جت عليا فتره اكتأبت فيها مبقتش بخرج من البيت ديما مخنوق وحاسس بفراغ خسرت كل صحابي ومبقتش اعرف حد واهلي محدش مركز معايا اصلا وفضلت علي الحال ده سنتين ايوا انا نوعا ما كنت ببين لهم اني كويس واضحك وبعد كدا ارجع اتخنق تاني لحد ما وصلت سن 17 سنه حسيت إني ضيعت فتره مهمه من حياتي واني لازم اعمل لنفسي لكن لما جيت افكر ابدا لقيت نفسي لوحدي
ببني حياه لوحدي تماما مفيش صحاب مفيش حد اشاركه مفيش حتى اهل ممكن يخلوني اتكلم معاهم بس انا لسه مستمر بحاول اكون احسن بقيت بنزل بقيت بروح بقيت بعمل بس برضو كل ما اجي اعمل حاجه بقيت بحس اني بعملها بصعوبه بعملها لوحدي ومشاكل بحلها لوحدي بحسها تقيله عليا انا عارف اني مش هقدر اعيش زي ما كنت مش هقدر اعيش في الخنقه و الفراغ ده يعني حاسس اني لما بكمل بتعب ولما بستريح بتعب اكتر مش عارف المفروض اعمل ايه ؟
السلام عليكم ورحمه الله وبركاته. اولا محتاجين نشوف احنا اكتئابنا ليه سنان محتاجين نشوف احنا خرجنا من الاكتئاب فعلا ولا هو موجود واحنا عايشين معاه. لما خسرت كل صحابك خسرتهم علشان انت بعدت ولا علشان انت بقيت شايف انهم ما ينفعوش يكونوا صحابك وبقى ليك يعني اهتمامات اخرى مختلفه عنهم لو انت شايف ان هم ما بقوش ينفعوا صحابك ده معناه انك ممكن تعملوا صحاب جداد طيب فين المساحه اللي احنا بنعمل فيها صحاب جداد دلوقتي. مساله انك بتعمل الحاجه بصعوبه. هنعرف اذا كانت بسبب ان احنا لسه حاله الاكتئاب مكمله معانا ولا لا او ممكن تكون بسبب انك محتاج دلوقتي ان يكون في حد جنبك بيدعمك ومش هيبقى ان انا اقول انا محتاج حد يدعمني فيا جماعه هي اللي في البيت يا اللي ما حدش مركز مع حد انا محتاج حد يدعمني هي مين هيجي يدعمني محتاج ان انا اتكلم عن احتياجاتي واكون واضح فيها جدا وهادي اكثر حاجه ممكن الانسان يساعد بها نفسه ان هو يتكلم على اللي هو محتاجه بالضبط ويطلبه بشكل واضح وصريح.
تم النشر السبت، ٥ يوليو ٢٠٢٥
لعرض السؤال في فدني اضغط هنا