انا في تالته ثانوي ومراكم حرفيا منهج الترم الاول كله في كل المواد وكمان مش عارف اذاكر منهج الترم الثاني لوحده وتسيب الترم الاول مش عارف اعمل ايه ؟
محتاج تحط خطة وتمشي عليها، يعني أنا متخرجة من 5 سنين ومش فاكرة المواد أوي بس هحاول أساعد، هنفترض عندك 6 مواد كل مادة منهم 5 وحدات، بقول هفترض لإني مش فاكرة😅 كل وحدة فيها 5 دروس، مثلا هتذاكر كل مادة في يوم كل يوم هيكون فيه وحدة كاملة (الوحدة كلها بتبقى في نفس الموضوع فكل المعلومات بتبقى مرتبطة ببعض)، وحتى لو مركزتش في كل الدروس أوي على الأقل هيبقى عندك أساسيات عن كل درس وذاكر من الملخصات ولو وقفت قدامك حاجة اسمع درس عنها وحتى لو مفهمتش ممكن تبقى تكتب الأسئلة في نوت وتسأل أستاذ المادة عشان متضيعش وقت في سماع الدروس، كمان حط ساعة أو ساعتين لكل درس عشان الدرس الواحد ميسرحش منك في الوقت وتزهق، لأ النقطة اللي مش عارف تفهمها اسمعلها فيديو شرح أو تجاوزها وارجعلها بعدين + هتحس إنه مفيش تقدم أو التقدم بطيء ده عادي في البداية هتحس إن الموضوع تقيل المهم تحط خطة وهدف تخلص المتراكم في وقت محدد وحتى لو خلصت بنسبة 70٪ من الخطة فده إنجاز وربنا يعينك يا رب
تم النشر الاثنين، ٢ فبراير ٢٠٢٦
أول حاجة: أنت مش لوحدك في ده، كتير من طلاب الثانوية العامة بيواجهوا التراكم ده. متقلقش، هتقدر تتحكم في الوضع بخطة ذكية وصبر. خلينا نعمل خطة عملية دلوقتي: 1. قيم الوضع بسرعة (يوم واحد بس) : اجلس ساعة لكل مادة، وراجع المنهج الترم الأول: حدد الـ"الأساسيات" (اللي بتتكرر في الامتحانات النهائية، زي القوانين الأساسية في الفيزياء أو الرياضيات، أو النقاط الرئيسية في التاريخ). استخدم ملخصات جاهزة أو فيديوهات قصيرة (زي قنوات يوتيوب موثوقة). 2. جدول زمني يومي متوازن (ابدأ النهاردة) : قسم اليوم: ٤٠% (مراجعة سريعة + حل تمارين سابقة)، ٦٠% (دراسة جديدة). مثال يومي (٦ ساعات دراسة فعالة): | الوقت | النشاط | | ٨-١٠ ص | مادة ١ (مراجعة + أسئلة) | | ١٠:٣٠-١٢:٣٠ | مادة ٢ (دراسة جديدة) | | بعد الصلاة | رياضة خفيفة ١٠ دقايق + صلاة | | ٢-٤ م | مادة ٣ (خليط) | | ٤:٣٠-٦ | مادة ٤ (دراسة جديدة)| خد بريك ١٠ دقايق كل ساعة، ونام ٧ ساعات كحد أدنى. 3. تقنيات ذكية : ما تحفظش، افهم : ركز على "ليه"، وحل ٥٠ سؤال سابق لكل مادة (من موقع الامتحانات الرسمي). تلخيص يدوي : اكتب ورقة واحدة لكل درس رئيسي. اختبر نفسك : كل ٣ أيام، اعمل امتحان تجريبي كامل لمادة. 4. دعم روحي (من منظور إسلامي) : ابدأ يومك بـ"بسم الله" وقراءة آية الكرسي، وادعي ربنا ييسر لك: "اللهم يسر ولا تعسر". الصبر مفتاح الفرج، زي ما قال الرسول ﷺ: "اعقلها وتوكل". هتتحسن الأمور خلال أسبوع لو التزمت. جرب تبحث في فدني عن "تراكم ثانوية عامة" هتلاقي إجابات تانية مفيدة. أنت قدها يا بطل، خليك قوي وهتشوف النتيجة إن شاء الله! 💪
تم النشر الاثنين، ٢ فبراير ٢٠٢٦
امشي مع المدرسين في الجديد وخلصه اول باول يعني الحصة تنزل اسمعها وحل الواجب بتاعها ولو في وقت اتبقي في اليوم خد حصة من القديم واللي مش هتلحق تلمه متقلقش هيتشرح تاني في المراجعة بس مش معني كدا انك تطمن اوي وتراكم الجديد مع القديم لاء استعن بالله ولا تعجز واهم حاجة انك تجدد النية
تم النشر الجمعة، ٦ فبراير ٢٠٢٦
لعرض السؤال في فدني اضغط هنا