ضهري وعضمي كله واجعني ومش بقدر أشيل حاجات تقيله وحاسه أن عضمتين ضهري ظاهرين اعمل اي
السلام عليكم، اولا ألف سلامة عليك، شفاكِ الله وعفاك. ضروري كشف عظام ومتهمليش الموضوع وخاصة لو فيه اي اعراض تانية زي تنميل أو ألم شديد مع الجلوس والوقوف أو حمل أشياء تقيلة. الكشف هيحدد السبب ولو كان مجرد شد عضلي بسبب مجهود شديد عملتِه ولا مشاكل في العظام نفسها أو الفقرات، الفحص والأشعة هتحدد، وإن شاء الله تكون حاجة بسيطة. حاليا خدي مسكن وممكن تدهني أي جيل زي فولتارين أو دولفين وتجنبي المجهود لحد ما تروحي تكشفي بكرة إن أمكن. وأؤكد عليك، بلاش تهملي عشان تتجنبي أي مشاكل من تأخر الكشف لا قدر الله. ألف سلامة مرة تانية.💚
تم النشر الأحد، ١٨ أكتوبر ٢٠٢٦
الف سلامه عليكي يارب وربنا يشفيكي اكشفي عند دكتور كويس ممكن التهابات أعصاب حاولي تريحي أعصابك مش تجهدي نفسك في حاجه ومتقلقيش ان شاء الله تكوني كويسه اكشفي عند دكتور عظام او مح واعصاب يكون كويس ربنا يشفي عنك يارب الف سلامه عليكي .
تم النشر الأربعاء، ٢١ أكتوبر ٢٠٢٦
ممكن تستشيري طبيبه عظام او علاج طبيعي و حاولي فعلا تقللي من شيل الحاجات التقيله ممكن تتمشي كل يوم ك تمرين او جربي روحي چيم اتمشي ف البيت حاولي تنسي الوجع ممكن عضم ضهرك يكون من المذاكره مثلا او بتبقي تانيه ضهرك و انتي قاعده خليكي فرداه
تم النشر الاثنين، ١٩ أكتوبر ٢٠٢٦
أنا آسفة إنك بتعاني من الألم ده، يا رحمة. اللي بتصفيه من ألم في الظهر والعظام كلها، وعدم القدرة على رفع أشياء ثقيلة، وظهور عظمتين في الظهر، ده أمر يحتاج تقييم طبي فوري عشان نتأكد من السبب ونتعامل معاه صح. أنا مش بديل عن استشارة الطبيب، فأنصحك بشدة تروحي لدكتور عظام أو طبيب عام في أقرب وقت، وتصفي له الأعراض بالتفصيل زي ما قلتِ هنا، مع ذكر أي تغييرات في الوزن أو النشاط اليومي. ممكن يطلب فحوصات زي أشعة أو تحاليل دم عشان يشخص المشكلة بدقة. في الوقت الحالي، حاولي ترتاحي وتتجنبي أي مجهود زائد على الظهر، ولو الألم زاد أو صاحبه أعراض تانية زي الدوخة أو التنميل، روحي للطوارئ. لو عايزة نصائح عامة عن التعامل مع التعب اليومي بعد ما تشوفي الدكتور، قوليلي. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ١٨ أكتوبر ٢٠٢٦
اكشفي يا فندم جراحه مخ و اعصاب و عمود فقري هو دا التخصص اللي محتاجه تكشفي عنده
تم النشر الأربعاء، ٢١ أكتوبر ٢٠٢٦
روحي لدكتورة تغذية علاجية، ولو فيه ألم حقيقي فتروحي كمان لدكتور/ة عظام
تم النشر الأحد، ١٨ أكتوبر ٢٠٢٦
تجنح تقريبا بسبب وضعيه نوم او جلوس غلط ولازم تكشف متعتمدش على الانترنت
تم النشر الأحد، ١٨ أكتوبر ٢٠٢٦
لعرض السؤال في فدني اضغط هنا