Ahmed Hassan

اول حاجة انك ترجع علاقتك بربنا وتصلي وتحفظ قرآن صدقني يصحبي دي اهم حاجة وهتلاقي كمية دوبامين غير طبيعية تبعد عنك اي اكتئاب . وبعد كدة تبدأ انك تروح جيم وتتدرب حتي لو مرتين كل اسبوع الرياضه حلوة اوي وبتبعدك عن أي شهوات وتعالج الاكتئاب عندك جدا وبعد كدة تبدأ كورسات وتحط لنفسك هدف انك هتتعلم الحاجة دي مثلا في سنة أو سنتين واهم حاجتين تبدأ بيهم هما الكمبيوتر واللغة خصوصاً الانجليزية لأنهم بنسبة 90 ف المئة معظم الوظايف الي هتقدملها هتكون معتمدة عليهم واخيرا يصحبي ابعد عن أي ارتباط أو حتي كلام مع اي بنت لحد ما ترجع شغفك للحياة وترتبط رسمي أن شاء الله عشان ميحصلكش اي انتكاسة دلوقتي لو اتخذلت من الشخص الغلط وصدقني إن شاء الله هتبقي احسن وهتحقق كل احلامك ورينا مش هيسيبك ابدا.

لو فيه فرصة انك تدخلي الجامعة حرام تضيعيها لأن بردو دي شهادة وكمان فترة الجامعة فترة مهمة في تكوين شخصيتك ومعرفتك وسلوكك وتفكيرك. بس الي بالنسبة لي اهم من الجامعة نفسها والدراسة فيها هو تطوير مهاراتك عن طريق كورسات لازم تاخديها وانتي في مرحلة الجامعة واهم حاجتين لازم تطوري مهاراتك فيهم هما اللغة وخصوصاً الانجليزي والكمبيوتر خدي كل الكورسات الي مرتبطين بالحاجتين دول لان دول هما اهم حاجتين بتعتمد عليهم90 في المية من الوظائف في الوقت الحالي دي نصيحة من مجرب انا لو كنت اتعلمت الحاجتين دول كان زماني في وظيفة كويسة بس الحمد لله على كل حال فانتي حاولي علي قد ما تقدري خلال السنتين الجايين في حياتك تكوني حسنتني مستواكي في اللغة والكمبيوتر وبعدين تقدري تتعلمي اي مهارات تانية بسهولة لانك اسستي نفسك صح وربنا يوفقك للخير دايما إن شاء الله

بص يخويا لو انت محتاج تشتغل ومحتاج لفلوس اوي انزل اشتغل الشغلانة دي لكن لو الأمور متيسرة معاك وعندك فلوس تكفيك يبقي لا الافضل انك تستغل وقت الشغل ده في حاجات تاسسك لمستقبلك بدل ما تضيع وقت من عمرك عشان بعد كدة تقدر تبدأ شغل في مجالك صح ابدأ دلوقتي انزل خد كورسات انجليزي وكمبيوتر وخلي مستواك فيهم كويس بالاضافة طبعا انك تاخد كورسات في مجالات دراسة الكلية بتاعتك بحيث لما تخلص حوار الجيش يبقي انت جاهز تبدأ انك تقدم في شغل في مجالك وشغل تعتمد عليه بدخل كويس دي نصيحتي ليك يخويا من واحد مجرب انا كنت بشتغل مش ف مجالي وضيعت سنين من عمري واديني ولا اتعلمت حاجة اقدر الاقي شغل كويس بيها في مجالي ولا حاجة

احلي كلمة انتي بداتي بيها وهي الي لازم بس تحطيها في دماغك هي كلمة عندي احلام كتير وده الي مطلوب انك تعمليه وتعيشي عشان تحققيها يبقي دي هي حياتك عبارة عن طاعة لربنا ومذاكرة عشان تقدري تحققي احلامك دي اشغلي كل وقتك في الإجازة في القرآن وانك تتعلمي لغات والحاجة الي انتي بتحبيها عشان لما تكبري تكوني اتأسستي صح وتقدري تحققي اي حلم انتي عاوزاه وبدل الوقت الي هتضيعيه مع القعدة مع شوية التافهين دول وتتضايقي الاحسن انك تستغليه في حاجة تنفعك عشان دي حياتك ومتخليش حد ابدا يتحكم فيها أو يرجعك لورا.

