السلام عليكم ورحمة الله وبركاته،
أنا عندي عادة انو بقشر شفايفي ومش بقدر اتخلص منها.... او بقطع الشعر.... ف مش لاقيه حل للموضوع دا...
أزاي اتخلص من المشكله دي
السلام عليكم، الفكرة إن عادة تقشير الشفايف أو حتى تقطيع الشعر وعادات تانية شبيهة زي قضم الأظافر بتكون بسبب التوتر أو وجود قلق وضغط نفسي. ممكن كنتِ في فترة دراسة مثلا وضغط فبدأت العادة وبعد كده تحولت لعادة مستمرة وكل ما تمري لاشعوريا بتوتر أو قلق هتلجئي تلقائيا لها. فراجعي نفسك كده وشوفي هل فعلا فيه توتر أو ضغط بحياتك محتاج تتعاملي معه الأول، وفيه تمارين بتعمليها عشان تتخلصي من العادة، فممكن تقرأي الإجابة على السؤال ده فيها تمارين جربي كده فترة وإن شاء الله تفيدك. https://www.islamweb.net/ar/consult/2199966/أقوم-دائما-بلف-شعري-وتقشير-شفتي-حتى-تنزف وده مقال تاني فيه معلومات أكتر https://blog.arabtherapy.com/إدمان-تقشير-الشفاه-وكيفية-التخلص-منه/ كمان انتظري رأي الخبراء ممكن حد من أخصائي السلوك يفيدك بتمارين تانية.
تم النشر السبت، ٢٠ ديسمبر ٢٠٢٥
حاضر هحاول
تم النشر السبت، ٢٠ ديسمبر ٢٠٢٥
"ممكن يكون تفسير دا" ان في الغالب انتي بتفكري كتير او بتتذكري حاجات تحسسك بالندم .. فــ انتي تحاولي تتغلبي علي كثرة التفكير و ان انتي متأذيش نفسك بالطريقه دي ... و انصحك بــ استشارة طبيب نفسي
تم النشر الجمعة، ١٩ ديسمبر ٢٠٢٥
في احتمالين الاول ان موقف نفسي حلك و سبب دا و التاني في الكسل و الفراغ
تم النشر السبت، ٢٠ ديسمبر ٢٠٢٥
ممكن لما بتعملي الحاجه دي بتكوني حاسه بحاجه مثلا
تم النشر السبت، ٢٠ ديسمبر ٢٠٢٥
شوفي حاجه تشغلك
تم النشر السبت، ٢٠ ديسمبر ٢٠٢٥
وبالنسبة للموضوع التاني حاولي انك ترطبي شفايفك باستمرار هاتي زبدة كاكاو وخليها جمبك علطول حطي منها وبدل ما تقشريها اهتمي بيها
تم النشر السبت، ٢٠ ديسمبر ٢٠٢٥
هقولك حلول واقعية بالنسبة لتقطيع الشعر اول حاجة حاولي علطول تلمي شعرك يعني ميكونش مفرود عشان كده هتتشجعي انك تقطعيه اكتر
تم النشر السبت، ٢٠ ديسمبر ٢٠٢٥
هو جزاك الله خيرا مقدما.. بس عاده تقشير الشفايف دي عندي بقالها سنين.. بس المشكله انو بكون يتألم أو خلاص شفايفي بتطلع دم ونا مصممة اقشرها... التفكير فعلا بيحصلي ف حاله أن. بشيل شعري... بس مش لاقيه حل
تم النشر الجمعة، ١٩ ديسمبر ٢٠٢٥
لعرض السؤال في فدني اضغط هنا