انا متجوزه و كل شويه اكتشف ان جوزي بيخوني على موبايله ومكالمات و الله اعلم التمادي لفين بس انا سامحت كتير و حاسه اني كل طاقتي خلصت بس انا معايا طفله و مش عارفه اتصرف ازاي تعبت وحاسه اني معنديش كرامه وفي نفس الوقت بقول يمكن ربنا يهديه كل مره حبي بيقل و مبقاش في ثقه ممكن نصايح او كلام يصبرني حتى
لو زوجك من النوع اللي بيقبل النقاش.. و مش غشيم في غضبه.. اقعدي معاك واجهيه من غير زعيق ولا هستريا .. أنا شوفت كذا وكذا، ده مؤذي ليا ولبيتنا ؟ هيقولك ازاي ؟ قوليله انت بتفتح علي نفسك أبواب الشيطان و اللي بتعمله مأثر عليا و علي نفسيتي و بدأت اخاف علي نفسي و بيتي و بنتي.. عرفيه التصرفات اللي مش هتقبليها و عرفيه عواقبها بشكل واضح.. استجاب خير و بركة.. وريه الوش الحنين و تابعيه طيب محصلش استجابة او أخذته العزة بالإثم.. و قالك انا حر او اللي عندك اعمليه انا مبتغيرش .. جربي تاني في نفس القعدة فكريه ببنته و بيكي و بجوازك و الفضل اللي ما بينكم لقيتيه مصمم علي رأيه.. تمام هنا بقي هو حط حيطة سد .. هتروحي لأهلك انتِ ابوكي و امك و تقعدي معاهم و تقوليلهم و هما يطلبوا اهله و يقعدوا يشهدوا علي ابنهم.. بس خلي بالك ظاهريا كله هيسيبه من الحوار الأصلي و يمسك في حتة انك طلعتي أسرار بيتك.. قوليله ابويا و امي هما نفسهم اللي فتحوا بيتي.. و ده حوار فرعي لولا عمايل جوزك مكنش اي شيء هيطلع بره و ان الامر ميتسكتش عليه.. و انك عايز بيتك و جوزك و حياتك يبقوا بخير ولازم توصلي لحل معاه و يتعهد قدام الجميع أن ده ميتكررش تاني.. مش علشانك لكن علشان ربنا.. هنا بقي هفصل شوية و انبهك ل 3 حاجات مهمة .. 1.هدفك الأصلي جوزك ينصلح حاله مش خراب البيت انتي ام حاضنة.. يعني حرفيا لو شيطان الح عليكي تروحي المحاكم متسمعيش كلامه ام و حاضنة كفيلة تدمره فخلي ربنا قدام عنيكي لان برضه ده ابو بنتك و انت اصلا بتعمل كل ده علشان بتحبيه دي نقطة.. 2.النقطة التانية.. هيتدخل ناس من طرفك او طرفه من الأهل بهدف نفترق و نخرب البيت.. متسمعيش كلامهم.. انتي عايزة حاله ينصلح تاني مش عايزة البيت يتخرب جوزك بعدها لو تم كل شيء زي ما انتي عايزة. هيبقي زعلان و متضايق زي الأطفال او المراهقين عادي... تراضيه زي الأطفال و المراهقين شوية بشوية لحد ما يفك متوقع اصلا.. 3.بعد كله ده غالبا برضه جوزك شوية بشوية هيرجع زي الاول..! هنا دورك تتابعيه و تمنعي ان ده يحصل.. لحد كده انا سبقت كفاية.. نفذي و شوفي مدي استجابته حصل خير يبقي تمام جد امر جديد.. قولي في نفس البوست امال لو جوزك غشيم و غضبه وحش.. تفادي ده تماما و هتنقلي للخطة ب أهلك مباشرة.. بس معلوماتي يعني ان إحم .. شخصية ابو عين زايغة بيبقي قابل للنقاش عادي .. بالتوفيق.. و اتقي الله 🧐
تم النشر الأحد، ٥ أكتوبر ٢٠٢٥
عزيزتي، أولاً أشكرك على ثقتك وصدقك بمشاركة هذا الشعور الصعب للغاية. صدقيني، مشاعر التعب والإحباط اللي بتمرّي بيها طبيعية جداً، خصوصاً إنك وسط ظروف معقدة وحياتك فيها مسؤولية كبيرة مع طفلتك. خليني أساعدك بخطوات يمكن تخفف من الألم وتساعدك توزني قرارك: أهم شيء هو أنتِ : صحتك النفسية وكرامتك مش أقل أهمية من أي شيء. حاولي تدي لنفسك بعض الوقت للراحة النفسية، حتى لو مجرد لحظات صغيرة تفصلي فيها عن القلق. شاركي حد تثقي فيه : لو عندك شخص تثقي فيه - كانت قريبة أو مستشارة - ممكن تشاركيها شعورك، عشان تشعري إنك مش لوحدك. فكري في نفسك وفي طفلتك : طفلتك تحتاج منك قوة وراحة بال، فتذكري أن سعادتك الداخلية مهمة، وعلاقتك بزوجك لازم تكون مبنية على الاحترام والثقة المتبادلة. حددي حدودك : لا تسمحي لنفسك تكوني ضحية باستمرار. الكرامة شيء مش بيُسامح عليها بسهولة. اطلبي مساعدة خبراء : لأن الوضع حساس ومؤلم، ممكن تفكري في الاستعانة بخبير نفسي أو معالج زوجي يساعدك تفهمي مشاعرك وتتخذي قرارات صحيحة بدون ضغط. الدعاء والتوكل على الله : تذكري دائماً أن اللجوء إلى الله بالدعاء والصبر هو المصدر الحقيقي للراحة والطمأنينة. ربنا لا يضيع أجر الصابرين. ثقي بنفسك : مهما كان التعب، أنت وستظلين إنسانة قوية تستحق السعادة والاحترام. وأحب أقول لكِ، ما في حاجة تخليكي تضعي نفسك في مواقف تأذي صحتك النفسية أو كرامتك. لكن بنفس الوقت، ما في أحلى من الصبر والعزم على تحسين الحياة، سواء بالثقة، أو بما تقتنع به نفسياً. لو حابة، ممكن أساعدك أوجهك لأخصائية نفسي أو مستشارة زيادة على منصة فدني، لأن وجود شخص متخصص قد يكون دعم مهم جداً لك. وأي وقت تحبي تتكلمي أو تحتاجي دعم، أنا ذكية موجودة دائماً لكِ. هل حابة أساعدك بأسماء خبراء أو خدمات استشارية من فدني؟
تم النشر الأحد، ٥ أكتوبر ٢٠٢٥
اه كل مره بقول هحلها بينا وبين بعض عشان لو حد ادخل الموضوع هيكبر جامد وهي علاقات عبثيه ومعايا طفله بس اناا حاسه اني مش كويسه
تم النشر الأحد، ٥ أكتوبر ٢٠٢٥
أهلك موجودين و بخير ؟ ردي عليا و انا هرد عليكي
تم النشر الأحد، ٥ أكتوبر ٢٠٢٥
لعرض السؤال في فدني اضغط هنا