عارف ان الموضوع ده حساس شويه
بس انا ميولي للجنسين ودى حاجه مديقاني اوى وحصلت بسبب ظروف كتير وانا صغير منها( التفكك الاسري وغياب دور الاب وتعنيفه للام تهميش دورها وكمان اعتداء جنسي من واحد قريبي)كلها ظروف وعوامل ادت انى ابقي كده
بس انا عارف ان ده مش ذنبي و مش بلوم نفسي ع ده بس برضو مش حابب حياتي كده خصوصا انى بكبر وكل شويه بتعمق فالموضوع ده اكتر انا عندى 20 سنه دلوقتي مش عاوز اكمل حياتي بالشكل ده وبرضو كل اما ابعد ارجع تانى مش عاوز ازعل ربنا منى ولا عاوز اخسر نفسي بسبب الطريق ده الموضوع كبير ومعقد لابعد درجه اتمنى حد يفيدني
اعمل ايه علشان حياتي بايظه ولو حل انى اروح لدكتور نفسي واحكيله هروح
بس مش شايف ده حل لاني حاولت بكذا طريقة انا تايه
ده محتاج تعديل سلوك من خلال طبيب أو معالج نفسي بس الاهم حاليا انك تبدأ تبعد الافكار والحاجات دي من دماغك علي قد ما تقدر زي إنك مينفعش تتفرج علي النوع ده بالذات من الافلام ولا ينفع أفلام أصلا بس بالتركيز علي النوع ده لان ده هيزود الرغبه آكتر وإنت عايز تحل المشكلة ف الفكرة تكون ف إنك ضرووري محتاح طبيب نفسي يبدأ معاك العلاج بتعديل السلوك
تم النشر الأربعاء، ٦ أغسطس ٢٠٢٥
السلام عليكم العوامل اللى ذكرتها فعلا بتساعد على الانحراف الفطرى ده بس مش هى الاساس فى الاتجاه للميول ده او حتى انه يبقى مرغوب فيه جزئيا انت من صغرك ايه اهتماماتك وانشطتك الاجتماعية او الفردية وحتى الان يومك ايه اهم حاجة فيه ومين اقرب الاشخاص ليك حاليا
تم النشر الأربعاء، ٦ أغسطس ٢٠٢٥
•اشكرك انك صارحت نفسك والموضوع مش مقلق لأن ده مجرد تدرج .. يعني أكيد من الإكتئاب وشعور عدم الأمان اللي في الأسرة رحت عملت ذنب بسيط وبعدين تدرجت إلى أن وصلت للدرجة اللي انت فيها اليوم •فباختصار ١-مشاعر سلبية بسبب الأسرة ٢-هروب من السلبية إلى أي إدمان ٣-تدرج في الإدمان •فمحتاج انك تعالج جذر المشكلة وهي المشاعر السلبية وده عن طريق عادات بسيطة يومية زي القرآن، الرياضة ، كتابة أفكارك ، التأمل ، الصدقة ، قراءة صفحة من كتاب وغيرها من الحاجات اللي بتدي شعور إيجابي صحي •ولما تقل المشاعر السلبية هتتخلص من أي إدمان لكن ان كنت وقعت في إدمان فيه إثارة عالية فده هيأثر عليك بشدة عند تركه في البدايات لأن المخ اتعود على إثارة عالية فبفقدانها هتظهر أعراض اكتئاب شديدة للأسف ولكنها مؤقتة إلى أن يتعود جسمك وتكون اتعافيت واتحررت وهيساعدك جدا لو رحت لطبيب متخصص في الإدمان يسندك في الرحلة
تم النشر الجمعة، ٨ أغسطس ٢٠٢٥
حاول تروح لدكتور بدال الموضوع زاد اوي كدا ، و قرب من ربنا اوي و صلي قيام الليل و حمل الفيديو بتاع قوم لوط و اتفرج عليه دائماً هيذكر نفسك بخطائها و هيرجعك لطريق السليم بإذن الله ، و لما تحس بالميول دا حاول تلهي نفسك في حاجة مهمه و اشتغل كتير علشان تنوي نية أنك تتزوج بسرعة علشان تعف نفسك و ربنا هيساعدك متيأسش من نفسك ، إن النفس لأمارةٌ بالسوء لأن أحنا مخلوقين من طين الارض في الدنيا و و روحنا من ربنا عز و جل فعادي انك تحس بالفساد و الشيطان بيساعدك على دا ، حاول تتجاوز ما مر في حياتك و اكتبه و فضي كل الي حصلك و بعدين احرقه او بله و اقطعه و لما تحس بالميول دا قول لنفسك اي القرف دا و متيأسش من نفسك أبدا لحد ما تتغير و متنساش الصلاة تنهى عن الفحشاء و المنكر و ربنا يساعدك و ييسرك الأمر
تم النشر السبت، ٩ أغسطس ٢٠٢٥
روح لدكتور يأخي قال رسول الله: تداوو يا عباد الله فإنه ما من داء إلا وأنزل الله له دواء أو كما قال رسول الله عشان مش حفظه فدي حاجة مش عيب دي أمراض لها علاج طبي معروف
تم النشر الخميس، ٧ أغسطس ٢٠٢٥
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10)
تم النشر الأربعاء، ٦ أغسطس ٢٠٢٥
لعرض السؤال في فدني اضغط هنا