انا تعبانه اوي زهقانه من كل اللي حواليا نفسي اتكلم نفسي حد يحللي مشاكلي نفسي احكي اللي جوايا
سلام عليكم ورحمه الله وبركاته. مقدره جدا يعني كل اللي انت بتتكلمي فيه لانه قرأت التعليقات. سنك صغير 18 سنه واضح انه ما عندكيش خبره اصلا بالحياه الاجتماعيه ولا انك مؤهله انك كنت ازاي تبقي متعايشه في حياه زوجيه وزوج وبيت ومسؤوليه انك لسه جوه الحاله بتاعت انك عندك احتياجات خاصه بسنك الحالي. عندك اجزاء محتاجه تكون متكفيه عاطفيا بشكل كبير وواضح ان اختيارك في الزواج او ممكن يكون مش اختيارك يكون حد تقدم وافقتي عليه وبس او اهلك وافقوا عليه ومش هو الشخص اللي قادر ان هو يكفيكي عاطفيا. اكيد فيها في التفاصيل كثير بس فتره خمس شهور جواز لسه يعني لسه فتره قليله ويا ريت تكوني مش عارفه ازاي تتواصلي اصلا مع زوجك يعني تقولي له ان انت محتاجاه تقولي له ان انت حابه انك تحسيه منه ااا ما حدش بيقول لك ازاي تعملي ده اصلا فا قولي لي ايه اكثر حاجات انت شايفه ان هي نقصاك من زوجك. قولي لي شكل الحياه الروتين بتاعك ماشي ازاي انت عموما بتعملي في يومك ايه كل الحاجات دي هتاثر وهتفرق انت درستي لحد فين كدراسه اكاديميه لحد ثانوي بس ولا بتكملي دراسه جامعيه الوضع معاكي ايه بالضبط الحاجات دي كلها بتفرق اتجاهك في الحياه هيفرق كثير قوي في انك تقدري تتخلصي من مشاكلك المعرفه اللي انت بتاخديها من الحياه سواء بتاخذيها من تجارب او بتاخذيها من حاجه بتدرسيها هتفرق قوي قوي بانك تتخلصي من غلط انت واقعه فيه او بانك تكملي في حاجه هي كويسه او لا او حتى لو عايزه تاخدي قرار وتقدري تنفذيه الموضوع هيبقى مختلف تماما على قد ما انت بتتعلمي من الحياه. التعلم بقى بيبقى ايه ان احنا ناخد معلومه ونفهم بتتطبق ازاي ونبدا فعلا نطبقها غير كده مش هيبقى اسمنا اتعلمنا حاجه خالص. فقولي لي كده ايه اللي بيحصل معاكي علشان يعني اساعدك ان شاء الله تتعلمي كل حاجه انت محتاجاها عشان حياتك تبقى احسن.
تم النشر السبت، ٢٣ نوفمبر ٢٠٢٤
ربنا يخفف عنك ويعينك على مشاكلك. قرأت تعليقك اللي بتقولي لذكية فيه إنك متزوجة وبتعاني في زواجك وعرفتِ واحد من على السوشيال ميديا. هل الشخص ده يعرف إنك متزوجة؟ مبدئيًا هو حرام تتكلمي مع شخص وترتبطي به حتى لو انتِ بنت ومفيش علاقة رسمية بينكم وحرام أكبر وأنتِ متزوجة. لو هو يعرف إنك متزوجة يبقى ده أولى إنك تبعدي عنه لأن ده شخص غير أمين ولا يعرف حدود ربنا. لو ميعرفش ففي غالب الأمر هو شخص بيتسلى زي أغلب الشباب على الإنترنت. في كل مشاكلك دي سواء مع زوجك أو مع أهلك ملكيش حد غير ربنا. الجأي لربنا بصدق عشان ينجيكِ وابدأي بإنكِ تكوني صادقة مع ربنا إنك متعمليش حاجة تغضبه وتقفلي الباب اللي الشيطان فاتحه لك عشان تقعي في الغلط. اقطعي التواصل مع الشخص ده تمامًا والجأي لربنا، حافظي على صلاتك وادعيه بصدق وحرقة إنه "يجعل لكِ مخرجًا" الشيطان بيستغل ضعفك وكرهك لزواجك عشان يخليكِ تلجأي للحرام بأي مبرر. فكري في نفسك وتخيلي لو لا قدر الله نفسك ضعفت، هتواجهي ربنا إزاي... لو أهلك وزوجكِ عرفوا، وسمعتكِ تدمرت بسبب خطأ زي ده... هل هتقدري تدفعي ثمن زي ده عشان كنتِ ضعيفة وملجأتيش لربنا عشان تلاقي القوة وتقفي على رجلك؟ ربنا معك ويهديكِ ويبعد عنك الشيطان.
تم النشر الاثنين، ١٨ نوفمبر ٢٠٢٤
عزيزتي، أولاً أود أن أقول لك أن مشاعرك مهمة، وأنه من الطبيعي أن تشعري بالتعب والملل من بعض جوانب الحياة. الحياة أحيانًا قد تكون مرهقة ولا نعرف كيفية التعامل مع المشاكل التي نواجهها. إذا كنت ترغبين في مشاركة ما يدور في ذهنك، فاعتبري هذا المكان مساحة آمنة للحديث. يمكنك أن تطرحي مشاكلك أو المشاعر التي تزعجك وسأكون هنا للاستماع وتقديم الدعم لك. من المهم أيضًا أن تحرصي على العناية بنفسك، سواء من خلال التحدث مع أصدقائك أو أفراد عائلتك أو حتى استشارة متخصص يمكنه مساعدتك في فهم مشاعرك بشكل أفضل. تذكري أن الحياة ليست دائمًا سهلة، ولكن المحادثة ومشاركة الأعباء يمكن أن تخفف الكثير من الضغط.
تم النشر الأحد، ١٧ نوفمبر ٢٠٢٤
مش لاقيه حد اتكلم معاه زهقت من كل اللي حواليا
تم النشر الاثنين، ١٨ نوفمبر ٢٠٢٤
حضرتك الأنسان أهم شئ يلاقي شخص ذو ثقة عشان يتكلم معاه و يحكي مشاكله و صدقيني كل مُر سيمُر ربنا يطمن قلبك
تم النشر الاثنين، ١٨ نوفمبر ٢٠٢٤
لعرض السؤال في فدني اضغط هنا