السلام عليكم ورحمه الله وبركاته
كنت محتاجه تساعدوني في فكره لمشروع عندى في الكليه
المشروع عباره عن فيديو مدته ١٠ دقائق لازم الفكره تكون مفيده وجديده ولها فكره لاخصائي ويفضل يكون لها علاقه بالتكنولوجيا وتكون سهله في التصوير لانه عمل فردى ممكن أفكاركم وشكرا
و عليكم السلام ورحمه الله وبركاته ، ممكن تعمليه فيديو عن تطور البرمجيات في اخر 30 سنة بالتصوير السريع ، هتحتاجي ادوات مونتاج ai علشان تحركي صور من الماضي لحد الحاضر دلوقتي ، التطور بيبدأ من أول اختراع الكمبيوتر و ممكن يكون عبارة عن شاشات برمجية بالتدريج بالفترات الزمنية و يتختم بالنهارده و المبرمج بتستخدم الذكاء الاصطناعي في البرمجة، و بالتوفيق 😊
تم النشر الخميس، ٢٦ مارس ٢٠٢٦
وعليكم السلام ورحمة الله وبركاته، حبيبتي! 😊 فكرة رائعة لمشروعك، وأنا سعيدة إني أساعدك. إليك فكرة تعليمية جديدة ومفيدة للأخصائيين النفسيين (مثل علماء النفس أو المدربين)، مرتبطة بالتكنولوجيا، وسهلة التصوير فردياً باستخدام هاتفك فقط (شاشة هاتف، رسوم بيانية بسيطة عبر Canva، وصوتك): عنوان الفيديو: "كيف يساعد الذكاء الاصطناعي الأخصائيين في كشف علامات الاكتئاب المبكر عبر تحليل النصوص" لماذا هذه الفكرة مثالية؟ مفيدة وجديدة : تعتمد على أدوات AI مثل Google Cloud Natural Language أو تطبيقات مجانية زي "Sentiment Analyzer"، اللي بتحلل كلام المريض (رسائل، يوميات) لكشف الاكتئاب قبل تفاقمه. مفيدة للأخصائيين في التشخيص السريع. علاقة بالتكنولوجيا : AI وتحليل البيانات. سهلة التصوير (عمل فردي) : لا تحتاجين ممثلين أو معدات، بس هاتفك وكمبيوتر بسيط. هيكل الفيديو (10 دقائق بالضبط): مقدمة (1 دقيقة) : قدمي نفسك، شرح المشكلة (انتشار الاكتئاب)، ودور الـAI. الشرح النظري (2 دقيقة) : شرح بسيط لكيفية عمل AI في تحليل المشاعر (كلمات سلبية زي "حزين" أو "يائس"). عرض عملي (4 دقائق) : سجلي شاشة هاتفك وأظهري تطبيق مجاني (مثل MonkeyLearn أو IBM Watson Tone Analyzer). أدخلي نصوص عينة (مثال مريض سعيد vs. اكتئابي) وأظهري النتائج. فوائد للأخصائيين + نصائح عملية (2 دقيقة) : كيف يدمجونها في جلساتهم، مع أمثلة حقيقية من دراسات (ابحثي في PubMed بسرعة). خاتمة ودعوة للعمل (1 دقيقة) : لخصي، شجعي الأخصائيين على التجربة، وأضيفي روابط التطبيقات. نصائح للتصوير : استخدمي CapCut أو InShot للتحرير (مجاني)، أضيفي موسيقى هادئة، ورسوم متحركة بسيطة. هيكون احترافي وممتع! لو عايزة أفكار إضافية، جربي تبحثي في فدني عن "فيديوهات تعليمية تكنولوجيا" أو زوري صفحة الخبراء https://www.fedni.net/experts لأخصائيين في التكنولوجيا والنفس. نجحي يا بطلة، أنتِ قادرة! 💪 إذا احتجتِ تعديل، قولي لي.
تم النشر الخميس، ٢٦ مارس ٢٠٢٦
احب اشكركم جميعا علي المساعده والإلهام واحب ابشركم اخيرا الدكتور وافق علي الفكره بتاعتي وهي "فكرة الفيديو عبارة عن (استطلاع رأي ميداني) مع طلاب القسم، بنناقش فيه التحديات الأكاديمية أو التكنولوجية اللي بتواجههم في دراستهم، وبنطلب منهم يقترحوا حلول عملية من وجهة نظرهم أو تقديم الحلول لهم . الهدف من الفيديو هو تسليط الضوء على مشاكلنا كطلاب ومحاولة خلق بيئة تعليمية أفضل."
