انا شاب عندي 21 بدرس في معهد عالي نظم ومعلومات اداريه وتخصصي في صنايع الكترونيات وحاسبات اربع سنين، المهم انا كان ليا حلم اني اخش بعد اعدادي ثانوي واجتهد فيها واخش علمي علوم لأني بحب تخصص علوم الفضاء جدا جدا وعايز اطلع منه عالم او باحث في مجال الفضاء اللي خلاني مخشش مشاكل نفسيه وانا طفل،
وان اصلا كان في حل انه آخد منازل واخش ثانوي عادي بس الاهل كانو مشكلتي وقفوا قدام حلمي ودخلوني المدرسه والمعهد اللي هم اختاروها وكانو شايفنها بالنسبه ليهم انها كويسه ودا مستقبل وانا كابن بار مبحبش اقول لأ ولا ارفض لأهلي طلب كنت بوافق وانا مكسور لأني مدخلتش المكان ولا تخصصت في المجال اللي بعشقه
وصل بيا الحال ان وانا في فتره المعهد اخد معظم مشاكل وكاله ناسا اللي نفسي ازورها وقعدت احل في معظمها وكانت صعبه جدا وكل ما الاقي حل لمشكله يطلع عشره والاقي حل لمشكله من العشره يطلع 100 وهكذا المهم اني كنت مبسوط حتي وانا بفشل في دا لأني حابب التخصص والمحاوله في وعمري ما اتنكس ولا ازهق منه
كنت بنجح في مشاكل ومشاريع صغيره عندهم بالعافيه بس ثقتي القليله بنفسي اللي بسبب اهلي اللي مكانوش مؤمنين بيا خلتني كنت خايف ان انا غلط او ممكن انا مش قد الحلم او مهما حاولت هفشل بردو لأن كان غيري اشطر وكان نجح لأنه اشطر مني مع اني كنت بطلع من الاوائل بس ربنا يسامح اهلي بقا
فالمهم كنت عايز بس اعرف هل انا بعد ما أخلص جيشي اللي مدته سنه هل لازم ارجع ثانوي واجتهد تاني لحد ما اطلع من مصر ناجح ومعايا ماجستير ودكتوراه واطلع بره ببعثه ودي نادرا او اطلع انا برا واقدم شهاداتي واخد برا اني باحث وتعمقت في التخصص واعمل ابحاث ومقالات واكتشافات لأنهم برا بيخلوك تتعمق وتفهم اكتر من انك تبقا في مصر وكمان المعدات والمراصد والاجهزة المساعده هناك انضف من مصر اللي مش موجوده فيها اصلا،
واحل اكبر مشاكلهم وتنجح وتتعرف برا ويختبروك برا وتنجح بعد عذاب وتتقبل وتشتغل في اكتر مكان كان نفسك تروحه في حياتك وبتحلم به من وانت طفل دا بعد زياره بيت الله الحرام طبعا فكنت عايز اعرف هل لازم ارجع لثانوي ولا في طريقه اسهل طبعا الي بعد ثانوي اللي هو الشهاده والدكتوراه والباحث والدنيا دي دا الحل الوحيد انا بتكلم بس في ان هل في حل غير الثانوي ولا لازم واتمني حد يفدني بجد عشان مش عايز اضيع عمري اكتر من كدا وشكرا ليكم على حسن الاستماع...
