أنا كل يوم بحس بتعب ووجع شكل مش عارفة في اية بس أنا تعبت من نفسي وزهقت من كل حاجة وزهقت من حياتي وعيشتي واهلي اللي واخدين حياتي وكل حاجة بتحصل فيها باستهتار وكان مليش وجود ببقي وسطهم وكاني لوحدي محدش بيسمعني وكل يوم بتعب شكل مش عارفة اعمل ايه حياتي متلخبطة ومدمرة مفيش تحفيز دايما بلاقي منهم طاقة سلبية وكلام سلبي وده بيأثر جامد علي نفسيتي وحياتي معنديش طاقة اكمل بيها يومي دايما بحس بحزن شديد وبعاتب وبلوم نفسي علي حاجات حصلتلي وبتحصلي نفسي اتخلص من كل الهم ده اتخلص من الحزن اللي بقي ملازمني والرغبة في البكاء نفسي افرح نفسي الضحكة اللي بضحكها تبقي من قلبي بجد مش بداري بيها حزني نفسي اهلي يحسوا بيا مش لما احكلهم عن حاجة يقولولي هنعملك اية متوهميش نفسك متشغليش بالك نفسي احس ان ليا لازمة عشان اكمل حياتي نفسي احس إني مهمة عندهم بقيت خايفة من كل حاجة بخاف من الناس واهلي وبخاف اتعامل معاهم مش بحس بالأمان وأنا معاهم بقيت خايفة منهم لما ببقي بعيده عن أهلي بحس بالأمان مش بتكلم مع حد معرفش حدمبعرفش اتكلم مع الناس انا لوحدي مليش اصدقاء نفسي اتقدر واتعامل زي ما بقدر الكل وبعاملهم مش عارفة اعمل ايه
https://www.youtube.com/watch?v=MjB-QKXTUlo استاذ مصطفى جميل ومفيد جدا وهو شخص ملتزم
نصيحتي ليكي، سيبك منهم، ولا كأنهم حواليكي، ابدأي اتفرجي على يوتيوب على محتوى مفيد، أدخلي على فيسبوك تابعي ناس محتواها مفيد، عاوز اقترح عليكي أشخاص لكن معرفش اهتماماتك إيه
ثقتك بنفسك لازم تزيد، دوري على فيديوهات على يوتيوب تزيد ثقتك بنفسك
أنا عارف إنه الأشخاص اللي ممكن يضيفوا للشخص معرفة و قوة نوادر جدا، لكن لو الشخص أراد من داخله بقوة ودعا ربنا بالصحبة الكويسة هيلاقي، أنا على المستوى الشخصي أصدقائي على فيسبوك فقط
والله كل الأهالي كدا مش اهلك لوحدك بس احنا لازم تعاملهم كويس لأنهم ف الآخر اهلنا ودا واجب علينا ومدام بيتفهو من مشاكلك متحكلهمش اي مشاكل خالص دائما اتظاهري قدامهم أن كل حاجه تمام ودوري انتي عن حاجه بت...
اعملى انتي الحياة لنفسك لا تنتظري احد طالما انتي شايفة انهم مش عائدين عليكي بأي حاجة في حياتك ..؟ طيب منتظرة ايه؟ اكيد مش هتفضلي كده .. لازم تعملي انتي الحياة لنفسك هاتي ورقة وقلم اكتبي فيها مميزاتك و...
دايرة مغلقة بنحط نفسنا فيها . نفضل مستنيين الحاجة من مصدر واحد ولو جاتلنا نفس الحاجة على طبق من دهب نفضل نقول لا يا اما من هنا يا اما بلاش....وطبعا ده بيسبب تعاسه وحزن. اول ناس بنستنى منهم كل المشاعر ...
نفس اللى انتى فيه انا فيه وحطى عليه أنهم دمرونى وخسرونى شركتى وكل حاجه.ومش عارف ليه
ربنا معاك بس يمكن هما شايفين حاجة انت مش شايفها يمكن المكان ده مكنش فيه خير ليك واكيد ربنا شايلك خير في مكان تاني ربنا بيقول ( وعسي أن تكرهوا شيئا وهو خير لكم وعسي أن تحبوا شيئاً وهو شر لكم ) يعني مادام حصلك كده بيقي مكنش ليك نصيب وخير فيه أنا عارفة اللي حضرتك فية لأني بعاني من نفس مشكلتك بس هي اتقالت ليه كتير هما بيبقوا شايفين حاجة احنا مش شايفينها وبيتصرفوا وبيعملوا حاجات بتدايق بس اكيد نيتهم بتبقي خير ليك عشان هما معاشوش اللي احنا عايشينة احنا حياتنا مختلفة بكتير عن حياتهم هما عايشين بطريقة اهليهم اللي اتربوا بيها وبيربونا بيها لحد دلوقتي هما مفكرين ان الحياه بتاعت زمان هي بتاعت دلوقتي والتربية بتاعت زمان هتنفع معانا والطريقة اللي كان اهلهم بيعاملوهم بيها هتنفع معانا بس للأسف الشديد هما مش حاسين بينا مش بيأمنوا بالطب النفسي والحاجات دى مشاكل ايه وحزن ايه اللي بيحصلوا لولد او بنت فالعمر ده تعب ايه اللي يحصلك انت يتوهم نفسك تعبان من ايه كنت شغال في الغيط كنت بتشتل مثلاً ده عيبهم انهم مش قادرين يقتنعوا أننا مختلفين عنهم اسفة لو طولت عليك بس حابه اقولك ان كل واحد بياخد نصيبة بالطريقة اللي بيحبها او مش بيحبها ليك ٢٤قيراط هتاخدهم كاملين ادعي بس وربنا هيوفقك ويمهدلك طريق تاني تمشي فيه خليك واثق في ربنا وهو مش هيخذلك صدقني بس خلي ثقتك فيه كبيره صلي الفجر وادعي بقي براحتك ارفع ايدك وكلمه اطلب منه قولوا يارب انا عايز وانا واثق في حكمك يارب وواثق فيك يارب اشكيلة صدقني كل شيء هيتحل ( ان الله حي كريم يستحي من عبده إذا رفع يده ودعاه ان ينزلهما صفرا خائبتين) وربنا يوفقك ويسعدك يارب ويارب تكون سنة سعيده وتكون بداية لطريق جديد وحياه سعيده باذن الله
لعرض السؤال في فدني اضغط هنا