يا جماعة انا قررت اني افتح براند ملابس حريمي ( عبايات بيت ) وبعد معاناه فتحت البراند و والله يجماعة تعبت عملت ويب سايت بنفسي بدون مساعدة اي حد وعملت الصفحات وعملت كل الي اقدر عليه والله ومش عارف اعمل ايه تاني وبقالي 3 اسابيع مفيش ولا متابع حتي لاي ولا حد دخل يسأل حتي ارجوكم يا جماعة قولوا لي اعمل ايه انا شاب بحاول انجح واحقق الي نفسي فيه بالحلال انصحوني اعمل ايه
أولاً، أحييك على جهدك يا صديقي، فتح متجر إلكتروني بنفسك والبدء في مشروع حلال زي ده يدل على إصرارك وطموحك، وده شيء يستحق التقدير. الثلاث أسابيع الأولى غالباً ما تكون صعبة لأن البناء من الصفر يحتاج وقتاً لبناء الثقة والوصول، لكن مع خطوات عملية ومستمرة هتقدر تتجاوز مرحلة "مفيش متابعين". ابدأ بالتركيز على المحتوى البصري القوي على إنستغرام وفيسبوك وتيك توك، لأن الملابس الحريمي (خاصة العبايات البيت) تعتمد على الصور والفيديوهات الواضحة. صوّر المنتجات بطريقة احترافية بسيطة (حتى لو بموبايلك)، وأضف وصفاً يركز على الراحة والجودة والتصميم الإسلامي المناسب. استخدم هاشتاجات محلية زي #عبايات_بيت #ملابس_حريمي #عبايات_مريحة، وانشر يومياً أو كل يومين محتوى متنوع: صور المنتج، قصص قصيرة عن فكرة البراند، أو نصائح بسيطة للعناية بالملابس. هذا يساعد الخوارزميات على الوصول لجمهور جديد بدون الحاجة لمتابعين أوليين. ثانياً، استغل الإعلانات المدفوعة بميزانية صغيرة في البداية موجهة للنساء في منطقتك أو الدول المجاورة المهتمات بالملابس المحتشمة، مع استهداف اهتمامات زي "الموضة الإسلامية" أو "الملابس المنزلية". كمان، انضم لمجموعات فيسبوك أو تليغرام المتعلقة بالتسوق النسائي أو المشاريع الصغيرة، وشارك منتجاتك بطريقة غير مباشرة (مثل تقديم عروض خاصة أو استطلاعات رأي) لجذب التفاعل. أضف خاصية "واتساب للطلبات" على الموقع وشارك رابط المتجر في كل منشور. أخيراً، ركز على بناء قائمة بريد إلكتروني من خلال عرض خصم أولي للزوار الجدد، وتابع التحليلات في المتجر لتعرف أي المنتجات تجذب الانتباه. استمر بصبر وثبات، وجرب تعديل الاستراتيجية كل أسبوع بناءً على النتائج. لو عايز أفكار إضافية، ابحث عن أسئلة مشابهة على فدني لتحصل على وجهات نظر متنوعة. أنت قادر على النجاح إن شاء الله، وأنا هنا لو احتجت توضيح أكثر.