أهلا بك، أول حاجة أشكرك إنك شاركتني حلمك ده، وأنا فاهمة تماماً اللي جواك.. الإحباط من قرارات الأهل، والشغف اللي مش قادر ينفجر، والثقة اللي اتزعزعت شوية، بس. أنت مش فاشل أبداً، بالعكس، إنك حليت مشاكل لناسا ومستمر رغم الفشل ده دليل إن عندك موهبة حقيقية في علوم الفضاء. الحلم ده مش هيضيع، وفي طرق أسهل وأذكى من إعادة الثانوية كلها، خاصة إن تخصصك في الإلكترونيات والحاسبات ده بوابة ذهبية لمجال الفضاء ! الطريق العملي خطوة بخطوة (بدون إعادة ثانوية): أنهِ دراستك وجيشك أولاً : خلص المعهد بتاعك بنجاح عالي، ده هيبني ثقتك ويفتح أبواب. الجيش هيخليك أقوى نفسياً، وفكر فيه كـ"تدريب عسكري" زي رواد الفضاء! استغل تخصصك الحالي كقاعدة قوية : مجال الفضاء (هندسة فضاء، فلك) محتاج خبراء إلكترونيات وحاسبات زيك للأقمار الصناعية، الروبوتات، التحليلات. مش لازم "علمي علوم" بس. قدم على جامعات مصرية زي عين شمس أو القاهرة أو الإسكندرية في هندسة إلكترونيات/حاسبات مع تركيز فضاء ، أو برامج انتقال من دبلوم للبكالوريوس (سهلة بعد المعهد). ابني خبرتك بنفسك (الطريقة الأسرع للخروج بره) : دورات مجانية/مدفوعة رخيصة : ابدأ دلوقتي بـ Coursera/edX/MIT OpenCourseWare في "Astrophysics"، "Spacecraft Dynamics"، "NASA JPL courses". خد شهادات من Google أو NASA (مثل "Introduction to Satellite Communications"). مشاريع عملية : اعمل مشاريع صغيرة زي بناء نموذج صاروخ بسيط أو تحليل بيانات ناسا بـPython (رفعها على GitHub). شارك في مسابقات زي NASA Space Apps Challenge أو ESA competitions – دول بيفتحوا أبواب بعثات. أبحاث ومقالات : اكتب مقالات عن حلولك لمشاكل ناسا، انشرها على ResearchGate أو arXiv. ده هيخليك "باحث" حقيقي بدون دكتوراه فوراً. الخروج بره (بعثات أو وظائف) : بعد البكالوريوس (2-3 سنين)، قدم على برامج ماجستير في أمريكا/أوروبا/الإمارات (زي UAE Space Agency) عبر Fulbright أو DAAD أو Chevening. تخصصك + مشاريعك هيقنعوهم أكتر من الشهادة لوحدها. ابدأ بشركات مصرية (مركز بحوث الفضاء)، ثم انقل بره. الإمارات والسعودية بيبنوا برامج فضاء كبيرة دلوقتي، ومحتاجين إلكترونيات زيك. نصيحة نفسية سريعة: أنت مش "غلط" ولا "مش قد"، اللي حواليك بس مش شافوا الجوهرة جواك. ابنِ ثقتك يومياً: اكتب 3 إنجازات يومية (حتى لو حل مشكلة صغيرة)، وادعي ربنا "رب زدني علماً" كل صلاة. الصبر مفتاح الفرج، وأنت عندك الإصرار ده – هتنجح إن شاء الله! 🌌💪
تم النشر الأربعاء، ١٤ يناير ٢٠٢٦
ربنا يوفقك يارب .. أهم حاجة وانت بتبحث عن أي حد أو جهة معينة تفيدك خد بالك من النصب، أماكن كتير موجودة مسميين نفسهم أكاديمية أو معهد أو مركز دولي أو أو ، ويبهرك بالشهادة اللي هتاخدها ووو وهما نصابين في الآخر. فركز كويس وانت بتاخد أي نصيحة من أي حد. ربنا يوفقك
تم النشر السبت، ١٧ يناير ٢٠٢٦
افضل طريق هو طريق المطار ... و بجد مش.تهريج
تم النشر الخميس، ١٥ يناير ٢٠٢٦
لو انت ضامن من ثانوي انك هتحققه فدوس لو ممكن من السفر اكتر دوس لان ده مستقبلك القرار قرارك لو صعب فاحنا هنا مجرد آراء وممكن تستخير ربنا وأمسك ورقه وقلم وحط كل الخيارات والطرق قدامك وحدد اللي مستحيل واشطب عليه لحد ما يتبقى حاجات بسيطه تقدر تختار منها وانت اصلا مستعد لو رجعت ثانوي تضيع سنين الدراسه والكليه من جديد
تم النشر الجمعة، ١٦ يناير ٢٠٢٦
ممكن تسأل شركه متخصصه في المنح الدراسية ممكن يفيدوك في ده
تم النشر الخميس، ١٥ يناير ٢٠٢٦
استخير وإن شاء الله ربنا هيوجهك + الشكر لله
تم النشر الخميس، ١٥ يناير ٢٠٢٦
من رأيي انك تاخذ الدكتورراة والكلام ده لانو هيخلى ليك تقدير اكتر وبعد ما تخلص سافر وحاول تدخل المجال الى انت عايزه باللى معاك أو ادخل منحه لانو ممكن تتقبل لأنك شاطر أنا معنديش خبره في المواضيع دى بس حبيت اقولك فكرتي بس اقولك حاجه على فكره انت ماشاءالله الله عليك باين عليك ليك مستقبل فا خليك واثق فى نفسك ومتبصش لفشل غيرك أو انو كان عنده وعنده وفشل فا دى كلها احباطات فكر فى حلمك اهم حاجه وربنا يوفقك يارب ويسهل عليك الطريق.
