مش قادرة ابطل العادة السرية اعمل ايه كل مرة بتوب بس مش بقدر وخايفة اضر نفسي
ادخلي على صفحة واعي واطلب منهم العون والنصيحة هم قادرين على فعلها، ويمكنك أيضًا زيارة المعالج النفسي لمساعدتك في التخلص من ادمانك
تم النشر الخميس، ١٨ مايو ٢٠٢٣
الصيام بيكون حل كويس جدا حاولي تعملي مجهود بدني كبير رياضه مثلا او ما شابه ادعي ربنا كتير ان يعينك ويبعدك عن هذا الذنب حاولي تتحدي نفسك وتنتصري عليها مثلا قولي الاسبوع ده انا هنتصر على نفسي مرتين وفي كل مرة كافئي نفسك بشئ تحبه وبعد فترة زودي عدد المرات حاولي تستشعري ان الموت بيجي في اي لحظه ومحدش يحب يقبض على ذنب زي ده حاولي تستشعري ان الله ينظر اليك ويرام واستشعري عظم من تعصين واستغفري كتير
تم النشر الخميس، ١٨ مايو ٢٠٢٣
محتاجة تقتنعي إن هذه العادة مضرة، وعلشان تعززي الجانب ده أكتر، بأقترح عليكي أنك تبحثي عن أضرار العادة سواء ضررها على الجانب البيولوجي، أو النفسي. ده هيعزز أكتر بعدك عنها، لأنك لازم تعرفي كل الأضرار اللي هتقع عليكي في الاخر منها. الخطوة التانية أنك تبتعدي تماما عن الافلام الاباحية، لأنها هي من المحفزات الأساسية التي تثير عندك الشهوة في عمل العادة. الخطوة الثالثة أنك متقعديش لوحدك كتير، لأن القعدة لوحدك بتخليكي تفكري كتير وممكن تلاقي نفسك بتفكر في هذه الامور، علشان كده سهل جدا أنك تنفذي. عارفة زيها زي مدمن المخدرات لما يقرر يبطل، أوقات بتيجي عليه فترات ضعف وانتكاسات، زي ما هيحصل معاكي، أول حاجه بيعملوها أنهم بيحاولوا يكلموا حد علشان يبقى فيه حد معاهم، وينسوا فكرة الضرب اللي بتيجي. يعني حاولي تشغلي نفسك أول ما تيجي فكرة العادة في دماغك، انزل اجري، اتمشي، كلمي صحابك، اتفرجي على فيلم كوميدي مثلا، اعملي اي حاجه، المهم متسبيش نفسك لدماغك. الخطوة الرابعة هي ان لو فيه وقت فراغ في حياتك، اشغليه بشغل، بعمل تطوعي، بتعليم. اقتلي الفراغ بأي طريقة علشان متسبيش لنفسك وقت للتفكير. انتي ممكن تقعي مرة أو اتنين أو حتى عشرة، ده عادي جدا، متيأسيش بسرعة، ده طبيعي جدا. هتفضلي تقعي وتقومي، هتقعي وتقومي. علشان كده الخطوة الخامسة هي الايمان، مش الايمان بالله وبس، لازم تؤمني بنفسك، أنك هتقدري إنك تكوني أفضل مما أنتي عليه. أتمنى ليك السلامة
تم النشر الجمعة، ١٩ مايو ٢٠٢٣
اشغلى نفسك دايما اول ما تفكرى ف الحاجة دى اعملى حاجة بتحبيها ثانيا صلى دايما و خليكي عل وضوء ثالثا اخرجى أو اعملى اى نشاط أو مجهود حتى لو تلعبي رياضة لو دا جاب نتيجة استمرى
تم النشر الجمعة، ١٩ مايو ٢٠٢٣
بطلي كل مره كأنها الأخيرة وصدقي أنها الاخيره
تم النشر الجمعة، ١٩ مايو ٢٠٢٣
لعرض السؤال في فدني اضغط هنا