سلام عليكم.. ده نوع من أنواع المجاهدة هتتجازي عليه ان شاء الله.. اولا لما تصلي قولي (يارب ثبت عقلي وقلبي وروحي علي صلاه وقراءة القران) ثانيا حاولي تصلي قيام ليل ثالثا اسمعي بودكاسات اسمو اول مره لتذوق صلاه ساعتين بس مفيد ممكن تسمعه بدل ما تلعبي وكده لو مش عايزه شوفي بوكاسات اقصر رابعا وده الاهم في بتأكيد سبب هو البعدك عن ربنا مثلا تيك توك ..انستا اي سوشيل ميديا..بتسمعي اغاني بتلعبي بذكاء اصطناعي مثلا فبيبعدك وكذلك فشوفي ايه حاجه بتبعدك عن ربنا وأمسحه خالص! خامسا كل ما تسمعي صلاه قومي وقت ما الاذان بياذن اتوضي .. الشيطان قبل النوم بيحط تلات عقد فوق راسنا اول عقده بتنفك لما تقومي لصلاه تاني عقده لما بتتوضي تالت عقده لما بتصلي ..شيطان بيفضل مضايق ومتعصب لانو هدفو يدخلنا نار ويبين لربنا بانو نجح وبأن ربنا مش عندو عباد صالحين.. لما بتسجدي الشيطان بيفضل يعيط وندمان وبيفضل يقول يعني أنا مسجدتش لادم وهم بيسجدو لرب ادم؟؟؟ بيبقي متعصب اوي وبعيط من كتر قهر لأن ابليس كان من ملائكه ولكنو لانو مسجدش لادم فا ربنا طردو من رحمتو.. طيب سادسا وانتي بتقرأ قرآن حاولي تستطعمي القرآ، ..حاولي تقرائي قرآن كل يوم ..مثلا لما بنبدأال صلاه دائما يالا بنقول سوره الفلق يالا الناس يالا الاخلاص لازم ننوع علشان نركز.. اقري بصوت هامس بحيث تقدري تسمعيه ده هيذود تركيزك وهدوءك..خلينا مثلا نتكلم عن سوره الفاتحه بسم الله الرحمن الرحيم( الحمدلله رب العالمين) هنا لو ركزتي فيا أنا بحمد رب العالمين رب الجن و الانس رب الحيوانات رب طيور وحشرات رب نبات ورب الكواكب ومجرات أنا بحمد يقولو الحمدلله علي وجودك هنا ..(الرحمن الرحيم) الرحمن والرحيم كمان!هو رحيم ورؤوف بي عباده بيلهموهم التوبه علشان يغفر لهم رغم بأن عبدو بيذنب بس ربنا بيديه فرصه وبيخليه يصحي كل يوم (مالكِ يوم الدين) ربنا هنا بيطمنك بيقولك لا تقلقي أنا مالك يوم الدين أنا مالك يوم قيامه أنا اللي هحكم وهخلي عدل موجود مش بظلم حد أنا مالك يوم دين( إياك نعبد وإياك نستعين) ليه ربنا هنا مقالش العكس؟مقلش اياك نستعين واياك نعبد؟ربنا لما تقربوا خطوه هيقربلك مئه خطوه لما تقربوا مئه خطوه هيقربلك ٢٠٠خطوه فا لازم نعبد ربنا اولا علشان نتقرب منو فا ربنا يقربلنا أكثر فا نستعين بيه دايما (اهدنا الصراط المستقيم) يوم القيامة انتي عارفه هنمشي علي صراط ارفع من خيط وأحد من سيف فيه مؤمن اوي هيعدي جري و فيه مؤمن نص نص هيعدي بطء بس هيعدي بس هيبقي مصاب وفيه اللي هيمشي ويقع يمشي ويقع وفيه اللي هيقع فاحنا بندعي ربنا يارب اهدنا صراط مستقيم.. عايزاكي تفتكري حاجه عن وضوء الأجزاء المايه بتلامس جسدك دي هتنور يوم قيامه هي الهتبقي نورك لما تمشي علي صراط مثلا ايديك هتبقي بتنور و جهك و رجلك و كل حاجه غسلتيها وقت وضوء هتنور وغير كده كل قطره بتنزل منك أثناء وضوء دي بتغفر ليكي خطئه..(صراط الذين أنعمت عليهم غير المغضوب عليهم ولا الضالين ) هنا بنقول لربنا اهدنا الصراط المستقيم اللي أنعمت عليهم غير المغضوب عليهم اللي هم الناس الوحشه مين هم الناس الوحشه اللي هم مش مهتمين يعرفو ايه صح من غلط عارفين بأن هم مسلمين بس مش مهتمين يعرفو ايه حرام من خلال وضالين مين ضالين؟ ضالين اسوأ من مغضوب عليهم ضالين هم العارفين حلال وحرام ومش مهتمين انتي متخيله؟؟ اللي عارف بأن صلاه واجب ومش مهتم يصليها اللي عارف بأن الحجاب واجب ومش مهتم اللي عارف مشاهد وحشه حرام ومش مهتم اللي عارف شتائم حرام ومش مهتم .. شوفي بس سوره واحده بتشرح جمال قد ايه؟+لو فاكره بأن الصلاه هتبعدك عن الحاجات مهمه فصدقيني انتي بتجهزي لمستقبلك..أن حياه الا لهو ولعب..دراستك وعملك و كلامك مع اصحابك لهو ولعب..تخيلي انتي لما حد من اصحابك يقولك يابنتي تعالي ننزل ونتكلم أو نتكلم كول معندكيش مانع تقعدي مع البنت دي بسبع ساعات لانك بتحبيه اوي ما بالك بي ربنا اللي بيحبك اوي وبيقولك تعالي اعبديني خليني اغفر لكي ذنوبك وانتي متجاهله أو مش قادره ..ومتفتكريش بأني مؤمنه ومواظبه علي صلاتي وكله انا زيك بس احنا بنحتاح نساعد بعض علشان ننجح..ر بنا يوفقك أعتذر لو كلامي كثير إن شاء الله يفيدك..هدعيلك في صلاتي
العفو، ربنا ينفع بكِ ويوفقك 💚💚
تم النشر الأحد، ٢٦ يناير ٢٠٢٥
شكرا لحضرتك علي تنبيه ده انا كنت عارفه بس تقريبا اتخلبط بس شكرا لحضرتك علي تنبيه لطيف ده♥️♥️
تم النشر الأحد، ٢٦ يناير ٢٠٢٥
شكرًا جزيلا على مشاركتك النافعة 💚 ... عندي بس تنويه صغير بخصوص إن إبليس كان من الملائكة... هو إبليس كان من الجن لكن ربنا أكرمه لعبادته وجعله مع الملأ الأعلى فكان مع الملائكة وقت أمرهم بالسجود لآدم.. في الآية الكريمة (إلا إبليس كان من الجن ففسق عن أمر ربه).
تم النشر الأحد، ٢٦ يناير ٢٠٢٥
لعرض الإجابة في فدني اضغط هنا