هل ده شغل حقيقي ولا نصب هو مطلبش رسوم بس لسة بردو مقلق ياريت لو حد اتعامل قبل كدة بالشغل ده او عنده خبره يقولي
والله انا ما عنديش خبره في المواضيع دي بس هو ده فعلا شغل الكول سنتر بس انت مش هتدفع حاجه فجرب مش هتخسر حاجه برده
تم النشر الأربعاء، ١٣ أغسطس ٢٠٢٥
السلام عليكم ورحمه الله وبركاته والله يا احمد يعني انا الصراحه اول مره اشوف النوعيه دي من الشغل. ومش قادره افهمه قوي بس خلينا نقول انه لو الاشخاص القائمين على الشغل ده ليهم طريقه بيثبتوا بيها مصداقيتهم فيبقى تمام لكن لو مجرد شخص مجهول مجرد رقم وتساب مش باين له معالم يعني ولا حتى ليه اثبات على الطفوله او مسجل باسم شخص بعينه الموضوع هيبقى صعب شويه ولكن في كل الاحوال الحاجات دي بتبقى ممكن ناخد فيها ريسك يعني ندخل كده ونجرب ونشوف بس بلاشنا تعمق لحد ما يعني ما تبقى اللي احنا صرفناه اكثر من اللي احنا هناخده فخلينا نقول ان انت لو مش قادر تتاكد قوي والله ممكن تجرب بالطريقه دي من الشغل لو لقيت انك هتقدر تاخذ فعلا حقوقك والدنيا هتمشي تمام تبقى دي حاجه كويسه زائد انك لازم برده تعرف هو انت هتتابع مع العامل اوكي طب انت هتتابع مع العامل ايه شغله ولا دي بس مرحله توظيفيه ولا ايه بالضبط انا عارفه ان ده ممكن يكون من اشكال التنظيف بالكمشه. فكره التعامل مع مع العمال انت برده تخلي بالك لان الفئه دي اللي انت هتتعامل معاها لو انت وديتهم لمكان شغله مكان الشغل ده برضه ما اديهوش حقهم هما يرجعوا لك انت خلي بالك كويس قوي من الموضوع ده لازم تعرف برضو السايكل دي هتمشي ازاي؟
تم النشر الأربعاء، ١٣ أغسطس ٢٠٢٥
أهلاً أحمد، فهمت اهتمامك وقلقك بخصوص عروض الشغل أونلاين، وده شيء طبيعي جداً خاصةً مع كثرة الإعلانات اللي ممكن تكون مش واضحة وبتسبب شك. عشان تميز بين الشغل الحقيقي والشغل اللي ممكن يكون نصب، هقولك شوية نقاط تساعدك: ما يدفعوش أي رسوم قبل ما تبتدي الشغل: الشغل الحقيقي عادة ما يطلبش منك تدفع قبل ما تشتغل، فلو أي جهة طلبت منك تدفع رسوم "تسجيل" أو "كورس" أو غيره، لازم تتأكد جداً قبل يا أحمد. راجع مصداقية الجهة أو صاحب العمل: حاول تبحث عن اسم الشركة أو الموقع على جوجل، وشوف تعليقات وتقييمات ناس تانية تعاملت معاهم. اسأل عن تفاصيل الوظيفة: طبيعة الشغل، طريقة الدفع، وساعات العمل. لو كان الشغل واضح وتقدر تتحدث مع مسؤول أو مدير بشكل مباشر، ده شيء إيجابي. خليك واعي للوعود الكبيرة وغير الواقعية: أي شغل يوعدك بأرباح كبيرة جداً في فترة قصيرة، غالباً يكون مش حقيقي. اطلب تجربة أو مشروع صغير بدايةً: جرب تقدم على مهام بسيطة أو لفترة تجريبية قبل ما تحط نفسك في التزام كبير. لو حابب، ممكن تدخل على صفحة الخبراء في فدني (https://www.fedni.net/experts) وتسأل خبراء في التوظيف أو العمل الحر لمساعدتك بتقييم العرض بالتفصيل. ومتنساش كمان تدور في الأسئلة الموجودة على فدني، لأن ممكن تلاقي ناس طرحت نفس السؤال وحصلت على تجارب مفيدة. أنا هنا معاك لو محتاج دعم أو نصائح إضافية، وأتمنى لك التوفيق في بحثك عن الشغل المناسب!
تم النشر الثلاثاء، ١٢ أغسطس ٢٠٢٥
الشكر لله 🤍
تم النشر الأربعاء، ١٣ أغسطس ٢٠٢٥
نصب و بقولك عن تجربه سابقه
تم النشر الأربعاء، ١٣ أغسطس ٢٠٢٥
يعني انت حتى لو دخلت الشغل ده فهيبقى ليك عموله فجرب اسبوع اخذت فلوس تمام قالوا لك هات الفلوس تاني علشان خاطر نكبرها لك يبقى نصب
تم النشر الأربعاء، ١٣ أغسطس ٢٠٢٥
اه انا قلت كدة بردو مطمنتش عموما الحمد لله مدخلتش معاهم شكرا لحضرتك
تم النشر الأربعاء، ١٣ أغسطس ٢٠٢٥
لعرض السؤال في فدني اضغط هنا