تم النشر الجمعة، ٣١ يوليو ٢٠٢٦
تعلم التسويق والاعلانات واعمل صفحات على منصات التواصل الاجتماعي انشر فيها وبعد ما تتعلم الاعلانات اعمل اعلان ممول كمان ممكن تعمل محتوي توثق رحلتك فيه وينتشر يعني زي طريقة تسويق غير مباشره المهم ان الرحلة صعبه وانت اكيد قدها فلازم تكمل وتسعي اكتر وتتعب اكتر متيأسش ومتستسلمش عشان متوقعش اسعي والنتيجه بتعت ربنا
تم النشر الأحد، ٢ أغسطس ٢٠٢٦
السلام عليكم، أولا مبارك افتتاح البراند، وإن شاء الله ربنا يوفقك ويرزقك من حلاله. الافتتاح هو بداية الشغل الحقيقي. و٣ أسابيع لسه بالأول وطبيعي يبقى لسه مفيش متابعين ومبيعات لأن البراند لسه موصلش للناس ولو وصل لنسبة قليلة فهم لسه مبقوش عملاءك ولا عندهم سبب للشراء من براند جديد ميعرفهوش في وجود براندات تانية هم اتعودوا عليها. *** فالحل إنك أولا لا تيأس. وابدأ خطوات عملية للتسويق. إذا مش عندك أي علم بالتسويق فأنصحك تشوف على اليوتيوب أي كورس لمبادئ التسويق، على الأقل اعرف الأساسيات لأن تسويق المنتجات والتسويق عموما مش مجرد افتتاح وعمل صفحة وتنزيل بوستات. فيه قواعد المفروض تمشي عليها عشان تنجح في التسويق لنفسك ومنتجك وتكسب ولاء العملاء. ** أهم خطوة بالبداية، هي تحديد جمهورك المستهدف وأماكن الوصول إليه، متفتحش صفحة وخلاص من غير ما تبقى محدد مين جمهورك بالضبط لأنك مش بتستهدف كل الناس، وتحديد جمهورك هيسهل عليك الوصول لهم ومخاطبتهم بالطريقة اللي تجذبهم وتحولهم من جمهور مستهدف لعملاء محتملين ثم عملاء لديهم ولاء للبراند بتاعك. *** كمان مهم جدا تدرس السوق وتدرس منافسيك. اختر ٣ أو ٥ من المنافسين الناجحين وتابع صفحاتهم وشوفهم بيشتغلوا إزاي، طريقة التصوير والبوستات وكتابة البوست التسويقي وبينشروا كل قد إيه وتفاعلهم مع الجمهور في التعليقات عامل إزاي. أنت مش بتعمل كده عشان تقلدهم، أنت بتتعلم منهم وتدرس نقاط القوة والضعف. **** إذا مش عندك حد يساعدك في كتابة البوستات التسويقية فجرب تشوف لو معك ميزانية أو تعلم من المنافسين (مش تقلدهم) أو استثمر وقتك في تعلم كورس مجاني لكتابة المحتوى التسويقي على السوشيا ميديا. ممكن أرشح لك ده، إن شاء الله يفيدك. https://youtu.be/KJOw1sWeNtc?si=9EhzazZJ5GzSrOSK وأرشح لك أيضا د. إيهاب مسلم، هيفيدك جدا في التسويق، وخاصة (عيادة الشركات) ده رابط قناته https://www.youtube.com/@ehabmes/playlists **** النشر على الصفحة ميكونش صور للمنتجات وفقط، اعرض تفاصيل، الخامة، الألوان، المقاسات وهكذا واستغل الفيديوهات كمان. *** وأخيرا إذا عندك ميزانية ولو صغيرة، خصص جزء لإعلانات مدفوعة بس شوف فيديوهات الأول على يوتيوب عن إزاي تعمل إعلان يجيب نتيجة وإيه الأخطاء اللي لازم تتجنبها في عمل الإعلان. ده ضروري عشان متدفعش فلوس وتلاقي مفيش نتيجة وتكون المشكلة في طريقة عملك للإعلان نفسه. ** أرجو إني أكون أفدتك. وربنا يوفقك إن شاء الله.
تم النشر السبت، ١ أغسطس ٢٠٢٦
كمل فيديوهات ونوع ف الافكار لحد ما فيديو هيضرب وهيبدا التفاعل المهم متوقفش
تم النشر الجمعة، ٣١ يوليو ٢٠٢٦
بعمل فيديوهات ومحدش بيتفاعل بيعمل مشاهدات منغير تفاعل
تم النشر الجمعة، ٣١ يوليو ٢٠٢٦
اعمل فيديوهات صغيره تروج للمنتج وركز ع تيك توك بيوصل اسرع .. ولو عرفت تعمل اعلانات مموله
تم النشر الجمعة، ٣١ يوليو ٢٠٢٦
لعرض السؤال في فدني اضغط هنا