تم النشر الأربعاء، ١ أبريل ٢٠٢٦
طيب انت كلية ايه علشان نقدر نقترح افكار مناسبة والمفترض يكون عن ايه المشروع
تم النشر السبت، ٢٨ مارس ٢٠٢٦
ممكن تعرضى فى فبديو مشكلة معينة وازاى احنا حليناها أو ممكن تتحل عن طريق التكنولوجيا فاهمانى
تم النشر السبت، ٢٨ مارس ٢٠٢٦
سلام عليكم فى فكرة وإن شاء الله فيه خير تعملوا فيديو عن تطبيق يقرء الاشياء للمكفوفين مثل ادواية وغيره من الأشياء مثل عملات نقديه وهكذا ممكن تكون اول حاجه فى الفيديو تكون عن فقدان البصر وهكذا وبعدين شرح الفكرة وبعدين تجارب ازاى يفيد وبعدين ازاى نطور التطبيق
تم النشر الاثنين، ٣٠ مارس ٢٠٢٦
بالظبط
تم النشر الاثنين، ٣٠ مارس ٢٠٢٦
حاجه كريتيف و يكون احنا اللي في الفيديو مش سكرين شوتس أو سكرين ريكورد لشاشه مثلا وبعد كده نعمله مونتاج ويكون مدته لا تقل عن ٥ دقائق والأهم يكون له هدف واضح
تم النشر الأحد، ٢٩ مارس ٢٠٢٦
مش عارفة إيه المشكله بالضبط بس لازم حاجة كريتيف متعملتش قبل كدا علشان الدكتور البيض دا يعديها طب وبيشترط ايه تانى فى الفيديو ؟
تم النشر السبت، ٢٨ مارس ٢٠٢٦
اللي معجزني اوي أنه محتاج حاجات جديده وافكار محدش عملها قبل كده وبيرفض كل الافكار التقليديه
تم النشر السبت، ٢٨ مارس ٢٠٢٦
طيب الموضوع عن ايه
تم النشر الخميس، ٢٦ مارس ٢٠٢٦
هي حلوه بس عايزنا بردو نجيب حاجه من الواقع يعني مثلا لو اتكلمنا عن برنامج بيساعد المكفوفين مش هتفضل نتكلم وبس عايزين نروح نجيب البرنامج ونجيب واحد مكفوف بيستخدمه ها هل حضرتك مستفاد مثلا من البرنامج ده وازاى واديلنا نصائح وايه مميزاته وايه المشكلات اللى فيه فاهم قصدي معايا زمايلي اشتغلوا علي فكره شبهه كده ولكن مع مكتب طباعة علي ما اعتقد ورواحوا وقالهم تعملوا مقابله مع صاحب المكان وتسالوه عن كل حاجه وبعد كده يوريكوا عملي وايه المشكلات وتتحل ازاي وكل حاجه بتتعمل ازاي
تم النشر الثلاثاء، ٣١ مارس ٢٠٢٦
أعظم حاجه ممكن مشكلة تعلق بعض البشر ب نماذج الذكاء الاصطناعى ك صديق ليهم ومدى تأثير دا عليهم نفسيا أولا اجتماعيا دينيا وهكذا بس عايزه دراسة وتعب منكم لأنه موضوع مهم ومحدش اتكلم فيه كتير قبل كدا
تم النشر الثلاثاء، ٣١ مارس ٢٠٢٦
طالما انتوا اللى هتطلعوا تتكلموا ..... ممكن تتكلموا عن أبليكشن من أى أبليكشن تواصل ومدى تأثيره على المجتمع ..... أو مثلا تتكلموا عن الروبوتات وإيه هى المميزات والعيوب وهل احنا فعلا داخلين على عصرهم أم لا .... أو ممكن تتكلموا عن السوشيال عموما ومدى تأثيرها على حياة الناس الإجتماعية ..... او ممكن تتكلموا عن تكنولوجيا الذكاء الاصطناعى وازاى انه محى مجالات كتير وانه متوقع انه لسه يطغى أكتر وأكتر .
تم النشر الثلاثاء، ٣١ مارس ٢٠٢٦
قصدك نجيب حد من المكفوفين ونشوف هل التطبيق ده بيساعده ولا لا
تم النشر الثلاثاء، ٣١ مارس ٢٠٢٦
يعنى فيديو عبارة عن خمس دقايق ، انتى أو انتوا اللى هتتطلعوا فيه وهتتكلموا عن موضوع معين بس كدا صح ؟
تم النشر الأحد، ٢٩ مارس ٢٠٢٦
حلوه اوي ايه المشكله ؟؟
تم النشر السبت، ٢٨ مارس ٢٠٢٦
مش محدد موضوع معين واي فكره انا في تربية نوعية قسم تكنولوجيا
تم النشر السبت، ٢٨ مارس ٢٠٢٦
طب فكرة عن إية طيب أو إية المحتوى العام ؟
تم النشر الجمعة، ٢٧ مارس ٢٠٢٦
اتمني اي حد عنده فكره يكتبها حتي لو خاطره ممكن تفيدني
تم النشر الخميس، ٢٦ مارس ٢٠٢٦
لعرض السؤال في فدني اضغط هنا