سلام عليكم
لو حد تجاهلكم متعمد وسط جروب ولما سألته ليه قالك مش هعرف انافقك انا زعلان بسبب ريبوست تيك توك وحرفيا معاملته كلها اتغيرت وبيعامل الناس الي مش صحابه قدامك احسن منك
"زعلان بسبب ريبوست تيك توك" دى تفاهه حرفيا ومش محتاجه المعامله دى ولكن علشان يحس بنفس الشعور الزعل بتاعك عامله بنفس المعامله اللى اتعامل معاك بيها واعتقد مفيش صاحب كويس بيعمل كدا لو انت متفق انه مش بيحبك ابعد عنه و روق دماغك من اذيته
تم النشر الأربعاء، ٢٠ مايو ٢٠٢٦
انا شايفه انه سبب تافه جدا والشخص ده بيتلكك يإما هو عيل ومش فاهم هو بيقول ايه أنسب حل سيبك منه حياتك مش هتقف عليه بل بالعكس حياتك هتبقي احسن واريح بكتير من غيره لانه شخص مش ناضج ولو المشكله دي اتحلت ( ولو اني شايفه انها اصلا مش مشكله ) هيدور علي اي سبب تاني تافه زيه ويعمل مشكله تاني فا الاحسن سيبك منه
تم النشر الثلاثاء، ٢٦ مايو ٢٠٢٦
الشخص اللي يقلب معاملته ويقصد يتجاهلك وسط جروب عشان "ريبوسط" على تيك توك، يبقى بيدور على أي سبب يبعد أو يعمل لقطة. متجريش وراه ولا تعاتبه تاني. اتعامل في الجروب عادي جداً مع الناس التانية، اضحك واتكلم ولا كأنه موجود، ومتدلوش أي أهمية أو إيحاء بإن تصرفه مأثر فيك لو صدف واتعاملت معاه، خلي الكلام رسمي جداً وعلى القد، لأن اللي يقولك "مش هعرف أنافقك" بأسلوب زي دا، ميعرفش يعني إيه أصول الصداقة. كبر دماغك واشترِ كرامتك، والناس اللي مش مقدراك، غيابهم مكسب.
تم النشر السبت، ٢٣ مايو ٢٠٢٦
وعليكم السلام ورحمة الله 🌸 أولاً، أنا آسفة إنك بتمري بهذا الشعور، ده فعلاً مؤلم لما حد كان قريب يغير معاملته فجأة بسبب حاجة بسيطة زي ريبوست تيك توك. الحياة أحيانًا بتظهر لنا إن بعض الناس علاقتهم مش ثابتة، وده مش عيب فيكِ، ده بيوضح إن الشخص ده مش ناضج كفاية أو مش صادق في صداقته. اللي حصل ده مش "نفاق" زي ما قال، ده مجرد تبرير لسلوك سلبي. الناس اللي بتعامل الغرباء أحسن من أصحابها قدام الآخرين غالبًا بيكون عندهم مشكلة في التواصل أو في إدارة غضبهم. نصيحتي العملية: متضغطيش على نفسك عشان تفهمي "ليه". ركزي على إنك تستحقي معاملة محترمة وثابتة. لو لسه عايزة تحافظي على العلاقة، قولي له بهدوء: "أنا زعلت من تغيير معاملتك، لو في حاجة ناقشناها مع بعض". لو استمر التجاهل، ابعدي بهدوء وخلي تركيزك على الناس اللي بتقدرك فعلاً. الحياة مش دايمًا عادلة، لكنها بتعلمنا نختار صحابنا بعناية أكتر. لو حابة تتكلمي أكتر أو تحتاجي دعم إضافي، ابحثي عن أسئلة مشابهة في فدني، أو شوفي صفحة الخبراء هنا: https://www.fedni.net/experts
تم النشر الثلاثاء، ١٩ مايو ٢٠٢٦
أنا مش فاهمة انت زعلانة ليه ماهو قالها صريحة مش عاوز انافقك هو خايف يكون منافق بس يا ترى انت مش خايفة تكوني مهمشة أو مركونة فى الزاوية فوقي لقيمتك شوية
تم النشر الأحد، ٢٤ مايو ٢٠٢٦
مش بقول ان طريقتي صح بس الي بيتمادى عليا او يتخطى حدوده معايا انا شخصيا بدوقه من نفس الكأس او اريح دماغي وأكبر عقلي وهيكون كلامي معاه بارد وكده كده مش هشيل هم احراج اونلاين محدش يعرفني انا مين ولا حد هيفتكر الموقف ولا حتى هكون مهتم لده اما عن الصاحب لو مفيش احترام ليا فانا كمان مش هحترمه
تم النشر الأربعاء، ٢٠ مايو ٢٠٢٦
ايه المشكلة في كدا مادام مش بيأذيك خلاص يعم عيش حياتك مش هتموت عليه يعني .. والعلاقات حرام عموما
تم النشر الجمعة، ٢٩ مايو ٢٠٢٦
@عبده . صحبتي عادي ربنا يصلح حالنا
تم النشر الجمعة، ٢٩ مايو ٢٠٢٦
اللهم آمين أسأل الله أن يهدينا جميعًا ،من الواضح أنكِ فسرتي كلامي بشكل سلبي وفي الحقيقه أنه كلام واضح وواقعي ، وليس استخفاف بمشاعر الإنسان، على علم جيد بإن الإنسان نفسيته ممكن تتأثر بشكل كبير بسبب موقف ولو حتى كان بسيط ، بس لام نتعلم نكون أقوياء ، يعني بدل ما تكوني الطرف الضعيف في أي تعامل لا اكيد هتكوني حابه إنك تكوني الطرف الأقوى في الشخصيه وده هيتحقق لما القلب يتعلق بالله فقط في اللحظه دي حرفيًا هتحسي إن مش فارق معاكي أي حد نهائي اللي يتجاهل مش فارق واللي يقرب مرحبا به ،، لكن إنتي تقدري تعيشي مبسوطه بدون اعتماد على وجود حد وتعلقك بالله لا يجعلك ملك أحد إلا الله فقط وهذا من *العزة* ... أسأل الله العظيم أن يشرح صدرك للنصيحه 💟
تم النشر الأحد، ٢٤ مايو ٢٠٢٦
@منه حسين الله يهديكي يا اخت منه
تم النشر الأحد، ٢٤ مايو ٢٠٢٦
الشيطان بيحزنك على حاجه ليس لها قيمه ،،
تم النشر الأحد، ٢٤ مايو ٢٠٢٦
@مجهوله للأبد المشكلة اني مش عارفة اتعامل عادي ولا انسى الموقف
تم النشر الجمعة، ٢٢ مايو ٢٠٢٦
احيانا الريبوستات اللي بنعملها بتدل علي شخصيتنا وتعكسها يعني انا مره زعلت من حد عشان بيتريق علي وفاه فنان مشهور بحبه الموضوع مش تفاهه احنا شخصيتنا بتنعكس علي صفحاتنا في السوشيال ميديا لأننا بننشر افكارنا ف لو متأكده ان البوست مكنش وحش وان الشخص مكبر الموضوع خلاص سيبك منه
تم النشر الخميس، ٢١ مايو ٢٠٢٦
منعبرش حد والمعاملة بالمثل اهم حاجه علاقتك بربنا ونفسك واهلك الباقي ميفرقلكيش
تم النشر الخميس، ٢١ مايو ٢٠٢٦
لعرض السؤال في فدني اضغط هنا