السلام عليكم ورحمه الله وبركاته
أنا من الناس اللي ادمنو السجاير وبطريقه شراهيه
ليا اكتر من خمس سنين عليها وحاولت كتير اني ابطل وبقدر اني ابعد عنها بس برضو ف الآخر برجع ليها انا حاليا عندي ١٨ سنه وبادئ اشربها من مده وكنت صغير وللأسف الشديد ملقيتش حد يبعدني عنها خصوصا أن اهلي مش موجودين دايما وبرضو أنا نفسي جدا اني ابطلها لان ماثره عليا نفسيا واجتماعيا وبرضو مش عارف ازاي أبطالها ومش عارف مين مختص ف علاج الادمان دا ومش عارف برضو ازاي هروح عندي خوف اني اروح خصوصا اني مش اجتماعي شويه وم اعرف اني اتكلم مع حد واقوله يساعدني، وبرضو عندي مشكله تانيه مش عارف شرب السجاير هي اللي مخلياني كدا ولا اي أنا ليا وقت كبير برضو حالتي النفسية مش كويسه خالص لدرجه اني دايما بحب اني اكون لوحدي وطبعا حاولت واذيت نفسي كتير زي الكاتنج ورعشه ملحوظه جدا ف ايديا الاتنين مش عارف برضو لو دا كان بسبب الادمان ولا اني اذيت نفسي كتير والله اعلم .
ياريت اي حد عندو حل يقولي هكون شاكر ليكم جدا وشكرا.♥️
ايه هي المشاكل التانية اللي في حياتك واللي مأثرة عليك؟ وهل تعتقد انها بسبب السجائر ولا هي كانت موجوده اصلا، وكنت بتحلها بهروبك للسجائر! وده فيديو ان شاء الله هيفيدك https://www.youtube.com/watch?v=JQMXexi_N-A
تم النشر السبت، ١٣ مايو ٢٠٢٣
للاضافة ابعد عن كل من يشرب السجاءر وكل اكل صحي وخصص مبلغ من الي كنت بتدفعو للسجاير واتصدق وقرب من ربنا وصلي والتزم وساعد اي حد هتكون محبوب واتطور انك تحسن دخلك اشتغل يعني ولو شغال طور شغل علشان يزيد دخلك وربنا يعفو عنك
تم النشر السبت، ٣ فبراير ٢٠٢٤
كل فواكه كتير واشرب مصاصة بدل السجائر جيب علبة مصاصات بدل السجائر والأهم من دا كل فواكه وخضروات واي اكل صحي وكن شجاع طالما انت ماعملتش حاجة وحشة كن جرئ وماتكسفش من طلب المساعدة ، الأهم من دا واللي هيخليك تبطلها فعلا ادعي ربنا كتير جدا انك تبطلها علي الاقل كل يوم دعوة في كل صلاة وأسال الله أن يتوب عليك وأن يهديك الصراط المستقيم وأن يبعد السجائر عنك والتدخين
تم النشر الخميس، ١٤ سبتمبر ٢٠٢٣
لعرض السؤال في فدني اضغط هنا