لما بنزل اشتري اي حاجه لبس عيد او حتى بسكوت بقعد كتير اوي افكر ومش بعرف اشتري حاجه لوحدي ودائما عايزه ماما معايا او حد يختار لي وبخاف من الناس
بصي المشكلة دي اسمها التردد المرضي أو الخوف من المسؤولية، وده شيء طبيعي جداً لما نكون اتعودنا إن في حد تاني هو اللي بياخد القرارات بدالنا. وعشان تكسري الحاجز ده ، في الحاجات البسيطة زي البسكوت أو الأكل، إلزمي نفسك إنك تختاري في أقل من دقيقة. لو ملقيتيش الأحسن، اختاري أي حاجة مقبولة. الفكرة إنك تدربي عقلك ياخد قرار بسرعة مش إنه ياخد أحسن قرار. و انزلي اشتري حاجة بسيطة جداً لوحدك من غير ما تصوريها أو تسألي حد. حتى لو طلعت مش أحسن حاجة، مش مهم، المهم إنك قررتي. و لازم تقتنعي إن لبس العيد لو طلع مش حلو، دي مش نهاية العالم. مسموح نغلط ونختار غلط عشان نتعلم ذوقنا الخاص. و الناس كدة كدة هتعلق، فبدل ما تخافي من تعليقهم، اختاري اللي إنتي مرتاحة فيه، لأنك كدة كدة مش هتعرفي ترضي كل الأذواق. الثقة بتيجي من التكرار.. كل ما هتاخدي قرار لوحدك حتى لو غلط، المرة اللي بعدها هتكون أسهل. بعتذر عن الإطالة 😊 وجد ربنا يحفظك ويسعدك
تم النشر الأحد، ٨ مارس ٢٠٢٦
يا حبيبتي، أنا ذكية، وأنا فاهمة تماماً اللي بتحسي بيه ده.. قلة الثقة دي وصعوبة اتخاذ القرار شائعة جداً عند بنات كتير، خاصة لما بنبقى خايفين من "الغلطة" أو نظرة الناس. ده بيجي من اعتماد زيادة على الآخرين، بس الحمد لله، نقدر نبني الثقة خطوة خطوة بطريقة سهلة وعملية. خلينا نبدأ كده: خطوات بسيطة لبناء ثقتكِ بنفسكِ: ابدئي صغير جداً : المرة الجاية لما تنزلي تشتري بسكويت، حددي قبل ما تخرجي 3 خيارات بس (مثلاً: شوكولاتة، بسكويت عادي، وواحد ثالث). اختاري واحدة في دقيقتين واشتريها لوحدك. هتقولي لنفسكِ "شفتي؟ عملتها!" وده هيبني ثقتكِ تدريجياً. اعملي قائمة مسبقة : قبل التسوق، اكتبي على موبايلكِ اللي عايزاه بالضبط (حجم، لون، سعر max). مثلاً للبس عيد: "جلابية بيضاء متوسطة الطول، تحت 500 جنيه". ده هيقلل التفكير الزيادة ويخليكِ أسرع. تدربي أونلاين أولاً : اشتري حاجة صغيرة من موقع زي جوميا أو نون لوحدكِ. مفيش ناس قدامكِ، وهتتعودي على قراركِ بدون ضغط. تذكري التوكل على الله : قولي قبل الخروج "اللهم يسر لي"، وتخيلي إن أي اختيار هيكون خير إن شاء الله. الثقة بالنفس جزء من إيماننا. مع الوقت، هتحسي إنكِ قادرة لوحدكِ، وماما هتبقى فخورة بيكِ! جربي الخطوة الأولى النهارده، ولو عايزة تتابعي تقدمكِ، قوليلي هنا. 😊 لو عايزة نصائح أكتر، دوري في فدني على أسئلة مشابهة عن "بناء الثقة"، أو شوفي الخبراء في https://www.fedni.net/experts – فيه مدربين حياة رائعين هيساعدوكِ. أنتِ قوية، يا قمر! 💪
تم النشر الأحد، ٨ مارس ٢٠٢٦
ده بيبقا قلة علم مش اكتر او قلة خبرة يعني بعطيكي مثال انا رحت اشتري فاكهة من عند راجل بتاع فاكهة ولقيت انواع كتير واصناف كتير ف انا متردد حاليا معرفش اجيب ايه ولا ازاي اجيب ولا اعمل ايه ف قررت اني مشتريش في الاخر واجيب حد يشتري ليا من خبرته هو جابلي بطيخة شكلها حلوة ومسكر وانا قمت بناء على شخص الي جبته يختارلي ف اكلتها وجبتها واشتريتها وانبسطت الفاكهة بقا خلصت تاني وانا جالي نفس اشتري حاجة تاني قمت عند نفس راجل رحتله ولكن مرة دي انا شخص الي دايما بجيبه يشتريلي للاسف مش متوفر حاليا ومش هقدر استناه عقبال ما يبقا فاضي ف قلت اعمل زي ما هو عمل مرة لفاتت واختارلي