مبروك ربنا يوفقك دايما يارب وبعدين مش مهم خلاص الي حصل حصل نحمد الله دايما علي كل حال عشان تاخدي ثواب الصبر واهم حاجة انك دخلتي ثانوي ودي مرحلة جديدة لازم تركزي فيها وترمي الباقي كله ورا ضهرك ربنا يوفقك ويسعدك إن شاء الله

بص يصديقي لو انت مسموحلك بتليفون أندرويد فأنت هتحمل التطبيقات دي تطبيق Duolingo وتطبيق busuu دول كويسين قوي للمبتدئين وتمشي معاهم درس بدرس. وبعد كدة تطور مهارات الاستماع عندك عن طريق انك تسمع بودكاست وتمارس اللغة عن طريق تطبيقات ذكاء اصطناعي أو تطبيق lingbe وhellotalk دي طريقة والطريقة التانية انك في فترة الإجازة تخش علي قناة ذا اميركان انجلش ع اليوتيوب وتحمل فيديوهات أ/ ابراهيم عادل وتتابع معاه بقا خطة التعليم درس بدرس اختار طريقة من دول وانا انصحك بالطريقة التانية ولو مش مسموحلك بموباايل اندرويد فأنت هتجيب كتب تعلم الانجليزيه تكون للمبتدئين وتبدأ فيها وكمان تحاول تحفظ الكلمات وتكون جمل وتكتب الكلمات الي انت اتعلمتها بس اهم حاجة الاستمرارية متقعش في نفس غلطتي بدأت اتعلم وبعدها بشهر مليت وبطلت ودلوقتي بندم لاني ضيعت وظايف كتير كانت متاحة ليا بس لو كان معايا لغه فحاول انك متياسش وتكمل دايما وربنا يوفقك يخويا يارب ويسهلك وتخلص جيشك علي خير إن شاء الله

لو هو شخص متدين ومناسب وفيه قبول بينكم وبين بعض حرام تضيعيه فرصة انك تلاقي حد كدة في زماننا ده قليلة اوي حاولي تصلي استخارة وتقعدي معاه وتناقشيه بكل الي جواكي وكمان تقوليله علي ان المكان مش عاجبك ممكن يوافق أنه يغيره وسيبك من انك لسة صغيرة والكلام الفاضي ده عادي تتخطبوا دلوقتي وتتجوزي لما تخلصي عادي علي الاقل متضيعيش شخص كويس من ايدك وربنا يوفقك يارب ويقدملك الي فيه الخير إن شاء الله

اوعي تخلي اي حد يحدد مستقبلك ده اختيارك انتي وبس انتي الي تحددي ايه المواد الي انتي كويسة فيها وايه المواد الي بتحبيها وحاسة انك تحققي فيها درجات عالية لو انتي بتحبي الكيميا والفيزياء والعلوم انصحك بالعلمي ولو عندك شغف بالتاريخ وبتحبي علوم الاجتماعية والجغرافية اختاري أدبي وطبعا كل ده اكيد انتي عارفاه لانك في اولي ثانوي دراستي كل ده وخدتي فكرة عن كل حاجة

بصي هو ده شئ عادي انك متثقيش في حد في الزمن ده بس لو الأمور تطورت معاكي لانك تحسي بقلق زايد وتوتر وجسمك فيه رعشة أو ضربات القلب بتزيد في مواقف عادية فده مؤشر كبير انك عندك قلق وتوتر أو أعراض رهاب اجتماعي فأنصحك انك متسكتيش علي نفسك ولازم تروحي لدكتور لكن لو المواقف الي بتجيلك عادي ومش بتحسي بأي أعراض قهرية لجسمك فده عادي مجرد بس خوف وقلق طبيعي بتيجي في عقلك زي ما بتجيلنا كلنا بسبب الحوادث الي بنشوفها وحلها انك تتوكلي علي الله دايما وتقولي لنفسك أن دي حاجة مش حقيقية وأنها مجرد قلق زيادة وربنا يحفظك ويحفظنا جميعا أن شاء الله