ما الخطوات للبداية في تعلم ما يفيدني ويفيد غيري بعد انتهائي من الثانوية العامة؟

Question

انا حاليا طالبة فى 3ث ف عايزة لما اخلص الامتحانات اعمل حاجات مفيدة و افيد نفسي و غيري فى المستقبل فحابة يكون فيه اقتراحات و نصايح اذا امكن من وجهة نظركم من حيث الحاجات المفيدة و الابعد عنها و غيره

Accepted Answer

السلام عليكم ورحمه الله وبركاته وانت جميله جدا برافو عليك انك بتحططي تعملي ايه بعد الامتحانات وربنا يجعلك دائما مفيده لنفسك وللي حواليك وتكون كل خطوه في حياتك ليها هدف وهدف يكون في الخير وانا هقول لك شويه اقتراحات يعني انت تقدري بقى تدخلي تتوغلي تشوفي عايزه تعملي منهم ايه اولا اول حاجه محتاجه انك تعمليها انك تركزي في الفتره اللي بعد الامتحانات انك بقى تغرقي ماما وبابا اللي تعبوا معاكي في الدراسه وفي المصاريف وفي كل الكلام ده انك تحسيهم اللي هو بقى انا انا هقعد انا اللي ادلعته شويه دي احلى حاجه انت ممكن تعمليها انك تخصصي وقت فعلا تديهم شويه من الاهتمام علشان دي من اكثر الحاجات اللي بتتنسي ان احنا نديهم هم ان احنا نفيدهم هم زي ما هم طول الوقت بيفكروا يفيدونا فاعملي ده حتى لو خصصت كده اسبوع اسبوعين بعد الامتحانات اللي هو بقى ماما شوفي انت عايزه ريحي انت بقى يا ماما وانا ايه اعمل بدالك ماما تيجي لو بره تيجي تلاقي حاجه من اللي هي كانت شايله همها تلاقيكي خلصتي اا ده هيفرق جدا جدا في الحاضر وفي المستقبل واهلك هيشوفوا قد ايه انت طول الوقت حاسه بيهم وبتقدري طعمها. الحاجه الثانيه اللي محتاجه انك تفكري فيها هو ان يكون لك حاجه تطوعيه حاجه بتعمليها بدون مقابل ااا طول الوقت لو دي حاجه موجوده في حياتك هتفرق جدا جدا في نفسيتك هتفرق جدا في انه انت تكوني بترضي ربنا في كل خطوه لانك بتعملي حاجه تطوعيه بدون انتظار مقابل من الاشخاص فتلاقي حد من صحابك محتاج حاجه تعمليها معاه من غير ما تكوني مستنيه ان هو يردها لك من غير ما تكوني مستنياني بيقول شكرا من غير اي حاجه خالص اللي هو انت هتعمليها وانت عارفه انك هتعملي ده عشان حابه انك تعملي حاجه انت مع توقفي فقط لا غير. نركز بقى في شويه حاجات ثانيه هتكون مهاريه ااا تقدري تشوفي كل المهارات اللي تقدر تفيدك وتفيد غيرك في المستقبل من اهم المهارات دي هو انك تكوني شخصيه لدقه بتعرف تتكلم كويس تكوني شخصيه مبادره تكوني شخصيه شجاعه فاا لو ركزتي في المهارات دي في نفسك هتسيبي نفسك وهتفيد غيرك ازاي بقى هتفيدي نفسك بانك مش هيكون عندك الخجل من انك لما تشوفي حاجه غلط ااا تقولي ادخل ولا ما ادخلش اتكلم ولا ما اتكلمش هتفيد غيرك بانك ممكن يكون في حد ضعيف او حد دلوقتي مغلوب على امره وانت اللي تكوني الشخص اللي بتيجي وتلحقيه وتتكلمي بداله وتقولي هو مش عارف يقوله المهاره دي هتفرق معاكي جدا جدا مهارات المبادره مهارات التحدث امام الاخرين مهاره اخذ الحق. دي مهمه قوي قوي قوي قوي فااا تعلميها واستفادي شوفي الناس اللي بتقعد تطلع تتكلم بيتكلموا ازاي الناس بترتب كلامها ازاي ازاي بيكون عندهم لباقه ازاي بيقدروا يتكلموا بمصطلحات يعني زي ما احنا نقول كده بيفهموا اللي قدامهم كل ده بيجي منين كل ده بيجي من ثقافه الانس مش هينفع بقى تنسي انك برده تدلعي نفسك مجهود ابداي بقى ايه خذي شويه حاجات ترفيهيه بس نصيحه الحاجات اللي تبعدي عنها فعلا ما تفتكريش انه الانتخه على الكنبه ومتابعه السوشيال ميديا حاجه ترفيهيه دي حاجه مضره جدا جدا لو ما عملتلهاش ليميت لو ما قدرتيش تقولي لنفسك لا انا همسك الموبايل اييي نص ساعه بس وقدرتي فعلا تحكمي نفسك في نص ساعه بس هتبقي مش بتفيدي نفسك خالص وهتبقي بالدوري نفسك فبعدي عن ده تماما اوعي الوقتي يتسرق منك في موبايل سوشيال ميديا بس اوعي خلي بالك من نفسك.ان كلما كنت مثقفه كل اما كنت ااا على درايه بالحقوق اللي ليكي والواجبات اللي عليك ده يفرق جدا فخديها من ابسط الاشياء هل تعرفي الحق اللي ليكي في البلد هنا ايه يعني لو حد جه قال لك لا انت ملكيش حق تقفي على الرصيف هل تعرفي الكلام ده حقيقي ولا لا خليكي حقه تقفي على الرصيف ولا ولا ما فيش حق اا محتاجين نعرف القانون محتاجين نعرف حقوقنا اا دي هتقدري تشيلي بيها نفسك تقدري تستفيدي بيها الاخرين طول الاجازه ومن بعد ثانوي.

Answer

رينا يوفقك بس شايف انك في الوقت ده يفضل تركزي ع امتحاناتك وبعدين لما تخلصي نشوف الموضوع ده بعدين لما تخلصي وتاخدي اجازة كويسة كده ابدائي رحله بقي تطوير ذاتك وكده ربنا معاكي و يوفقك يارب ويقويكي وتجيبي المجموع اللي بتتمنيه يارب

Answer

حاولي بعد لما تخلصي تريحي حوالي اسبوع كده .. من غير ضغوط و شده اعصاب ، بعد كده بقي فكري تقدر تعملي ايه في سؤالك ده عن طريق تكتشفي انت بتحبي ايه و ايه الحاجة اللي تقدري تعمليها طول الوقت من غير ما تزهقي منها ، ما دام مش حرام او عيب .. بالتوفيق يارب 💗✨️

ما الخطوات للبداية في تعلم ما يفيدني ويفيد غيري بعد انتهائي من الثانوية العامة؟

تعليمية

ترشيحات

سؤال من احد أعضاء فدني

تم النشر الاثنين، ٢٣ يونيو ٢٠٢٥

5 إجابة

2 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك