أنا بقالي فترة كبيرة من خمس شهور كده نومي بدأ يبوظ و ساعتي البيولوجية بدأ يحصل فيها خلل و بقيت مش بقدر أنام بليل خالص بس خلال الخمس شهور دول عدا عليا ايام نمت فيها طبيعي و كمان ايام تانية منمتش اكتر من تلت ساعات في اليوم
و كنت بحاول اظبط نومي عن طريق التطبيق ليوم كامل و بذل مجهود على مدار اليوم و لعب رياضه و كده بس بردوا كنت باجي بليل بحس بقلق و حاجه شبه الخوف كده من فكرة اني انام و ببقى متوترة و مبنمش بردوا
و كمان من اسبوع كده بعدت الموبايل عني نهائي ظنا انه ممكن يبقى سبب المشكلة لاني بقضي عليه ست ساعات تقريبا في اليوم بس بردوا الوضع ازداد سوء و نومي باظ أكتر و بشرتي بقت شاحبه و تحت عيني اسود و طلعلي حبوب في بشرتي و بقيت شهيتي للأكل اعلى من الأول و بقيت بعمل العاده علشان تساعدني انام بس بردوا مش بتنجح دايما
و كل محاولة فاشلة لتظبيط نومي بتسببلي احباط و حاسة نفسي فاقدة طاقتي تماما و جوايا فتور اتجاه كل حاجه تقريبا و مش قادره اركز خالص في دراستي في تالتة ثانوي و حاسة ب ارهاق طول الوقت و مش قادره اصلي
هرد عليك مباشر علشان وقتك ووقتي.. عندك أرق مش اكتر.. الساعة البيولوجية بتظبط نفسها بنفسها مش محتاجة منك غير إنك تنام في ميعاد ثابت اي خلل او سهر بيأثر عليها و بالتالي مستوي الارق بيزيد.. العادة السرية بتزيد الأمر تعقيد بطريقة مش هقدر اشرحها بس يكفي اقولك انت بتزود الحمل علي نفسك جسديا و عصبيا مش بتحل اي مشكلة لكن بتزيد الأمر سوء نصيحتي ليك اتوضي و صلي ركعتين قبل النوم افتح القرآن و اقرا فيه لحد ما تنام.. وفر لنفسك بيئة نوم هادية.. ابعد عن الموبايل تماما قبل النوم تأثير أشعة الموبايل علي عنيك وحش.. و بيسبب أرق في بعض الدراسات.. و الأمر بيزيد سوء لو عندك برد.. ابتعد عن السرير تماما الا لو حسيت نفسك خلاص بتنام نجرب القراءة برضه قبل النوم.. نتجنب الشمس و نحط كريم مرطب طبقة خفيفة تحت العين علشان مع الوقت الهالات تختفي.. كريم عادي بشرتك بتقبله الحبوب في البشرة طبيعي اختلافات مستويات هرمونات و أحيانا بسبب عدم تنضيف او غسل البشرة من الدهون الزائدة او تعريضهت للشمس او الجفاف. امشي وار التعليمات دي و هتلاقي نفسك احسن.
تم النشر الجمعة، ٢٦ سبتمبر ٢٠٢٥
مش هتقدري تنامي بعد ما بطلتي تستخدمي التيليفون لان ببساطة حضرتك كنتي مدمنة عليه و سبتيه فجأة ف طبيعي تظهرلك اعراض انسحاب و هتخلي التأقلم أصعب... و يخليكي بدل متحلي المشكلة تلجأي لمشاكل تانية...الحل يبدأ لما نفهم ان احنا مش أبطال و مشاكل حياتنا عمرها ما بتتحل مرة واحدة لازم ناخد كل حاجة براحة خطوة خطوة و منضغطش ع نفسنا عشان كل حاجة في حياتنا تتظبط واحدة واحدة دي و بعدها دي ... بالنسبة لموضوع النوم اسهري و اصحي يوم بدري متناميش و يفضل اليوم ده يكون عندك مشاوير برا البيت عشان متناميش و اشغلي نفسك لاخر اليوم بعيد عن أي مكان جلوس او نوم اعملي اي نشاط ان شاء تلعبي عشان متناميش مش لازم تذاكري يومها اهم حاجة إلهي نفسك عن النوم و تعالي ع اخر اليوم كده قبل الساعة ١١:٣٠ يعني ع ١٠ ٩ كده المعاد اللي يريحك نامي فيه هتلاقي قاتلك التعب و عايزة تنامي واظبطي مؤقت ع عدد الساعات اللي جسمك بيكتفي نوم بيها مهما كانت اي اهم حاجة تصحي مكتفية نوم و نشيطة عشان يومك يبقي فعال مش تصحي كسلانة من قلة النوم او تعبانة من كثره كل جسم وله طبيعته يعني انا مثلا انسان بيشبع نوم من ٩ ساعات شخص تاني اربعة شخص تالت ٧..٨.. و هكذا الساعات دي مش احنا اللي بنحددها جسمنا ع حسب مدي الراحة اللي بنحس ليها بعد ما نصحي ف شوفي انتي عدد ساعات نومك اي و ناميها كلها غالبا هي بتتقاس بانك بعد التجربة دي بتقيسي عدد الساعات اللي نمتيها في اول يوم ده بعد التعب و تسيبي مخك يصحي وحده بدون منبه ده يبقي عدد الساعات اللي انتي بتكتفي بيه .. احسبيه بقي عشان تظبطي مؤقتاتك عليه ويفضل يكون وقت صحيانك مناسب لوقت الفجر عشان تصلي و تذاكري ... و بس بقي و كده باقي الايام هي كل الفكرة في أول يوم و بعدها الباقي سهل و هو التثبيت .. مهم جدا خلال اليوم ابعدي عن أي أماكن عقلك مرتبط فيها بالراحة و النوم و اول ساعة تصحي فيها متمسكيش التليفون و آخر ساعة قبل ما تنامي عشان ده بياثر علي مستويات الدوبامين في جسمك ... ف السر في أول يوم والباقي تثبيت .. هتتعبي في أول أيام لكن كافحي و حاولي كل حاجة محتاجة صبر عشان تشوفي النتيجة و تفرحي
تم النشر الأحد، ٢٨ سبتمبر ٢٠٢٥
السلام عليكم ايه الفكرة اللى بتدور فى دماغك اغلب الوقت حاليا ؟ عندك اخوات .؟ اصحاب؟
تم النشر الجمعة، ٢٦ سبتمبر ٢٠٢٥
عزيزتي، أولاً أحب أشكرك لأنك شاركتيني مشكلتك بشكل صريح وواضح. نومك مهم جداً والصعوبات اللي بتواجهيها مؤثرة جداً على صحتك النفسية والجسدية، وأنا هنا لأساعدك قدر الإمكان. خليني ألخص معاك الوضع وأشرح لك بعض النقاط المهمة، وبعدها نعطيك خطوات عملية ممكن تساعدك: ملخص مشكلتك: اضطراب النوم بقاله حوالي 5 شهور، مع وجود أيام نوم طبيعي وأيام ما بتناميش فيها إلا 3 ساعات أو أقل. قلق وخوف ممنوع من فكرة النوم نفس نفسها وتأثير سلبي على راحتك النفسية. تأثير سلبي على بشرتك (شحوب، هالات سوداء، حبوب). زيادة الشهية وتغير في السلوك (العادة). فقدان للطاقة، إحباط، ضعف تركيز، خصوصاً في دراستك. أثر على عبادتك (مش قادرة تصلي). محاولات كثير لتعديل نومك لكنها فشلت، حتى بعد بعد الموبايل. تحليل بسيط للمشكلة: الأرق المزمن هنا واضح ومصحوب بأعراض نفسية (قلق، توتر، خوف من النوم). قلة النوم لفترة طويلة تؤثر بشكل مباشر على جهازك العصبي، وبالتالي على التركيز، المزاج، الدورة الدموية، البشرة وغيرها. محاولة التعويض عن النوم أو استخدام العادة يمكن تزيد المشكلة أو تمنع نوم هاديء ونقّي. قلة النوم تؤثر أيضًا على العبادة والتركيز فيها، وهذا أمر طبيعي لأن الجسم والعقل بحاجة للراحة ليتمكن الإنسان من الخشوع. نصيحتي لك خطوات عملية: البحث عن سبب القلق من النوم: هل في شي معين يخوفك أو يقلقك قبل النوم (فكر، ضغط دراسي، مخاوف مستقبلية)؟ حاول تكتبي مشاعرك وأفكارك قبل النوم على ورقة، ووافقي نفسك أنك تتركين هذه الأفكار ليوم الغد ولا تحملينها معك للنوم. تثبيت روتين يومي ثابت: تعيشي على مواعيد نوم واستيقاظ محددة كل يوم حتى لو النوم معندكيش، حتى يتعود جسمك. اجعلي نور الغرفة خافت وهادئ في وقت النوم، وقللي أي مؤثرات مزعجة. الابتعاد عن الشاشات بوقت كافي قبل النوم: رغم إنك قللتي الموبايل، لكن الأفضل أن تبعدي عنه على الأقل ساعة قبل النوم. جربي نشاط هاديء قبل النوم مثل قراءة كتاب (غير إلكتروني)، أو سماع قرآن أو أذكار. ممارسة الرياضة بشكل معتدل: الرياضة صباحاً أو قبل الظهر تساعد على تعب الجسم وتسهيل النوم، الرياضة المتأخرة ربما تسبب اضطراب النوم. مراقبة الأكل: تجنبي الأكل أو الشاي أو القهوة في وقت متأخر. الأكل الصحي يساعد على نوم أفضل. تجنب العادة التي ذكرتيها: لأنها قد تؤثر على نومك وتزيد استثارة الجسم بدل الراحة. اطلبي الدعم النفسي المختص: أرقك قد يكون لأسباب نفسية تحتاج استشارة طبيب نفسي أو أخصائية نفسية. لا تترددي في طلب دعم في مورد متخصص يمكنه تقييم حالتك بدقة ووصف علاج إن احتاج الأمر. الصلاة والذكر قبل النوم: حاولي تخصيص وقت للدعاء وقراءة آيات من القرآن تطمئن قلبك. الاستعانة بالله وطلب العون والراحة منه هو علاج روحي مهم وفعال جداً. تذكري أنا معك! الأرق له علاج، وأحياناً السبب يكون نفسي أو جسدي أو حتى بيئي. والمهم أن تبدأي تهتمي بنفسك من ناحية جسمية ونفسية وروحية. ركزي على العادات اليومية الصغيرة وكل يوم خطوة. لو حابة، يمكنك أيضاً زيارة صفحة خبراء النوم أو أخصائيات الصحة النفسية على فدني https://www.fedni.net/experts لطلب استشارة مباشرة. وكمان حاولي تكتشفي أسئلة مشابهة في فدني، لأن تجارب الناس أحياناً تعطي حلول وأفكار مختلفة تساعدك. أنا هنا لأي سؤال أو دعم تحتاجينه، لا تترددي في التواصل معي. ربنا يريح بالك ويعافيك يا عزيزتي. ❤️
تم النشر الجمعة، ٢٦ سبتمبر ٢٠٢٥
لعرض السؤال في فدني اضغط هنا