تم النشر الخميس، ١٥ يناير ٢٠٢٦
تعلقك بحلمك واكتشافك لشغفك وذاتك دي كفيله بجد ولأنك عارف انت عايز اي تقدر تتعمق في الموضوع يعني مثلا تشوف اكاديميات بيقدموا الموضوع زي الكليه وبشهاده معتمده أو تشوف منحه وتسافر بره لو مؤهل لده وتشوف مستقبلك ولو عطلت معاك ممكن تاخد كورسات بشهادات معتمده زي موقع معارف عليه كم كورسات مهووول في كل المجالات والشهاده معتمده والموقع مجاني وغيره كتير فالحقيقه انت دور وشوف لو كتبت ع اليوتيوب الموضوع هتلاقي آلاف بيتكلموا عنه وإن شـاء اللّٰـه تلاقي حد يحطك ع اول الطريق
تم النشر الخميس، ١٥ يناير ٢٠٢٦
سافر وابدأ من برا احسن على الاقل هتلاقي لمجهودك نتيجه ويمكن انت شايف ان الي اهلك عملوه دا ظلم ليك بس انت متعرفش الخير فين ممكن ربنا كتبلك حاجه احسن من اللي انت بتتمناها كمان ربنا يوفقك ويكتبلك اللي فيه الخير
تم النشر الأربعاء، ١٤ يناير ٢٠٢٦
الحل الأفضل من رأيي انك تسافر برا مصر
تم النشر الأربعاء، ١٤ يناير ٢٠٢٦
@Asmaa Shaban بتكلم في فكره ان لو حد يفهم في الموضوع دا ويعرف جها معينه او مكان بدل ما اضيع وقت في ثانوي يقول، مفيش خلاص مضطر اخش ثانوي مع ان الطريق هيبقا كبير ومقرف جدا بس كلو يهون وربنا يوفق لكل مجتهد نصيبه
تم النشر الجمعة، ١٦ يناير ٢٠٢٦
@نجمه 💗 متشكر علي الكلام الجميل دا +المشكله ان الكلام اسهل من الفعل ومن الصعب تلاقي المضمون والي يضمنلك ان عمرك مضعش هدر في مكان مش مناسب في ظل النصب والاماكن الي مش موثوقه فالخوف كله من ان الواحد معندهوش العمر كله ولسا في مجالات كتير وتخصصات وحاجات الواحد عايز يتعلمها بسبب انه ضيع جوهر عمره في حاجه الله اعلم كانت مفيده لي ولا لأ .. إن شاء الله خير
تم النشر الخميس، ١٥ يناير ٢٠٢٦
@Asmaa Shaban المشكله انه في مليون مكان ورأي وانا مش عارف انهي الاضمن مش عايز اضيع عمر اكتر من كدا الصراحه مع ان معنديش مانع بما انه في سبيل اني إن شاء الله اوصل
تم النشر الخميس، ١٥ يناير ٢٠٢٦
@salma momen يارب+عايز اعرف بس الوجهة الصح عشان تايه جدا وفي مليون مكان ورأي ومش عارف انهي الاضمن
تم النشر الخميس، ١٥ يناير ٢٠٢٦
@asmaa .... مش بالسهوله دي الحل افضل اكيد بس بتكلم على ان لازم اخش ثانوي ولا مش لازم عشان خايف اضيع سنين على الفاضي فمحتاج الي يوجهني صح
تم النشر الخميس، ١٥ يناير ٢٠٢٦
مشكر لأي حد يرد بإجابه مفيده
تم النشر الأربعاء، ١٤ يناير ٢٠٢٦
لعرض السؤال في فدني اضغط هنا