ما هو علم الفراسه
ماذا تعرف عن علم الفراسه
وهل هو حقيقي ولا كلام فاضي
وهل حلال ولا حرام
وهل انت مصدقه ولا لاء
١/ الفراسة هى مهارة أو "فن" لمحاولة فهم شخصية البني آدم من ملامح وشه (زي شكل العين، الجبهة، الحواجب) وطريقة كلامه وحركته. تاريخياً: العرب زمان كانوا مشهورين جداً بالفراسة، وكانوا يقدروا يعرفوا الشخص ده طيب ولا خبيث، أو تبع أنهي قبيلة بمجرد النظر لملامحه وتصرفاته. ٢/العلم الحديث بيقول: في جزء منه كلام فاضي وجزء تاني حقيقي جداً. الكلام الفاضي: إننا نربط صفة ثابتة بشكل ملامح معين (مثلا: اللي مناخيره بشكل كذا يبقى بخيل) ده ملوش أي أساس علمي لأن الملامح جينات موروثة ملهاش علاقة بالأخلاق. الجزء الحقيقي: هو "فراسة لغة الجسد وتعبيرات الوش الدقيقه ده علم حقيقي ومثبت بنعرف منه لو الشخص متوتر، بيكدب، أو فرحان من حركات عينه وإيديه. ٣/هل حلال ولا حرام؟رأي الدين (دار الإفتاء): الفراسة حلال ومش حرام، بل هي كمان صفة ممدوحة للمؤمن ("اتقوا فراسة المؤمن فإنه ينظر بنور الله")الشرط الوحيد بس إنها متتحولش لـ ادعاء علم الغيب أو الدجل والسحر، أو إنك تستخدمها عشان تسيئي الظن بالناس وتتهمهم في نيتهم بمجرد الشبه، طالما بتستخدم كـ "حس أمني" أو ذكاء اجتماعي فهي حلال تماماً موقفي منه: أنا مصدقه الجزء الذكي منه، اللي هو "الذكاء العاطفي والملاحظة القوية". مصدقه إن الشخص اللماح بيقدر يلقط نظرة العين، نبرة الصوت، وطريقة المعاملة ويفهم اللي قدامه بيفكر في إيه. لكن مش مصدقه الكتب القديمة اللي بتقول لو جبهتك عريضة يبقى إنت كذا؛ لأن الناس بتتغير وطباعها بتتعدل بالتربية والبيئة
تم النشر الخميس، ١٤ مايو ٢٠٢٦
بالنسبة لي أؤمن بعلم الفراسة فهو علم يعتمد على استنباط بواطن الأمور من ظواهرها فقد كان العرب قديمًا يتسمون بالفراسة؛ حتى أن الشخص اسمه يؤثر على شخصيته و حياته و صفاته ما بالك بملامحه !! كما قال رسول الله ﷺ: ﴿اتقوا فراسة المؤمن، فإنه ينظر بنورِ الله﴾؛ و لو تعمقت في الأمر و بحثت فيه ستجد أن شيوخ كبار كتبوا فيه منه: كتاب الفراسة للإمام فخرالدين الرازي، و كتاب السياسة في علم الفراسة لشمس الدين الأنصاري؛ كما أنك ستكتشف أن الصفات مرتبطة حقا بالملامح اذا بحثت عن ملمح معين او كذا
تم النشر الجمعة، ١٥ مايو ٢٠٢٦
تمام 👌
تم النشر الجمعة، ١٥ مايو ٢٠٢٦
نعم لكن لا انصح بالتعمق فيه فما الهدف من معرفة شخصيات الناس ؟ اذا كان لأخذ الحذر منهم فعليك ان تأخذ الحذر من الجميع ليس اشخاص محددين
تم النشر الجمعة، ١٥ مايو ٢٠٢٦
دي حاجات نسبية غير واضحة ممكن تكون صح أو خطأ فمتاخدهاش كعلم تدرسه غير انها ممكن توديك في طرق ضلال .... ولكن هي موجودة بالتأكيد في ناس بيكون عندهم نظرة معينة زي عمر بن الخطاب رضي الله عنه ... وبيعرفوا من طريقة المشي أو الملامح
تم النشر الجمعة، ١٥ مايو ٢٠٢٦
اولا انا ما اعرفش ايمن عبد الرحمن ده وثانيا علم الفراسه ما لهوش دعوه بعلم النفس نهائي ولا بلغه الجسد ده علم مستقل بذاته تمام انا عن نفسي انا كنت مكذبه وبقول التخاريف دي ومش مصدق ولكن لما اخذت العلم والمعلومات بقيت بشوفها على الناس لقيتها صحيحه 100% بدات بقى ادريس ادخل واتعمق فيه لان بردك ربنا بيبعت رسائل للشخص المتفرج ممكن يتوقع حاجه او يستنتج حاجه هتحصل فيما بعد تمام يعني مثلا ممكن الاقي شخص بيتعامل مع بنات كثير على مراته وانا عرفت حاجه زي كده هنا بقى انصحه لاني انا شايف لو سكت هيحصل مشكله مع مراته فيما بعد فانا لما انصحه ممكن يتراجع على اللي في دماغه هي دي الحكايه مش اكتر
تم النشر الجمعة، ١٥ مايو ٢٠٢٦
انت بردك كلامك صح ولكن هو علم وبيتدرس انت كلامك صحيح لان ما ينفعش احكم على الناس بسرعه فان لازم تتعلم وتتاكد وتجرب لما تتعلم خلاص هتبقى حاجه بالنسبه لك عاديه زي الامام الشافعي الامام الشافعي قعد يدرس فيه حوالي اربع سنين او خمس سنين وكان بيدرسوا لغايه ما تعلموا وايقنوا تمام كمان المشوار ده عامل زي المدرس بتاع الرياضه اول لما كان مثلا طالب او بيدرس بيلاقي مسائل صعبه بيلاقي مسائل ما بتتحلش بسهوله ولكن لما يكون استاذ كبير خلاص هو ايقن الماده او ايقن العلم بقى اي مساله هيعرف يحلها بسهوله تمام هي دي كل القصه
تم النشر الجمعة، ١٥ مايو ٢٠٢٦
بشكرك على اجابتك ولكن انت بتتعامل مع الناس مش بالفراسه ولكن علم الفراسه انت بتعرف الباطن بتاع الشخص من شكل الظاهر اي شكل في الوش بيدل على صفات الشخصيه الشخص ده بيفكر ازاي بيتعامل ازاي فاهم قصدي عن طريق قراءه الوجه اقدر احلل شخصيه اللي قدامي واعرف صفاته قبل ما اتعامل معاه اصلا ولا اعرفه اصلا 👌
تم النشر الخميس، ١٤ مايو ٢٠٢٦
لعرض السؤال في فدني اضغط هنا