدا بس اللي عرفته بعد كدا انها كانت بتمر دايما بايام صعبة وانها اللي شايلة البيت رغم وجود والدي بس كان مشيلها فوق طاقتها ف كانت بتطلع تعبها فيا لدرجة ان في مرة كانت متخانقة معاه فجت بتكلمني راحت مسكتني من رقبتي وحرفيا كانت هتموتني في حاجة عملت صوت في زوري سحبتني وهي انهارت جمبي وبقت بتعيط بهستيرية وبتعتذر مني وانا مكنتش فاهمة في اي عرفت بعد كدا انه بسببه انا بقولك دا ليه دلوقتي؟ علشان والدتك بتمر بنفس الظروف دي دلوقتي الضغط كله عليها الناس كلها مستنية تشوف تربيتها وتشوف عيالها فهي مضغوطة نفسيا ويكمن ماليا وحاسه دايما انها مراقبة من الناس فكان نفسها تشوفك علي الاقل بتنجحي واما بالنسبة لمجموعك ف دا اللي ربنا كتبه ليكي وانتي لازم ترضي بيه نصيحة لو عايزة ترجعي تفرحيها اجتهدي في الكلية لغاية ما تكوني دكتورة في الجامعة ان شاء الله اشتغلي علي نفسك -ونصيحة اقعدي مع ماما واتكلمي معاها وطلعي كل اللي في قلبك من ناحيتها بانكسار وحزن مش بهجوم واتهام قوليلها انا نفسي نبقي صحاب ونتكلم مع بعض وان شاء الله خير لكن الاهم انها والله بتحبك
تم النشر الخميس، ١٣ نوفمبر ٢٠٢٥
عليكم السلام بس اكيد امك بتحبك اكثر من بنت خالتك بس هي كانت متوقعه ان انت تجيبي مجموع كبير بس ما حصلش نصيب ممكن الكلام هيكون وحش بس هي بيبقى قصدها اللي انت تنجحي في حياتك عارف ان ممكن يكون قاسي شويه لما حد يكلمنا كلام وحش على اساس ان احنا نستفيد منه وننجح بس في ناس طريقتها كده اما حكايه اللي انت تساعدي الناس وما حدش بيساعدك فده هيرجع لك في الاخر وربنا هيعوضك انت ما انتيش وحشه وفي الاول وفي الاخر امك بتحبك لان هي امك لان ملهاش الا انت واخوك باباك مش موجود فهي عايزاك تبقى احسن واحده في الدنيا بس الطريقه ممكن تبقى قاسيه شويه
تم النشر الاثنين، ١٠ نوفمبر ٢٠٢٥
حبيبتي اقولك حاجه اولا انتي مش مطالبه دايما تساعدي بنت خالتك ارفضي عادي ما تجيش علي نفسك عشان حد أما انك ربنا يهديها وكمان وجهيها باللي حساه
تم النشر الخميس، ١٣ نوفمبر ٢٠٢٥
انا متشكرة جدا لحضرتك على كلامك
تم النشر الاثنين، ١٠ نوفمبر ٢٠٢٥
لعرض السؤال في فدني اضغط هنا