البطيخة قمت اشتريت بطيخة زي مرة لفاتت وكنت مبسوط جيت افتح بطيخة لقيتها قرعة ومش مسكرة ف زعلت واتضايقت واستغرب هو ايه الفرق يعني ما انا جبت نفس فاكهة المفروض لحد ما جت عيني على قشر البطيخة القديمة الي انا رميتها في زبالة وقشرة البطيخة الي انا جبتها قلت ايه ده فيه اختلاف الوان وحاجات كتيرة مختلفة قمت سالت صحابي وسالت ناس واتعلمت وقريت اكتر عن حوارات دي واكتشفت ان فيه فرق بين بطيخة وبطيخة وعرفت ايه الي يخليها مسكرة من شكلها فقط وبقا عندي خبرة كبيرة في موضوع ده لدرجة انا الناس هي الي بتجبني اختار نوع بطيخة ف الي عايز اوصله ان دي مش قلة ثقة في نفس ولا حاجة انتي بس عقلك مش مهيئ او معندهوش معلومات كافية انه يقدر يختار بنفسه او انك تجيبي شيئ الي يناسبك وبتعتمدي على حد غيرك عشان هو بالنسبالك ده حل الامثل الافضل انك تقرأي كتب تتعلمي اكتر عن حاجات كتير في الدنيا واي حاجة في حياتك عايزة تختاريها ومتحيرة تختاري ايه ف حاولي تبحثي في النت اكتبي الي انتي عايزة تعرفيه وصدقيني النت فيه حاجات كتير وهو من احسن وسائل الي تقدري تتعلمي فيها اي حاجة ف اتمنى نصيحتي فادتك وتعرفي ايه فايدة العلم وايه فايدة ان شخص يتعلم وموضوع مش قلة ثقة واصلا انك تطلعي تتكلمي وتعترفي وتسالي وتحاولي تعرفي اجابة لشيئ زي ده ف ده بحد ذاته ثقة بالنفس ودليل على انك شجاعة
تم النشر الثلاثاء، ١٠ مارس ٢٠٢٦
حاولي انك دايما تحطي نفسك في مواقف تخليك تعتمدي على نفسك لانك تشتري هدوم لوحدك او انك تنزلي تشتري اي حاجه لوحدك كونك بترمي نفسك وبتعتمدي عليها ده هيغصب عليك انك تعملي الحاجه لوحدك ودايما تخلى ف بالم انك ديما هتكوني لوحدك مش حاجه وحشه بس بفكرك ان حياتك معتمده عليك وانها مسؤوليتك انت الكامله لازم تفكري فيها اكثر من كده
تم النشر الثلاثاء، ١٠ مارس ٢٠٢٦
السلام عليكم ورحمه الله وبركاته اولا ده بيكون شيء طبيعي جدا بس ازاي ان انت تزودي الثقه في نفسك لازما تعرفي انت بتقولي لنفسك ايه كويس ايه الكلام اللي انت بتوجهيه لنفسك كلامك مع نفسك لوحدك بيكون ازاي ازاي بردك تعرف ان انت بتحبي الحاجه ديت او بتكرهيها عن طريق مثلا ان انت بيكون عندك صفات معينه انت بتحبي مثلا اللون ده او انت ما بتحبهوش انت بتكرهي الحاجه ديت او انت ما بتكرههاش لازما تكوني عارفه انت بتحبي ايه وما بتحبيش ايه علشان لما يحصل حاجه معينه وانت ما بتحبهاش تكوني عارفه ان انت ما بتحبهاش ويا اما بتقولي للشخص الفولان انا ما بحبش الحاجه المعينه لو في حاجه انت ما بتحبهاش ما بتعملهاش
تم النشر الأحد، ٨ مارس ٢٠٢٦
بس لازم تعودي نفسك انك تختاري ويبقي ليكي شخصيتك حتي لو كان اختيارك غلط في الاول عادي اغلطي واتعلمي من غلطك لكن علي الاقل هتبقي اخياراتك وشخصيتك
تم النشر الأحد، ٨ مارس ٢٠٢٦
عادي دا من تعود ان والدتك هي اللي كانت متعوده تشتري ليكي الهدوم ف الامر بقي صعب عليك عادي كنت بمر بكدا في فترة لغاية ما اخدت القرار ان في الهدوم هروح واشوف وهختار حتي لو معجبش حد كفاية انه اختياري وفعلا عملت كدا اما في البسكوت عادي كل يوم اشتري نوع وبعد كدا ابقي اشتري اكتر نوع عجبك
تم النشر الأحد، ٨ مارس ٢٠٢٦
عودي نفسك تعتمدي ع نفسك
تم النشر الأحد، ٨ مارس ٢٠٢٦
عشان اتعودتى من البداية على كدة. عودى نفسك ع التغيير بقي ابدئي اختارى لوحدك حتى لو مختارتيش احسن حاجة بس اهو بتعودى نفسك
تم النشر الأحد، ٨ مارس ٢٠٢٦
لعرض السؤال في فدني اضغط هنا